كاسىپكەر اسىلبەكتىڭ تارتۋى

قۇت-بەرەكە دارىعان قاراتال اۋدانىنىڭ ورتا­لى­عى توعىز جولدىڭ تورابى سانالاتىن ۇشتوبە قالا­سى­نىڭ ينفراقۇرىلىمى سۋ جاڭا سپورتتىق-ساۋىق­تىرۋ كەشەنىمەن تولىقتى. جەرگىلىكتى كاسىپكەر ەسىمى رەسپۋبليكامىزعا كەڭىنەن تانىمال ازامات, 2010 جىلعى رەسپۋبليكالىق «پارىز» كونكۋرسىنىڭ ءجۇل­دەگەرى «تاماس» جشس-نىڭ ديرەكتورى اسىلبەك پۇ­سىرمانوۆ. اۋدان تۇرعىندارىنىڭ دەنساۋلىعىن نى­عايتۋعا باعىتتالعان كەشەندى اشۋ سالتاناتىنداعى جيىندا ول: «بۇل ءبىزدىڭ ۇجىمنىڭ تۋعان اۋدا­نى­مىز­عا تاۋەلسىزدىگىمىزدىڭ 20 جىلدىعىنا ارنالعان سىي تارتۋى», – دەپ ماقتانىش سەزىممەن ايتتى. قازىرگى زاماناۋي ۇلگىدە جاراقتاندىرىلىپ جاب­دىقتالعان ەكى قاباتتى ەڭسەلى دە كورىكتى كەشەن فۋتبول, ۆولەيبول, باسكەتبول, ترەناجەر, اەروبيكا جانە شەيپينگپەن اينالىساتىن زالداردان, ءجۇزۋ باسسەينىنەن, ماسساج جاساۋ بولمەسىنەن, بالالار ويىن الاڭىنان تۇرادى. اپتاسىنا التى كۇن جۇمىس ىستەيتىن ورتالىقتىڭ قىزمەت كورسەتۋ اقىسى دا پالەندەي قىمبات ەمەس. ەندى اۋدان تۇرعىندارى دەنساۋلىعىن نىعايتۋ ءۇشىن بۇعان دەيىنگىدەي وبلىس ورتالىعى – تالدىقورعان قالاسىنا بارىپ, سابىلمايتىن بولا­دى. ەڭ ءبىر قۇپتارلىعى – زەينەتكەرلەر مەن تۇرمى­سى تومەن وتباسى مۇشەلەرىنە دە ايتارلىقتاي جە­ڭىل­دىك جاسالادى. ۇشتوبە قالاسى ەجەلدەن-اق قازاق سپورتىنىڭ ءار جىلداعى ماقتانشى, اتاقتى بوكسشىلار ا.جاپسارباەۆ, ب.ساعىندىقوۆ, م.يۋرچەنكو, اۋىر اتلەتتەر س.فيليمونوۆ, ۆ.سەدوۆ, ن.نوگايدىڭ وتانى. قالا اجارىن شىرايلاندىرعان ءساندى كەشەننىڭ ءالى دە تالاي جاس سپورتشىلاردىڭ قاناتتانىپ, ۇشۋىنا سەپتىگى تيەتىندىگىنە سەنىم زور. قاراشا قارامان. الماتى وبلىسى, قاراتال اۋدانى.