حالىق قامىن ويلايتىن دەپۋتات سايلانسا...

كەڭەس داۋىرىندەگى «دەپۋتات – حالىق قىزمەتشىسى» دەگەن سوزگە قۇلاعىمىز ۇيرەنىپ قالعان, دەپۋتات كورسەك مۇڭ-مۇقتاجىمىزدى ايتقىمىز كەلىپ تۇرادى. سول كەزدە دەپۋتات ءبىر وكرۋگپەن ساي­لا­نا­تىن دا مەزگىلى بىتكەنشە سول ساي­لاۋشىلارىنىڭ الدىندا ەسەپ بەرىپ تۇراتىن. بەلگىلى ءبىر تاپ­سىر­مالاردى ورىنداۋعا تى­رىسا­تىن. قازىر وندايدى سيرەك باي­قايمىن. ارينە, بارىنە كۇيە جا­عۋدان اۋ­لاق­پىن. پارلامەنت دە­پۋ­تاتتا­رى­نىڭ بەلسەندىلىگىن بۇ­قا­رالىق اق­پا­رات قۇرالدارى ار­قىلى بىلەمىز. كەيدە سوعان قاراپ باعا بەرەمىز. مۇمكىن, ول دا دۇرىس ەمەس شىعار. سايلاۋ الدىنداعى كەزدەسۋلەردە كوپشىلىگىندە جاقسىلىق­تار­دى ءۇيىپ توگەدى. سايلانىپ ال­عان سوڭ ات ءىزىن سالمايتىن دەپۋتاتتار بار. ءوز  جاعدايىن كۇيت­تەپ كەتەتىندەر قانشاما. وتكەن­دە ءبىر دەپۋتات تەلەديداردان: «دەپۋتات زەينەتكە شىققان سوڭ از زەينەتاقىعا قالاي ءومىر ءسۇ­رە­دى», – دەيدى. مەن ول كىسىگە سۇراق قويار ەدىم: «ءبىز قالاي ءومىر ءسۇرىپ جاتىرمىز؟» – دەپ. تامىز ايىندا وتەتىن سەنات سايلاۋىنا دايىندىق باستالىپ, دەپۋتاتتىققا كانديداتتار ۇسى­نى­لۋدا. ءبىز بىلەمىز, ولاردى ءماس­ليحات دەپۋتاتتارى سايلايدى. ال ءماسليحات دەپۋتاتتارىن حالىق سا­ي­لادى. سوندىقتان ولار حا­لىق­تىڭ وكىلدەرى. سول سايلاۋعا باراردا ءماسليحات دەپۋتاتتارى ءوز سايلاۋشىلارىمەن كەزدەسىپ, بىرنەشە كانديداتتىڭ ىشىنەن سول ورىنعا لايىعىن تاڭداپ, سوعان داۋىس بەرگەنى دۇرىس بولار ەدى. مەنىڭشە, ۇلتىنا, قىزمەتىنە, پار­­تيالىلىعى مەن جاسىنا, ت.ب. جاق­تارىنا ۇلكەن ءمان بەرمەي, قولى­نان ءىس كەلەتىن, ءبىلىمدى, حالىقتىڭ قامىن شىن جۇرەگىمەن ويلايتىن, ادال, ازاماتتىعى مول ادامدى سايلاۋعا ۇمتىلعان ءجون بولار ەدى. دەپۋتاتتىق كورپۋس مىقتى بول­سا, جاقسى زاڭدار قابىل­دا­نىپ, حالىققا قىزمەت ەتەرى ءسوز­سىز. ءماسليحات دەپۋتاتتارى وسى جاعى­نا نازار اۋدارسا ەكەن دەيمىن. ەركىن داۋەش ۇلى, زەينەتكەر. استانا.