اۋىل ازاماتىن ۇمىتپايدى

تورعايدىڭ داڭقىن شىعارعان تۇلعالار جەتەدى. كەڭەس وداعى كەزىندە ەڭبەك ادامدارى دا جوعارى دارىپتەلگەن ەدى. سونىڭ ءبىرى – قا­زاق كسر اۋىل شارۋاشىلىعىنا ەڭبەك سىڭىرگەن قىزمەتكەر, كسرو حالىق شارۋاشىلىعى كورمەسىنىڭ جۇلدە­گەرى, كوكپ ءححىىى سەزىنىڭ دەلە­گا­تى, قازاق كسر جوعارعى كە­ڭەسىنىڭ دەپۋتاتى, اۋىلدىق, جانگەلدين اۋ­داندىق جانە تورعاي وب­لىستىق كوم­سومول, پارتيا جانە كەڭەس ور­گان­دارىنىڭ جۇمىستا­رى­نا ۇزاق جىلدار بويى تۇراقتى قا­تىسقان مايتالمان شوپان, تورعاي ەلىنىڭ اياۋلى ازاماتى اڭساعان قوڭ­قا­باي­ ۇلى بولاتىن. جاقىندا ونىڭ تۋعا­نىنا 70 جىل تولۋىنا وراي جانگەلدين اۋدانىنداعى اق­كولدە ەسكە الۋ كەشى ءوتتى. اتالعان شاراعا اۋدان باسشىلارى, ەڭبەك ارداگەرلەرى, «نۇر وتان» پارتياسى اۋداندىق فيليالىنىڭ مۇشەلەرى, اڭساعان­نىڭ سىيلاس, قىزمەتتەس بولعان زا­مانداستارى, بىرگە وقىپ, جاقىن ارا­لاسقان دوستارى, اۋىل­داس­تارى مەن مەكتەپ وقۋشىلارى قاتىسىپ, جىلى لەبىزدەرىمەن ءبولىستى. جينالعاندار الدىمەن اڭسا­عان قوڭقاباي ۇلى اتىنداعى ورتا مەكتەپ الدىنداعى ونىڭ ەسكەرتكىشىنە تاعزىم ەتىپ, گۇل شوقتارىن قويدى. اۋداندىق ارداگەرلەر كەڭە­سى­نىڭ توراعاسى ورەكەن المات قۇت­تىق­تاۋ ءسوز سويلەپ, زامانداسى جاي­­ىندا وتكەن كۇندەردەن سىر شەرتتى. ەسكە الۋ شاراسى اۋىلداعى ءبىلىم ۇياسىنىڭ اڭساعان قوڭ­قا­باي­ ۇلى جايىندا جازىلعان «تاۋ­تۇل­عا» ەستەلىكتەر جيناعىنىڭ تۇ­ساۋ­كەسەر راسىمىمەن جالعاستى. جانگەلدين اۋدانىنىڭ اكىمى ناريمان تولەپوۆ ءوزىنىڭ جۇرەكجاردى قۇت­تىق­تاۋىن جەتكىزدى. تۇساۋكەسەر ءراسىمى كەزىندە قاي­راتكەردىڭ ءومىرى مەن اتقارعان قىز­مەتى تۋرالى دايىندالعان بەينەماتەريال كورسەتىلدى. «جاقسىنىڭ اتى وشپەس» اتتى كونفەرەنتسيا بولىپ, ازاماتتىڭ وسكەن ورتاسى, قىزمەتى, جاساعان ەڭبەكتەرى جاي­ىن­دا جىلى لەبىز-ەستەلىكتەر اي­تىل­دى. جينال­عاندار مەكتەپ وقۋ­شى­لارى داي­ىن­داعان «بالا اڭساعان» ساحنالىق قويىلىمىن تاماشالادى. ءنازيرا جارىمبەتوۆا, قوستاناي وبلىسى, جانگەلدين اۋدانى, اقكول اۋىلى.