جۇلدەلى ورىن جەتكىزبەي تۇر

وسى كۇندەرى قىتايدىڭ شانحاي قالاسىندا سۋ سپورتى تۇرلەرىنەن الەم چەمپيوناتى وتۋدە. وعان الەمنىڭ كوپ­تە­گەن ەلدەرى قاتىسۋدا. سولاردىڭ ارا­سىن­دا بىرنەشە رەت وليمپيا ويىندارى مەن الەم چەمپيوندارى بولعان مايكل فەلپس, الەن بەرنار, رايەن لوحتە, ۋسسا­ما مەلوۋن سياقتى اتاقتى سپورت­شىلار بار. ازىرشە بۇل باسەكەدە قازاقستان سپورت­شىلارى كوڭىل كونشىتەرلىك ناتيجە كور­سەتە الماي كەلەدى. سينحروندى جۇزۋدەن وتكەن جۇپتىق سىندا اننا كۋلكينا مەن ايگەرىم جەكسەمبيەۆا 17-ءشى ورىندى يەلەندى. ال جەكەلەي سىندا (سولو) ونەر كورسەتكەن اننا كۋلكينا 13-ءشى ورىن الىپ, فينالدىق كە­زەڭ­گە شىعا المادى. وعان تەك 12-ءشى ورىن­دى يەلەنگەن سپورتشىلار عانا جىبەرىلەدى. سۋ دوبىنان قازاقستان قۇراماسى ال­عاشقى ويىنىندا ۆەنگريادان 21:6 ەسەبىمەن ۇتىلدى. ەندى ايەلدەر كومانداسىنىڭ كەلەسى قارسىلاسى – گوللانديا قۇراماسى. ال گوللانديا بولسا, العاشقى ويىنىندا اقش-پەن 7:7 ەسەبىمەن تەڭ ءتۇستى. ەلىمىزدىڭ ەرلەر كومانداسى يسپانيامەن كەزدەسىپ, ولار دا 18:5 ەسەبىمەن جەڭىلدى. ەرلەر دە ايەلدەر دە ءوز توپتارىنداعى ويىندارىن وسىلايشا ءساتسىز باستادى. ەرلەر قۇ­راماسىنىڭ باس باپكەرى سەرگەي دروزدوۆ ۆەنگريا, يسپانيا, چەرنوگوريا ەل­دەرى سپورت­شىلارىمەن بارىنشا يىق تەڭەستىرىپ باسە­كە­لەسۋگە تىرىساتىندارىن ايتقان. قا­راپ وتىر­ساق, ءبىزدىڭ كوماندامىزعا اتالعان ازۋلى قۇ­را­مالارمەن تەڭ دارەجەدە ويناۋ وڭاي ەمەس سياقتى. ايەلدەر كومانداسىنىڭ دا قار­سى­لاستارى وڭاي شاعىلاتىن جاڭعاق ەمەس ەكەنى كورىنىپ تۇر. گوللانديا مەن ۆەنگريا الەمنىڭ بىرنەشە دۇركىن چەمپيون­دارى. وسى جەردە تارازدىڭ «ايشا-ءبيبى» كلۋبىنان قۇرالعان ەلىمىزدىڭ باس كو­مان­دا­سىنىڭ جارىستا ميل­ليون­داعان جان­كۇيەر­لەردىڭ الدىندا جانكەشتىلىك ويىنى­مەن, جەڭىسكە دەگەن جىگەرلىگىمەن جاقسى اسەر قالىپتاستىرىپ كەتسە ەكەن دەپ تىلەيمىز. سۋ دوبىنان ويىندار ءوتىپ جاتقان كەزدە سينحروندى جۇزۋدەن جۇپتىق كەزدەسۋدىڭ تەح­ني­كا­­لىق جاتتىعۋلارى اياقتالدى. بۇل سىندا باس ءجۇل­دەنى رەسەي قۇراماسى, كۇمىس مەدالدى قى­تاي, قولا جۇلدەنى يسپانيا يەلەندى. سۋعا سەكىرۋدە قىتاي قىزدارىنا تەڭ كەلەتىن ەشكىم بول­ما­دى. ولار بۇل جارىستا ءتورت بىردەي التىن الدى. الەم چەمپيوناتىندا سۋ دوبى, سينح­روندى ءجۇزۋ, سۋعا سەكىرۋ, جۇزۋدەن بولسىن قازاقستان سپورتشىلارىنىڭ ءالى ءبىر جاقسى ناتيجەسىن كورە الماي وتىرمىز. وسى رەتتە چەمپيونات تۇرماق, ءبىزدىڭ الەمدىك باسەكە­لەر­دىڭ ەشقايسىسىندا ءالى جۇلدىزىمىز جان­باعانىن ايتۋعا تۋرا كەلەدى. بۇل جەردە ءبىر عانا ماسەلە بار ەكەنىن ايتۋ كەرەك. ول – بىلىكتى باپكەرلەردىڭ جوقتىعى. ايتپەسە, جۇپتىق سىندا 17-ءشى ورىندى, جەكەلەگەن جارىستا 13-ءشى ورىن­دى العان اننا كۋلكينا, ايگەرىم جەكسەمبيەۆا, ايگەرىم انارباەۆا, ايگەرىم يساەۆا, اينۇر كەرەي, ءامينا ەرمەكحانوۆا, اي­سۇلۋ ناۋرىزباەۆا سياقتى سۋدا مىڭ بۇ­رالعان ارۋلارىمىزدىڭ «باعىن» اشا­تىن باپكەرلەر بولسا, ولار بىزگە سۋدان ءجۇل­دەنى ساناپ تۇرىپ الىپ بەرەر ەدى عوي دەيسىڭ. سۋ سپورتىنان بيىل 14-ءشى رەت جا­لاۋىن كوتەرگەن جارىس 31 شىلدەگە دەيىن جال­عاسادى. وسى ۋاقىت ىشىندە سپورت­تىڭ 5 ءتۇرى بويىنشا 66 مەدال جيىنتىعى ساراپقا سا­لىنادى. سۋعا سەكىرۋ, ءجۇزۋ, ۆاتەرپول, اشىق سۋدا جا­رىس, جانە سينحروندى ءجۇزۋ­دەن سىندار وتەدى. داستان كەنجالين.