وقۋلىق وڭباي, بالاعا ءبىلىم قونبايدى

ءبىلىم جانە عىلىم ءمينيسترى ب.جۇماعۇلوۆتىڭ توراعالىعىمەن «ۋچەب­نيك» رەسپۋبليكالىق عىلى­مي-تاجىريبەلىك ورتالىقتىڭ قىز­مە­تىن جەتىلدىرۋ ماسەلەسى جونىندە كەڭەس ءوتتى. ورتالىقتىڭ قىزمەتىن تالداۋ ناتيجەسى كورسەتكەندەي, وقۋ­­لىقتار مەن وقۋ-ادiستەمەلiك كە­شەندەردى ازىرلەۋ جانە شىعارۋ, وتاندىق جۇيەنى قاتاڭ جەتىلدىرۋ تالابى كۇن تارتىبىنە قويىلىپ وتىر دەسەك, بۇگىندە ەڭ باستى شەشىلمەگەن ماسەلە وقۋلىقتاردى ساراپتاۋ ساپاسى بولىپ تۇر. ءيا, كوپتەگەن وقۋلىقتار سا­پا­سى اتا-انالار مەن جۇرتشىلىق­تىڭ قانا ەمەس, سونى­مەن بىرگە پە­داگوگتاردىڭ دا رەنىشىن تۋدىرىپ وتىر. سوعان وراي وتكەن جىلدىڭ قاراشا ايىندا ساراپتاۋ پروتسەد­ۋ­راسىن جەتىلدىرۋ ماق­ساتىندا شارالار كەشەنى قا­بىلدانعان بولسا, ەندى مىنە, ءتاۋ­ەلسىز ساراپتاۋ جۇيە­سى ەڭگىزىلىپ وتىرعانىن دا ايتا كەتسەك دەيمىز. تاعى ءبىر ماڭىزدى ماسەلە – ول جىلدان جىلعا وقۋلىق اۆتور­لا­رى­نىڭ وزگەرمەۋى. ۇستىمىزدەگى جىل­­دىڭ مامىر ايىندا ماتەماتيكا مۇ­عالىمدەرىنىڭ ءى سەزىندە مينيستر جاڭا فورماتسياداعى اۆتورلار مەن ساراپشىلاردى دايارلاۋ جانە وقۋ­لىقتار مەن وقۋ-ءادىس­تەمەلەردىڭ ساپاسىنا ەكسپەرتتىك قورىتىندى بەرگەن اۆتورلار تو­لىق جاۋاپ بەرەتىن ۇستانىمدى قامتاماسىز ەتۋ قاجەتتىلىگىن ايت­قان بولاتىن. ءبۇ­گىنگى جيىن وسى شەشىمنىڭ دۇ­رىس­تىعىن بايقاتتى. قازاقستاندا ەكس­پەرتتەردى جانە وقۋ­لىقتاردىڭ اۆ­تورلارى مەن شى­عارۋشىلار مەكتە­بىن قۇرۋ ۋا­قىتى كەلدى. وسى ورايدا, الداعى ايدىڭ باسىندا استانا, الماتى, اتىراۋ, تاراز قالالا­رىن­دا وقۋ­لىقتار سا­پا­سىنىڭ ءما­سە­لە­لەرى بوي­ىنشا ايماقتىق جي­ىندار وتكىزىلەتىن بولسا, بۇل ءما­سەلە 25 تامىزدا استانادا وتەتىن رەس­پۋ­ب­ليكالىق پەداگوگتار فورۋ­مىن­دا تالقىلانا­تىن نەگىزگى تا­قىرىپ بول­ماق دەپ, حابارلادى قر بعم باس­­پاسوز قىزمەتى.