16 شىلدە، 2011

پوگون تاققاننىڭ ءبارى پەرىشتە مە؟

212 رەت كورسەتىلدى
بۇرىن باسپاسوزدە جەمقورلاردىڭ «شا­باق­تارى» عانا قارماققا ءىلىنىپ، «شور­تان­دارىنىڭ» شورشىپ جۇرگەنى كوپ ايتىلاتىن. ودان بەرى زامان وزگەردى. ءومىر اعىنىمەن بىرگە سۋ بەتىنە تالاي «شورتان» شىقتى. قۇرىققا ءىلىندى. جازاسىن تارتتى. بىراق جەمقورلار بۇدان اياعىن تارتپاي تۇر. وعان مىنا ءسوزىمىز دالەل. ارال اۋداندىق ىشكى ىستەر ءبولىمى باستىعىنىڭ جەدەل جۇمىستار جونىندەگى ورىنباسارى جالعاسوۆ وسىدان ءبىر جىل بۇرىن س.توقمامبەتوۆتى وزىنە شاقىرادى. كابينەتكە كەلگەن توقمام­بەتوۆتى قۇزىرلى ورگاننىڭ وكىلى توقپاققا الادى. «سەن ەسىرتكى ساتۋمەن اينالىساسىڭ. ۇستىڭنەن ارىز بار»، دەيدى. تۇككە ءتۇسىن­بەگەن توقمامبەتوۆ وزىنە تاعىلعان ايىپتى مويىن­دامايدى. جالعاسوۆ بولسا، ءوز ءسوزىن قايتالاي بەرەدى. ونىڭ اياعى قيناۋ-قىستاۋعا ۇلاسادى. جاساماعان ءىسىن توقمامبەتوۆ قاي­دان مويىنداسىن؟ ءۇزىلدى-كەسىلدى باس تار­تادى. سودان جالعاسوۆ كۇدىك­تىڭ سەيىلمەگەنىن، ءىستىڭ ءالى قوزعالاتىنىن ايتىپ توق­مامبەتوۆتى بوساتادى. بىلتىرعى جىلدىڭ جەلتوقسانىندا جالعاسوۆ توقمامبەتوۆكە مىنانداي ءماتىن­دەگى حات جازادى: «وبلىستان ارنايى بريگادا كەلىپ، جۇمىس ىستەدى. بىراق مەن ساعان ولاردى تيىسكىزبەدىم. ەندى جىلدىق ەسەپ تاپسىرۋ ءۇشىن وبلىسقا بارا جاتىرمىن. جولاي بريگادا باسشىلارىنا سوعامىن. سوعان 4000 دول­لار بەرىپ جىبەر». حاتتى ءوزىنىڭ جۇرگىزۋشىسى م.اقمامبەتوۆ ارقىلى بەرىپ جىبەرەدى. ارادا ون كۇن وتپەي توقمامبەتوۆتىڭ ۇيىنە ۋچاسكەلىك پوليتسيا ىزدەپ كەلەدى. ءدال سول كەزدە ول ۇيىندە بولمايدى. سودان تىقىردىڭ تايان­عانىن سەزگەن ول ۇلتتىق قاۋىپسىزدىك كو­ميتەتىنىڭ قىزىلوردا وبلىسى جانە باي­قوڭىر قالاسى بويىنشا دەپارتامەنتىنە ارىز تۇسىرەدى. ارىزىندا جالعاسوۆتىڭ قىز­مەت بابىن پايدالانىپ، زاڭسىز ايىپ تاعىپ، 4000 اقش دوللارىن بوپسالاپ وتىرعانىن ايتادى. سودان توقمامبەتوۆ جالعاسوۆپەن كەزدەسكەندە ونىڭ تالابىنا كەلىسكەن سىڭاي تانى­تىپ، بىراق، 4000 دوللاردى بەرە الماي­تىنىن ايتادى. دەگەنمەن، سول كۇنى 150 مىڭ تەڭگە تاۋىپ بەرۋگە ۋادە بەرەدى. اناۋ وعان كەلىسەدى. ءسويتىپ، جەڭىل ولجانى ولجالاپ قايتۋعا جۇرگىزۋشىسىن جىبەرەدى. جۇرگىزۋشى اقمامبەتوۆ 150 مىڭ تەڭگەنى الىپ جاتقان كەزىندە ۇلتتىق قاۋىپسىزدىك كوميتەتىنىڭ قىزمەتكەرلەرىنىڭ قۇرىعىنا تۇسەدى. ءسويتىپ، ۇقكد قىزمەتكەرلەرى م.جالعاسوۆقا قك-ءتىڭ 177-بابى 3-بولىگىنىڭ «گ» تارماعى، جۇرگىزۋشى م.اقمامبەتوۆكە قارسى قك-ءتىڭ 177-بابى 2-بولىگىنىڭ «ا» تارماعى بويىنشا قىلمىستىق ءىس قوزعالىپ، ول قارجى پولي­تسيا­­سىنا جولدانادى. اقمامبەتوۆتىڭ وسىنداي وڭاي ولجانى تالاي رەت باستىعىنا اكەلىپ بەرگەنى كۇمانسىز بولسا كەرەك. ءوز باسىن امان الىپ قالۋ ءۇشىن ماسەلەنىڭ ءمان-جايىن تولىق ايتىپ، ءىستىڭ تەز بىتۋىنە قال-قادەرىنشە كومەك قىلادى. وسىنى ەسكەرگەن پروكۋراتۋرا وكىلدەرى ونى قىلمىستىق جاۋاپكەرشىلىكتەن بوساتادى. ال جالعاسوۆتىڭ ءىسى قىزمەتىن جەكە پايداسىنا پايدالانعانى ءۇشىن دەگەن ايىپپەن سوتقا وتەدى. سوت ونى 5 جىلعا كەسەدى. ال «ارال اۋداندىق مادەنيەت ۇيلەرى مەن كلۋبتارى» مەملەكەتتىك قازىنالىق كاسىپورنىنىڭ ەسەپشىسى جاساقباەۆا وسى اۋداندىق مادەنيەت جانە تىلدەردى دامى­تۋ ءبولىمىنىڭ باستىعى ابىلعازيەۆا­نىڭ ۇستىنەن قارجى پوليتسياسىنىڭ وكىل­دەرىنە ارىزدانا­دى. ارىزدى ينسپەكتور احمەتوۆ تەكسەرۋگە الادى. ءوزىن اقتاپ الۋدىڭ جالعىز جولى پارا بەرۋ دەپ ويلاسا كەرەك، ابىلعازيەۆا قارجى پوليتسيا­سىنىڭ قىز­مەت­كەرىنە 200 مىڭ تەڭگە بەرىپ، ماسەلەنىڭ وزىنە وڭ شەشىلۋىنە ىقپال ەتۋىن سۇرايدى. اۋداندىق قارجى پوليتسيا­سىنىڭ قىز­مەتكەرى سول مەزەتىندە وبلىس­تاعى باس­شىلىعىنا مالىمدەمە جازادى. ءسويتىپ، ابىلعازيەۆا پارا بەرۋ ۇستىندە قولعا ءتۇستى. سويتسە ابىلعازيەۆانىڭ مۇنان دا وتكەن كىناسى كوپ ەكەن. «قىز جىبەك» دەگەن دۇكەنگە پارا بەرۋشى 52 مىڭ تەڭگە قارىز بولىپتى. ونى جاڭاعى ايتقان جاساق­باەۆانىڭ قالتا­سىنان تولەتتىرىپتى. ونى­مەن قويماي حات­شى­سى ارقىلى 27100 تەڭگە الدىرتىپتى. ودان كەيىن جەكە ەسەپ-شوتى­نا تاعى 20 مىڭ تەڭگە اۋدارتىپ الىپتى. قىسقاسى، ءابىل­عازيەۆا جاساقباەۆانى تەسپەي سورعان عوي. الايدا، ءبىر تاڭعالارلىعى، ارال اۋداندىق سوتى وعان قك-ءتىڭ 63-بابىن قولدانۋ ارقى­لى 2 جىل سىناق مەرزىمىن عانا بەلگىلەپتى. وسىدان كەيىن جەڭ ۇشى­نان جالعاس­قان جەمقورلىق پەن بارماق باستى، كوز قىستى سىبايلاستىق قايدان تىيىلسىن. ەرجان بايتىلەس، قىزىلوردا وبلىسى.
سوڭعى جاڭالىقتار

ءابىلحان كاسىپقوي بوكسقا اۋىستى ما؟

كاسىپقوي بوكس • بۇگىن، 12:39

7361 تۋريست ەلگە ورالدى

قوعام • بۇگىن، 12:20

رەزەرۆتە قانشا دارىگەر بار؟

كوروناۆيرۋس • بۇگىن، 12:16

ەلدە شەكتەۋ شارالارى كۇشەيتىلدى

كوروناۆيرۋس • بۇگىن، 11:45

قانات يسلام رەيتينگتە تومەندەدى

كاسىپقوي بوكس • بۇگىن، 10:30

«سارى» ايماقتا جالعىز-اق ءوڭىر قالدى

كوروناۆيرۋس • بۇگىن، 09:56

1142 ادام كوروناۆيرۋستان ساۋىقتى

كوروناۆيرۋس • بۇگىن، 09:05

جانىبەك ءتورتىنشى ورىندا

بوكس • بۇگىن، 08:59

قاڭتاردا اداسقان قارشىعا

قازاقستان • بۇگىن، 08:57

تۇڭعىش رەت قاتىسادى

قىسقى سپورت • بۇگىن، 08:55

ۇقساس جاڭالىقتار