نورۆەگيا ەلشىسىن قابىلدادى

كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ نورۆەگيا كورولدىگىنىڭ ەلشىسى داگ مالمەر حالۆورسەندى قابىلدادى, دەپ حابارلادى ءسىم-ءنىڭ ءباسپاسوز قىزمەتى. نورۆەگيادا جاقىندا ورىن ال­عان قايعىلى وقيعاعا وراي قازاق­ستاندىق سىرتقى ساياسات ۆەدومس­تۆو­سىنىڭ باسشىسى «قايعىلى سا­عات­تاردا پرەزيدەنت نۇرسۇلتان نازارباەۆ كورول حارالد V-كە قا­زاقستان حالقىنىڭ نورۆەگيا حال­قىنا دەگەن سەزىمدەرى مەن قاي­عى­رۋىن جەتكىزگەن كوڭىل ايتۋىن جول­داعانىن» اتاي وتىرىپ, قازا تاپ­قان­داردىڭ وتباسىنا, تۋعان-تۋ­ىس­تارى مەن جاقىندارىنا تە­رەڭ كو­ڭىلى مەن زارداپ شەككەن­دەر­دىڭ بار­لىعىنا قولداۋ سوزدەرىن جەتكىزدى. كەزدەسۋ بارىسىندا ە.قازى­حا­نوۆ قازاقستان ەكسترەميزم مەن لاڭ­كەستىكتىڭ كەز كەلگەن ءتۇرىن قات­تى سىنعا الاتىنىن اتاي وتىرىپ, وسى كۇندەرى قازاقستان حالقى نور­ۆەگيا حالقىنىڭ قاسىندا ءجا­نە قازاقستان وسى جىلداردىڭ بار­لىعىندا ەكسترەميزم مەن لاڭ­كەستىكپەن كۇرەس جونىندەگى حالىق­ارالىق شارالاردىڭ بەلسەندى جانە ماڭىزدى قاتىسۋشىسى بو­لىپ كەلگەنىن اتاپ ءوتتى. استانانىڭ اعىمداعى سىرتقى ساياسي باستامالارىنا توقتالا كەلە, قازاقستاندىق مينيستر نورۆە­گيالىق ديپلوماتتى قازاقستان­نىڭ يسلام ىنتىماقتاستىق ۇيى­مى سىرتقى ىستەر مينيستر­لەرىنىڭ كەڭەسىندەگى باسىمدىق­تا­رىمەن تا­نىستىرىپ, حالىقارا­لىق جانە ايماقتىق قاۋ­ىپ­سىزد­ىك­تى, جاپپاي قىرىپ-جويۋ قا­رۋىن تاراتپاۋ ءتارتىبىن نىعايتۋ, الەۋ­مەتتىك ءما­سە­لەلەردى شەشۋ جانە دامىتۋعا ءوز ۇلەسىن قوسۋ, وركە­نيەتارالىق ۇنقاتىسۋدى ىلگەرى جىلجىتۋ, يسلام الەمى مەن با­تىس اراسىنداعى ۇيلەستىرىلگەن ءوزارا ىقپالداس­تىق­تى قامتاما­سىز ەتۋ, يسلامو­فو­بياعا قارسى ءىس-ارەكەت جۇمىس­تا­رىن نىعاي­تۋ­عا كۇش شوعىر­لاناتىنىنا نازار اۋدارتتى. اڭگىمەلەسۋشى تاراپتار ەكى­جاق­تى ماسەلەلەردى دە قاراستىر­دى. قاڭتار ايىندا قازاقستان مەن نورۆەگيا اراسىنداعى ديپلو­ما­تيا­لىق قاتىناستارعا 19 جىل تو­لا­تىنىن ايتا وتىرىپ, تاراپتار ىقپالداستىقتىڭ بارلىق س­ا­لا­سىن قامتيتىن پروگرەسكە ءوز قا­نا­عات­تانۋشىلىقتارىن ءبىلدىردى. استانا وسلونى ەۋروپاداعى ماڭىزدى ساياسي جانە ەكونومي­كا­لىق ارىپتەسى رەتىندە قاراستىرا­دى جانە بارلىق سالادا ىنتى­ماق­تاس­تىق­تى دامىتۋعا مۇددەلى. ەكى ەل­دىڭ اراسىنداعى ساياسي جانە ساۋ­دا-ەكونوميكالىق قاتىناستاردىڭ دا­مۋى مەن تەرەڭدەۋىنە 2010 جى­لى كرونپرينتس حوكون ماگنۋستىڭ استاناعا رەسمي ساپارى ءوز سەپتىگىن تيگىزدى. سول ساپار ورتاق ەكو­نوميكالىق جوبالارداعى نورۆە­گيا­لىق ينۆەستورلاردىڭ قىزمەتىن بەلسەندەندىرە ءتۇستى. «ەگەمەن-اقپارات».