وتاندىق ساپا بەلگىسى

استاناداعى لوكوموتيۆ قۇ­راس­تىرۋ زاۋى­تىندا ءۇيدمب اياسىندا تەمىر جول سالا­سىنداعى «Evolution» وتاندىق تەپلو­ۆوزى­نىڭ بەسىنشى بۋىنىنا ەلتاڭبا جاپسىرۋدىڭ سال­تاناتتى ءراسىمى مەن تەمىر جول سالا­سىنداعى جو­با­لاردىڭ جۇزەگە اسى­رىلۋى با­رىسىندا «لوكوموتيۆ قۇراستىرۋ زاۋىتى» اق پرەزيدەنتى مارات تىلەۋباەۆ باق وكىلدەرىمەن بريفينگ وتكىزدى. اتالمىش شارا ەلىمىز ۇكىمەتى بەكىتكەن 2010-2014 جىلدارعا ارنال­عان ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باع­دار­لا­ما­سىن جۇزەگە اسىرۋ­داعى اقپا­رات­تىق جوسپارىنىڭ ءبىر بولشەگى بولىپ تابىلادى. زاۋىت تسەحىندا وتاندىق لوكو­موتيۆتەردىڭ قاۋسىرما قاڭقا­لارى قۇراستىرىلىپ, وعان كا­بي­ناسى, تەپلوۆوز كورپۋسى ورنا­تى­لادى. «لوكوموتيۆ قۇراستىرۋ زاۋى­تى» اق فيرمالىق لوگوتيپىن جازۋ جانە قازاقستاننىڭ ەلتاڭباسىن بەكىتۋ تەمىر جول­دىڭ جىلجىمالى قۇرامىن دا­يىن­داۋداعى كۇردەلى جۇمىس­تار­دىڭ قورتىندىسى بولىپ سانا­لادى. بۇگىندە Evolution سە­ريا­­سىن­داعى زاۋىتتىڭ 42-ءشى ءونىمى قازاقستاندىق لوگوتيپپەن جانە ەلتاڭبامەن مورلەندى. وتكەن جى­لى زاۋىت قابىرعاسىندا 30 تەپلوۆوز قۇراستىرىلعان بولسا, بيىلعى جىلى ونىڭ 79-ىن شىعارۋ كوزدەلىپ وتىر. ونىڭ بىرقاتارى ەكس­پورتقا شى­عارىل­عان. قازىرگى تاڭدا «Evo­lution» تەپلوۆوز­دارى­نىڭ 22 پايىزى قازاق­ستاندىق ونىمنەن تۇ­را­دى. وتاندىق كاسىپ­ورىن مۇنىمەن توق­تا­لىپ قالماي, ءوندى­رىس­كە قا­جەتتى جاڭا ءبول­­شەك­تەر مەن قۇ­رال-جاب­دىق­تاردى يگەرۋگە ۇم­تىلۋدا. بەسىنشى بۋىندى تەپلوۆوز شىعارۋ – ءۇيدمب-عا كىرەتىن قازاقستاننىڭ ءىرى يندۋستريالىق جوباسى. «قازاقستان تەمىر جو­لى» اق ماشينا قۇراستىرۋ سا­لاسىندا «تالگو» جولاۋشىلار ۆاگوندارىن جاساۋ زاۋىتىنىڭ جوباسىن باستاپ كەتكەن. زاۋىت­تىڭ جوبالىق قۋاتى جىلىنا 150 ۆاگون شىعارۋعا ارنالعان. ءون­دىرىس 2011 جىلعى جەلتوقساندا ىسكە قو-­ سىلماق. بيىلعى جىلدىڭ اياعىندا «وزەن – تۇركىمەنستان مەملەكەتتىك شەكاراسى» تەمىر جول جەلى­سىنىڭ ءبىرىنشى كەزەگى پايدا­لانۋعا بەرىلمەك. بۇل تەمىر جول تەلىمى قازاقستان, تۇركىمەنستان مەن يران باعدارىنداعى «وزەن – گورگان» حالىقارالىق جوبا­سىنىڭ بولشەگى. بۇل باعىتپەن قازاقستان پارسى شىعاناعى ار­قىلى ۇلكەن رىنوكقا شىعا الادى. «قتج» اق قۇرىلىسىن جۇزەگە اسىرۋدى باستاعان «جەتىگەن – قورعاس» تەمىر جول ماگيسترالى قىتاي مەن قازاق­ستاندى, ىرگەلەس ورتالىق ازيا مەملەكەتتەرىن جاقىنداتا تۇسە­دى. ونىڭ جالپى ۇزىندىعى 293 ششا­قىرىمدى قۇرايدى. جەلىنى پاي­دالانۋعا بەرۋ بيىلعى جىل­دىڭ جەلتوقسانىنا جوسپارلا­نىپ وتىر. ءابدىراحمان قىدىربەك.