وزدەرىنە دە, وزگەلەرگە دە ءتيىمدى

«بيزنەستىڭ جول كارتاسى-2020» باع­دار­لاماسىمەن وبلىس بويىنشا مەملەك­ەتتىك قولداۋعا 19 كاسىپورىن يە بولدى. نارىقتىق قاتىناستىڭ العاشقى جىل­دارى ءوندىرىستىڭ بۇراۋى بوساپ, بىرت-بىرت ۇزىلگەندە اۋىل حالقى ەسەڭگىرەپ قالعانى ءالى كوز الدىمىزدا. سول كەزدە كىمدى بولسىن كۇنكورىس قامى مىقتاپ ويلاندىردى. دەسەك تە قيىندىقتان شى­عۋعا نيەتتەنگەندەر جەر تەلىمىن الىپ, العاشقى قادامدارىن جاسادى. سولاردىڭ قاتارىندا ەسىك قالاسىنداعى «اسقاروۆ» شارۋا قوجالىعى جەر تەلىمىن پايدالانۋدى باستاعان. اعايىندى اسقاروۆتار 1992 جىل­دان بەرى اۋىل شارۋاشىلىعىمەن اي­نالىس­سا, بۇگىندە 83 گەكتاردان استام جەرگە يەلىك ەتەدى. نەگىزىنەن قازاقتىڭ اقباس سيىرىن ءوسىرىپ وتىر. زەڭگى بابا­نىڭ وزگە ءىرى قارادان ايىرماشى­لىعى ەتىنىڭ تىعىزدىعى, سالماعىنىڭ 65 پا­يىزى تازا ەت ءونىمى ەكەندىگىندە. ءونىم ۇزاق ۋا­قىت قۇنارلىلىعىن جوعالت­پاي­تىنى تا­عى بار. شارۋاشىلىق بيىل باعالى باعدارلامانىڭ ءبىرىنشى باعى­تىنان قولداۋ تاۋىپتى. بانكتەن نەسيە بەرىلگەن. ونىڭ جارتىسىن «دامۋ» كاسىپ­كەر­لىكتى دامىتۋ قورى تولەۋدە. بەرىلگەن نەسيە ساپالى مال ەتىن وندىرۋگە تىڭ سەرپىن بەردى, دەيدى شارۋالار. اتالمىش باعدارلاما ارقىلى سۋبسيديا العان ولار قارجىعا قورا-قوپ­سى­لارىن قىمتادى, تەحنيكا ساتىپ الدى. كەم-كەتىگىن بۇتىندەگەن شارۋالار 2016 جىلعا دەيىن جوسپارلانعان ەت ەكس­پورتىن 60 مىڭ تونناعا جەتكىزۋگە ءوز ۇلەسىمىزدى قوسامىز, دەپ جەلپىنۋدە. – بۇل كاسىپكەرلەردىڭ ءال-اۋقاتىن كوتەرۋدە ءتيىمدى جاڭالىق. جاڭالىقتى نەسيە الۋعا بارعاندا ەستىدىك. مەملەكەتتەن كومەك بەرىلەتىندىگىن بىلگەننەن سوڭ قۇجاتتارىمىزدى تۇگەندەپ وتكىز­دىك. ەندى نەسيەنىڭ ءبىر بولىگىن عانا تولەيمىز, قالعانىن مەملەكەت وتەپ كەلەدى. ارىپتەستەرىمە ايتارىم, باعدار­لاما ءبىز ءۇشىن كوپ كومەك ەكەنىنە كوزىم جەتتى. سىزدەر دە الساڭىزدار بولادى. بىزگە ەندى تەك بىلەك سىبانا جۇمىس ىستەۋ عانا قالدى, – دەيدى «اسقاروۆ» شارۋا قوجالىعىنىڭ باسشىسى ياكۋب اسقاروۆ. جازدىڭ جانعا جايلى ساتىندە شا­رۋا­شىلىق ءىرى قارانى جايلاۋعا شى­عارىپ, كۇيىن كوتەرۋگە كوڭىل ءبول­گەن. بۇل كاسىپكەرلەرگە مال ازىعىن ۇنەم­دەۋگە مۇمكىندىك بەرۋدە. كۇز ءتۇسىپ, جەر سارعايعان تۇستا مالدى قو­رادا ۇستاپ, بورداقىلايدى. بۇل جۇمىستى اتقارۋمەن 11 ادام اينالىسادى. سونداي-اق, شارۋاشىلىق «گيس­سار» اتتى اسىل تۇقىمدى قوي ءوسىرۋدى دە قولعا الا باستاعان. ونىڭ تيىمدىلىگىن بايقاۋ ءۇشىن 100 باس قوي ساتىپ الىپتى. شارۋالار الداعى ۋاقىتتا ءىرى قارا سوياتىن قاساپ­حانا سالۋدى كوز­دەپ وتىر. حا­لىق­ارالىق تالاپتارعا ساي حالال تۇرىندەگى ەت ونىمدەرىن ەكس­پورت­قا شىعارۋ دا وي­لا­رىن­دا بار. كۇمىسجان بايجان, الماتى وبلىسى.