09 شىلدە، 2011

قازاقستان رەسپۋبليكاسى ۇكىمەتىنىڭ قاۋلىسى №428

226 رەت كورسەتىلدى
2011 جىلعى 20 ءساۋىر، استانا، ۇكىمەت ءۇيى اۆياتاسىمالداردى ۇيىمداستىرۋ قىزمەتى تۋرالى ۇلگى ەرەجەنى بەكىتۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 39) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان اۆياتاسىمالداردى ۇيىمداستىرۋ قىزمەتى تۋرالى ۇلگى ەرەجە بەكىتىلسىن. 2. وسى قاۋلى العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى       ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 20 ساۋىردەگى № 428 قاۋلىسىمەن بەكىتىلگەن اۆياتاسىمالداردى ۇيىمداستىرۋ قىزمەتى تۋرالى ۇلگى ەرەجە 1. جالپى ەرەجەلەر 1. اۆياتاسىمالداردى ۇيىمداستىرۋ قىزمەتى (بۇدان ءارى – اتۇق) ازاماتتىق اۆياتسيا ۇيىمىنىڭ (بۇدان ءارى – ااۇ) قۇرىلىمدىق بولىمشەسى بولىپ تابىلادى جانە جولاۋشىلارعا قىزمەت كورسەتۋ، اۋە كولىگىمەن تاسىمالداناتىن باگاجدى، پوشتا جونەلتىمدەرىن مەن جۇكتەردى وڭدەۋ ماقساتىندا قۇرىلادى. 2. اتۇق ءوزىنىڭ جۇمىسىندا قازاقستان رەسپۋبليكاسىنىڭ قولدانىستاعى زاڭناماسىن، حالىقارالىق ازاماتتىق اۆياتسيا ۇيىمىنىڭ (يكاو) قۇجاتتارىن، ااۇ قۇرىلتاي قۇجاتتارىن، ااۇ ءبىرىنشى باسشىسىنىڭ (نەمەسە ونى الماستىرۋشى ادامنىڭ) بۇيرىقتارىن، وكىمدەرىن، سونداي-اق وسى ەرەجەنى باسشىلىققا الادى. 3. اتۇق-نى ااۇ-نىڭ ءبىرىنشى باسشىسىنىڭ (نەمەسە ونى الماستىرۋشى ادامنىڭ) بۇيرىعىمەن تاعايىندالاتىن نەمەسە بوساتىلاتىن قىزمەت باستىعى باسقارادى. 4. اتۇق قىزمەتكەرلەرىنىڭ كۇرىلىمىن، شتاتتىق كەستەسىن جانە لاۋازىمدىق نۇسقاۋلىقتارىن اتۇق باستىعىنىڭ ۇسىنۋى بويىنشا ااۇ-نىڭ ءبىرىنشى باسشىسى (نەمەسە ونى الماستىرۋشى ادام) بەكىتەدى. 2. اتۇق-نىڭ نەگىزگى مىندەتتەرى مەن فۋنكتسيالارى 5. اتۇق-نىڭ نەگىزگى مىندەتتەرى مىنالار بولىپ تابىلادى: 1) جولاۋشىلارعا، پوشتا جونەلتىمدەرىن، باگاج بەن جۇككە ۋاقتىلى جانە ساپالى قىزمەت كورسەتۋدى قامتاماسىز ەتۋ; 2) پوشتا جونەلتىمدەرىنىڭ، باگاج بەن جۇكتىڭ بۇتىندىگى مەن ساكتالۋىن قامتاماسىز ەتۋ; 3) اۋە كەمەلەرىنىڭ (بۇدان ءارى - اك) كوممەرتسيالىق جۇك كوتەرىمدىلىگىن ۇتىمدى جانە ءتيىمدى پايدالانۋ. 6. قويىلعان مىندەتتەردى شەشۋ ءۇشىن اتۇق مىناداي فۋنكتسيالاردى جۇزەگە اسىرادى: 1) جولاۋشىلارعا قىزمەت كورسەتۋ، باگاجدى، پوشتا جونەلتىمدەرى مەن جۇكتەردى وڭدەۋ بويىنشا تەحنولوگيالىق وپەراتسيالاردى ۋاقتىلى جانە ساپالى ورىنداۋ; 2) جولاۋشىلارعا قىزمەت كورسەتۋ، باگاجدى، پوشتا جونەلتىمدەرى مەن جۇكتەردى وڭدەۋ تەحنولوگياسىن جەتىلدىرۋ مەن جاقسارتۋ جونىندە شارالار قابىلداۋ; 3) جولاۋشىلارعا قىزمەت كورسەتۋ، باگاجدى، پوشتا جونەلتىمدەر مەن جۇكتەردى وڭدەۋ بويىنشا قىزمەتتەر كورسەتۋ كەزىندە اۆياكومپانيالاردىڭ، مۇددەلى ۇيىمدار مەن مەملەكەتتىك ورگانداردىڭ وكىلدەرىمەن ءوزارا ءىس-قيمىل جاساۋ; 4) جولاۋشىلاردى تىركەۋ، تاسىمالداۋ قۇجاتتامالارىن، باگاجعا، پوشتا جونەلتىمدەرى مەن جۇكتەرگە بيركالاردى رەسىمدەۋ; 5) تاسىمالداۋ قۇجاتتاماسىن ۋاقتىلى رەسىمدەۋدى قامتاماسىز ەتۋ; 6) اك-دە جولاۋشىلاردى ۋاقتىلى وتىرعىزۋدى، ءتۇسىرۋدى، باگاج بەن جۇكتى ورنالاستىرۋدى، تيەۋدى ء(تۇسىرۋدى) قامتاماسىز ەتۋ; 7) اتۇق قىزمەتكەرلەرىن وقىتۋ جانە ولاردىڭ بىلىكتىلىگىن ارتتىرۋ بويىنشا شارالار قابىلداۋ; 8) جولاۋشىلاردىڭ باگاجىن ساقتاۋ كامەراسىنىڭ، جۇكتەر مەن پوشتا جونەلتىمدەرىن ساقتاۋ قويماسىنىڭ قىزمەتىن ۇيىمداستىرۋ; 9) بيلەت كاسساسىنىڭ جانە/نەمەسە جول ءجۇرۋ قۇجاتتارىن بەرەتىن پۋنكتتەردىڭ قىزمەتىن ۇيىم­داستىرۋ; 10) اۆياكومپانيالاردىڭ جولاۋشىلارعا قىزمەت كورسەتۋ، باگاج، پوشتا جونەلتىمدەرى مەن جۇكتەردى وڭدەۋ جونىندەگى تالاپتارىن قاناعاتتاندىرۋعا باعىتتالعان جۇمىستى ۇيىمداستىرۋ; 11) اتۇق جۇمىسىنا قاجەتتى نورماتيۆتىك قۇقىقتىق اكتىلەرمەن قامتاماسىز ەتۋدى ۇيىمداستىرۋ; 12) ۇشۋدىڭ جۇيەلىلىگىن قامتاماسىز ەتۋگە كەرى اسەرىن تيگىزەتىن سەبەپتەر مەن فاكتورلاردى جويۋ بويىنشا شارالار قابىلداۋ; 13) ااۇ-نىڭ جولاۋشىلارعا قىزمەت كورسەتۋگە جۇمىلدىرىلعان باسقا قىزمەتتەرىمەن ءوزارا ءىس-قيمىل جاساۋ. 3. قىزمەتتى ۇيىمداستىرۋ 7. شتاتتىق كەستەگە سايكەس اتۇق قۇرامىنا مىنالار كىرەدى: 1) قىزمەت باستىعى; 2) قىزمەت باستىعىنىڭ ورىنباسارى (اتۇق قىزمەتكەرلەرىنىڭ سانى 20 ادامنان ارتىق بولعاندا); 3) مەنەدجەرلەر; 4) اتۇق ديسپەتچەرلەرى; 5) اك ورتالىقتاندىرۋ جونىندەگى ديسپەتچەرلەر; 6) كاسسيرلەر; 7) جولاۋشىلارعا قىزمەت كورسەتۋ اگەنتتەرى; 8) باگاج جونىندەگى اگەنتتەر; 9) ساقتاۋ كامەراسىنىڭ قويماشىلارى. 8. اتۇق باستىعى: 1) جولاۋشىلارعا قىزمەت كورسەتۋدىڭ، باگاجدى، پوشتا جونەلتىمدەرى مەن جۇكتەردى وڭدەۋدىڭ تەحنولوگيالىق كەستەسىنىڭ ورىندالۋىن ساقتاۋى مەن ساپاسىن باقىلايدى; 2) اتۇق قىزمەتكەرلەرىن اۋە كەمەلەرىنىڭ كەلۋى مەن ۇشۋى، اۋە كەمەلەرىنىڭ تۇراق ورنى، قونۋ گەيتىنىڭ (گالەرەياسىنىڭ) نومىرلەرى تۋرالى تاۋلىكتىك جوسپارمەن قامتاماسىز ەتۋ بويىنشا شارالار قابىلدايدى; 3) اتۇق قىزمەتكەرلەرىنىڭ فۋنكتسيونالدىق مىندەتتەرىنە كىرەتىن ماسەلەلەر بويىنشا ولارعا تاپسىرمالار، مىندەتتەر بەرەدى، ولاردىڭ ورىڭدالۋىن باقىلايدى; 4) اتۇق قىزمەتكەرلەرىنىڭ وندىرىستىك جانە ەڭبەك ءتارتىبىن ساقتاۋىن، ءورت قاۋىپسىزدىگى مەن ەڭبەك قاۋىپسىزدىگىن ساقتاۋىن، ااۇ-نىڭ ىشكى ۇيىمدىق-وكىمدىك كۇجاتتارىنىڭ ورىندالۋىن باقىلايدى; 5) اتۇق قىزمەتىن جەتىلدىرۋ ماسەلەلەرى بويىنشا شارالار قابىلدايدى، ۇسىنىستار ەنگىزەدى; 6) اتۇق قىزمەتىنىڭ ماسەلەلەر بويىنشا، سونىڭ ىشىندە كۇزگى-قىسقى جانە كوكتەمگى-جازعى ناۆيگاتسياعا دايىندىق كەزىندە جوسپارلاردىڭ، تاپسىرمالاردىڭ ۋاقتىلى ورىندالۋىن باقىلايدى; 7) قاجەت بولعان جاعدايدا قاجەتتى كومەكپەن، جولاۋشىلارعا قۇقىعى مەن مىندەتتەرىن ءتۇسىندىرۋدى قامتاماسىز ەتەدى; 8) ااۇ-نىڭ بارلىق قۇرىلىمدىق بولىمشەلەرىنىڭ جانە جولاۋشىلارعا، باگاجعا جانە پوشتا جونەلتىمدەرىنە قىزمەت كورسەتۋ ماسەلەلەرى بويىنشا باسقا ۇيىمداردىڭ باسشىلارىمەن ءوزارا ءىس-قيمىل جاسايدى; 9) جولاۋشىلارعا، باگاجعا جانە پوشتا جونەلتىمدەرىنە قىزمەت كورسەتۋ ماسەلەلەرى بويىنشا ااۇ كەڭەستەرىنە قاتىسادى. 9. اتۇق قىزمەتكەرلەرىنىڭ قىزمەتتىك قۇقىقتارى مەن مىندەتتەرى لاۋازىمدىق نۇسقاۋلىقتاردا جانە/نەمەسە ااۇ-نىڭ ءبىرىنشى باسشىسى مەن اتۇق قىزمەتكەرى اراسىنداعى ەڭبەك شارتتارىندا بەلگىلەنەدى.
سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار