«اقبىلەك» رومانى تالقىلاندى

استاناداعى ۇلتتىق اكادە­ميا­لىق كىتاپحانادا وتكەن پاۆلودار وبلىسىنىڭ كىتاپحانا­ارا­لىق كۇنى س.تورايعىروۆ اتىن­داعى وبلىستىق كىتاپحانانىڭ 115 جىلدىعىمەن سايكەس كەلدى. الدىمەن قاتىسۋشىلار پاۆلودار وبلىسى مادەني كورسەت­كىش­تەرىنىڭ جەتىستىكتەرى كورمەسىن تا­ماشالادى. بۇل كورمەدە اكادەميك قانىش ساتباەۆ باستاعان عا­لىم­داردىڭ, بۇحار جىراۋ, ءماش­ھۇر ءجۇسىپ كوپەي ۇلى باس­تا­عان تۇلعا­لار­دىڭ ءومىرباياندارى مەن ەڭبەك جولدارى مازمۇندى, تارتىمدى دا, كورنەكتى تۇردە كورسەتىلگەن. بيىلعى «ءبىر ەل – ءبىر كىتاپ» اك­تسياسىنا كورنەكتى تۇلعا ءجۇ­سىپبەك ايماۋىتوۆتىڭ «اقبىلەك» رومانى تاڭدالعانى وزىمىزگە بەلگىلى. ج.اي­ماۋىتوۆ تاۋەلسىزدىكتى اڭساپ, تاۋەل­سىز­دىك ءۇشىن كۇرەس يدەياسىن جىر­لاعان جازۋشى. «ءبىر ەل – ءبىر كىتاپ» اكتسياسى بويىنشا ءسوز العان كىتاپ­حانانىڭ مەڭگەرۋ­شىلەرى مايا يساكاەۆا مەن ايناش جىلقىباەۆالار قازاق جانە ورىس تىلدەرىندە رومان جەلىسىنە قۇرىل­عان ءتيىستى كورسەتى­لىمدەردى كورسەتە وتىرىپ, جينال­عان قاۋىمعا تار­تىمدى بايانداپ بەر­دى. سودان سوڭ جۇسىپبەك اي­ماۋىتوۆ اتىنداعى مۋزىكالىق-درا­­ما تەاترىنىڭ جاس ءارتىسى گۇل­جانات وماروۆا «اقبى­لەك» روما­نىن­داعى  مونولوگتى شە­بەرلىكپەن ورىنداپ, كوز ال­دى­مىزعا سوناۋ الا­ساپىران جى­ل­دار­داعى ادىلەت­سىز­دىك پەن زورلىقتى كورسەتە كەلىپ, جاقسىلىق پەن ادال­دىقتىڭ, ءبىلىم مەن ەڭبەكتىڭ جەڭىپ شىعا­تىنىن كورسەتە ءبىلدى. سەمينار سوڭىنا قا­راي «ج.اي­ماۋىتوۆ تۋرا­لى نە بىلەمىز؟» اتتى سۇراق قويى­لىپ, وعان ناقتى جاۋاپ بەرگەندەرگە سىيلىق­تار تاپسىرىلدى. «قاراڭعى قازاق كوگىنە ورمە­لەپ شىعىپ كۇن بولام» دەپ ۇران­داعان پاتريوت اقىن س.توراي­عىروۆ­تىڭ ەسى­مىن يەلەنىپ وتىرعان ءبىلىم وشا­عى ەلىمىزدەگى ەلەۋلى كى­تاپ­حانا­لار­دىڭ قاتارىندا اتالا­دى. وقىرمان­دار سانى دا, كىتاپ قو­رى دا, ەلەكتروندى كورسەتكىش جابدىق­تا­رى دا, جۇيەلى تۇردە ءوت­كىزىلىپ وتى­راتىن ءتۇرلى مازمۇن­دا­عى ءىس-شارا­لارى دا بۇگىنگى كىتاپ­حانالارعا قويىلاتىن تالاپتارعا ساي دەسەم, ەش جاڭىلماعان بولار ەدىم. ولاي دەيتىنىم, مەن وسى كى­تاپحانانىڭ كوپ جىلدار بويى وقى­رمانى ءارى جاناشىرى بول­دىم. كەزىندە «اق­بو­ساعا» قىز-كە­لىن­شەكتەرگە ارنال­عان كلۋبتىق جۇ­مىسىن دا بىرلەسىپ وتكىزىپ جۇردىك. جەرلەس جازۋشىمىز ج.اي­ماۋىتوۆقا ارنالعان «ءبىر ەل – ءبىر كىتاپ» اكتسياسىنىڭ بۇگىنگى وقىر­مان­دار ءۇشىن دە, كەلەشەك ۇرپاقتار ءۇشىن دە بەرەرى مول بولدى. قازيزا ناۋرىزباەۆا, ارداگەر ۇستاز. استانا.