16 شىلدە، 2011

مۇڭىمىزدى كىمگە شاعامىز؟

205 رەت كورسەتىلدى
الماتى وبلىسىنىڭ، پانفيلوۆ اۋدا­نىن­داعى قورعاس اۋىلى وسى اتتاس حالىق­ارالىق كەدەن بەكەتىنىڭ قاسىندا ورنالاس­قان. سوندىقتان ونى توعىز جىلدىڭ تورا­بىن­دا تۇر دەپ ايتۋعا بولادى. بىراق، وكى­نىشكە قاراي، وسىنداي ماڭىزدى ەلدى مەكەننىڭ الەۋمەتتىك پروبلەمالارى ءالى كۇنگە دەيىن دۇرىس شەشىم تابا الماي كەلەدى. ەڭ باستىسى، ءبىز تازا اۋىز سۋعا ءزارۋمىز. ونى باسى قىتاي ەلىنەن باستالاتىن قورعاس وزەنىنەن الامىز. ول سۋ – ىشۋگە جارامسىز. سوندىقتان اۋىلدىڭ قول  جەتكەن كەيبىر تۇرعىندارى وزدەرىنىڭ قۇدىق­تارىن قازىپ العان. ال ەندى بىرەۋلەرى ونىڭ ءبىر تونناسىن 1000-1500 تەڭگەگە ساتىپ الۋعا ءماجبۇر. ءبىزدىڭ پيدجيم اۋىلدىق وكرۋگىنىڭ اكىمى وسى ماسەلەنى شەشپەك بولىپ، تالاي مەملەكەتتىك ورگان­دارعا حا­بار­لاستى. بىراق ودان ازىرگە ەشبىر ناتيجە شىقپاي وتىر. ەلەكتر قۋاتىمەن قامتۋ ىسىندە دە وسىنداي ولقىلىقتار بار. ونىڭ كۇشى جەتكىلىكسىز بولعاندىقتان، اۋىل حالقى تەلەديدار حابارلارىن دۇرىستاپ كورە الماي وتىر.  وسىنداي جاعدايدا تۇرمىسقا قا­جەتتى شاڭ سورعىش، كىر جۋعىش ماشينە، كومپيۋتەر سەكىلدى قۇرالدارمەن جۇمىس ىستەۋ مۇلدە مۇمكىن ەمەس. بىلايشا ايتقاندا، قازاقستان حالىقتارىنىڭ بارىنە دە ورتاق وركەنيەت جەتىستىكتەرىنەن قۇرالاقان قالىپ وتىرمىز. شىنداپ كەلگەندە، مۇنداي ماسەلەلەردى شەشۋ قازىرگى كۇنى ۇكىمەتكە، جەرگىلىكتى بيلىك ورگاندارىنا كوپ قيىندىق تۋدىر­ماي­دى. ونىڭ جولىن ەڭ الدىمەن ەلباسى­مىز­دىڭ ءوزى حالىققا ارناعان جولداۋىندا كورسەتىپ بەرگەن جوق پا ەدى. ءتىپتى، «اۋىز سۋ» باعدارلاماسىنىڭ قابىلدانعانى قا­شان. بىراق، وكىنىشكە قاراي، وسى جاقسى­لىق­تار توعىز جولدىڭ تورابىنداعى، اتاق­تى حالىقارالىق كەدەن بەكەتىنىڭ قاسىن­داعى بىزگە جەتپەي وتىر. مۇنداي ورەس­كەل­دىككە ءبىر جاعىنان  تاڭقالۋعا دا بولادى. سون­دىقتان ۇكىمەتتەن، جەرگىلىكتى بيلىك ورىن­دارىنان اتالعان ماسەلەنىڭ جەدەلدەتىپ شەشىم تابۋىن سۇرايمىز. ا.ماۋلەنبەردينا، و.فاتكۋللينا، ج.تارالباەۆ، ن.ۇمبەتبەكوۆ، شاعىم حاتقا بارلىعى 60 ادام قول قويعان. الماتى وبلىسى، پانفيلوۆ اۋدانى، قورعاس اۋىلى.
سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار