اقمەشىتتە «استانا» اۋدانى بار

ورىنبوردىڭ ورنى بولەك... سول سياقتى, الاش تاريحىندا اق­مەشىتتىڭ دە الار ورنى ايرىقشا. قيىن-قىستاۋ زاماندا قازاققا استانا بولعان, ەلدىك ماڭىزى بار ماسەلەلەردىڭ شەشىلۋ ورتالى­عى­نا اينالعان قالانى قالاي اسپەت­تە­سەك تە جاراسادى. استانا كۇنى قارساڭىندا بەلگىلى ونەر جانە سپورت ساڭلاقتارى, ارداگەر قۇرىلىسشىلار, ازامات­تىق ينستيتۋت وكىلدەرى, جاستار ۇي­ىمدا­رى­نىڭ كوشباسشىلارى قۇر­ىلى­سشى­نىڭ كيىمىن كيىپ, يگىلىكتى شارا ءوت­كىزدى. ءسويتىپ, «استانا ىق­شاماۋ­دا­نىن بىرگە سالامىز» دەگەن ۇراننىڭ اياسىنا بىرىگىپ, قى­زىلوردادا جاڭا­دان ىرگەسى قالا­نىپ جاتقان اۋدان­داعى قۇرىلىس جۇمىسىنا بەلسەنە ارالاستى. ءسوي­تىپ, استانا مەرەكەسى تاعى ءبىر يگىلىكتى ىسكە باستاۋ بولدى. جالپى, بيىل قىزىلورداڭىز ۇلكەن قۇرىلىستىڭ الاڭىنا اي­نال­عانعا ۇقسايدى. وسى كۇننىڭ ءوز­ىندە 40 جوبانىڭ قۇرىلىسى ءجۇ­رىپ جاتىر. جالپى, قۇنى 30 ميلليارد 579 ميلليون 50 مىڭ تەڭ­گەنى قۇرايتىن بۇل جۇمىس قازىر قارقىندى ءجۇرىپ جاتىر. «استانا» ىقشاماۋدانى دەگەن نە؟ بۇل اقمەشىت اتىرابىنىڭ ەل­ورداعا قۇرمەتى. اينالاسى 500 گەكتار جەردى قۇرايتىن جاڭا اۋداننىڭ اتىن وسىلاي اتاپ وتىر. بولاشاقتا قىزىلوردا قالاسى­نىڭ ورتالىعى دا وسى جەر بول­ماق. «استانا» اۋدانىنىڭ بولا­شا­ق­تاعى كەلبەتىن كوردىك. ەگەر, جوبا وسى كۇيىندە ىسكە اساتىن بولسا, بۇل اۋداندا ادام جانىنا كەرەكتىڭ ءبارى بولماق. ءارى-بەرىدەن سوڭ, وبلىستىق اكىمدىكتىڭ عيما­را­تى دا سوندا كوشەدى. وندا بارلىق باسقارمالار مەن دەپارتامەنتتەر ورنالاسادى. وبلىستاعى شىعار­ما­شىلىق وكىلدەرىنىڭ با­سىن قو­سا­تىن «شىعارماشىلىق ءۇيى» دە سوندا ورىن تەپپەك. «سىر سۇڭ­قا­رى» سپورت كەشەنى, «ينتەرگازستروي» مەكەمەسىنىڭ عيماراتى, مەم­لەكەتتىك قىزمەتشىلەرگە ار­نال­عان قىزمەتتىك ءۇي, 2 بالاباقشا بيىل ءبىتىپ, ەل يگىلىگىنە بەرىلمەك. سونداي-اق, 200 ورىندىق ەمحانا, 12 ارەن­دالىق ءۇي, مەكتەپتىڭ قۇ­رىلىسى ءجۇ­رىپ جاتىر. ەڭ باستىسى, وسى اۋداندا «سىر انا» مەمو­ري­الدىق ەسكەرتكىشى ورىن تەبەدى. ونىڭ ەڭ باسىندا قالانىڭ ءار بۇ­رىشىن كورۋگە بولاتىن الاڭقاي بولادى. الىستان قاراعاندا, انا­نىڭ كەيپىن كوزگە ەلەستەتەتىن ەسكەرتكىش, استانانىڭ بايتەرەگى سياقتى, اق­مەشىتتىڭ دە برەندىنە اينالماق. – استانا – ەل تاۋەلسىزدىگىنىڭ سيمۆولىنا اينالدى. ەلباسى مەن ەلوردا ەگىز ۇعىم. ەجەلگى استانا رەتىندە, ءبىز دە ەلوردامىزدىڭ اتىن اسقاقتاۋدى ويلايمىز. ءسوي­تىپ, جاڭادان سالىنىپ جاتقان  شاعىن اۋدانعا «استانا» اتىن بەرىپ وتىرمىز, – دەيدى قالا اكىمى مارحابات جايىمبەتوۆ. اكتسياعا قاتىسقان ءاربىر ازامات «استانا» شاعىن اۋدانىندا كىر­پىش قالادى, قۇم تاسىدى, تسەمەنت ارالاستىردى. قىسقاسى, قۇ­رى­لىسقا بىلەك سىبانا كىرىستى. بۇل دا ەلدىك ماڭىزى بار ءىس-شارا. ءويت­كەنى, استانا ورتاق. ال ورتاق ءىس جۇمىلا كىرىسكەندە عانا بىتەدى. ەرجان بايتىلەس, قىزىلوردا.