استاناداعى جاڭا رەكورد

قالا كۇنى قارساڭىندا كورەي حالقىنىڭ ۇلتتىق تاعامى «كيم­پاب» روللى ازىرلەندى. وسى­لايشا وتاندىق اسپازدار گين­نەستىڭ رەكوردتار كىتا­بى­نا كىرۋدى كوزدەپ وتىر. «كيمپاب» – ادام اعزاسى ءۇشىن وتە پايدالى ءارى جەدەل دايىن­دالاتىن تاعامنىڭ ءبىر ءتۇرى. ونىڭ نەگىزگى قۇرامىندا تەڭىز كاپۋس­تاسى مەن ءتۇرلى دامدەۋىشتەر قو­سىلىپ قايناتىلعان كۇرىش بار. سونىمەن بىرگە, ءار ادامنىڭ تال­عامى بويىن­شا تۇزدالعان بالىق ەتى, قيار, جۇمىرتقادان جاسالعان قۇي­ماق, ءسابىز, كورەي ءتۇرىپى سياق­تى كوكونىس­تەر قوسىلىپ ازىرلە­نە­دى. اتالمىش تاعام كورەيلەردىڭ ۇلتتىق تاعامى­نا جاتاتىندىق­تان, ونى نەگىزىنەن شىعىس حالىق­تارى دايىندايدى. ال كورەيانىڭ كەز كەلگەن ساۋدا ورىندارىنان بۇل اس ءمازىرىنىڭ كوپ­تەگەن ءتۇر­لەرىن ساتىپ الۋعا بولا­دى. «كيمپاب» الەم حالىق­تارىنا «سۋشي» دەگەن اتپەن كەڭى­نەن تانىلعان. تاعام «كۋلي­نار­لار­دىڭ سۇيىكتى قالامىزعا سىي­لىعى» اتتى فەستيۆال شەڭ­بەرىندە دا­يىن­دالدى. ول ءۇشىن 110 كەلى كۇ­رىش, 50 كەلى با­لىق, 450 دانا جۇ­مىرتقا كەتىپتى. استانالىق اسپازدار بۇل تاڭ­عا­جا­يىپ تاعام­دى ءازىر­لەۋ ارقىلى الەم­دىك رەكورد ورنا­تىپ, گين­نەس­تىڭ رەكوردتار كىتا­بى­نا ەنۋدى كوز­دەۋدە. ستاتيس­تيكالىق ءمالى­مەت­تەر­گە سۇيەنسەك, وسىعان دەيىن شەت ەلدەردىڭ بىرىندە «كيمپاب» رول­لى­نىڭ 128 مەترلىك ءتۇرى دا­يىن­دالعان ەكەن. اس­تانالىق اس­پاز­داردىڭ اتالمىش تاعامدى دا­يىن­داۋداعى ماقساتى – قالا كۇنى­نە وراي, ول كورسەتكىشتى باسىپ وزۋ. «كيمپاب» ازىرلەنىپ جاتقان ساتتە «كورەي باراباندارىنىڭ شوۋى» ۇجىمىنىڭ كونتسەرتتىك باع­دارلاماسى باستالدى. مەرەكەلىك شاراعا اۋا-رايى دا ءوز سەپتىگىن تيگىزىپ, كۇن توبەمىزدە ك ۇلىپ تۇردى. ال جينالعان كوپشىلىك, ۇزىننان-ۇزاق سوزىلعان «كيم-پاب» تاعا­مى­نىڭ جاسالۋىن ەرەك­شە قىز­­ىعۋ­شى­لىقپەن باقىلاۋمەن بولدى. ەستەرىڭىزگە سالا كەتەيىك, قاي سالادا بولماسىن گيننەستىڭ رەكوردتار كىتابىنا ەنۋ ءۇشىن, ار­نا­يى كوميسسيا مۇشەلەرىنىڭ قا­تى­­سۋى شارت. بۇل رەتتە جاڭا الەمدىك رەكوردتى راستاۋ ءۇشىن استاناعا گيننەستىڭ رەكوردتار كى­تابىنىڭ وكىلدەرى ارنايى ات ارىتىپ كەلىپ, ونىڭ جاسالۋ جو­لىن بەكىتىلگەن تالاپ بويىنشا باقىلاپ تۇردى. ءسويتىپ, الەمدەگى ەڭ ۇزىن «كيمپاب» تاعامى دا­يىن­دالىپ, ارنايى قازىلار ال­قا­سى قولدارىنا ءول­شەۋىش قۇرال الىپ, ونىڭ قانشا ەكە­نىن ولشەپ شىق­تى. ناتيجە تاڭ­عالارلىق. ونىڭ ۇزىندىعى كۇت­كەن­دەگىدەي 150 ەمەس, 157 مەتر 87 سانتي­مەتر­دى قۇراعان. رەكورد باس­تال­عان­­نان كەيىن شەف اسپازشىنىڭ كو­مان­داسى تاعامدى تەڭدەي ءبو­لىك­­تەر­گە ءبولىپ, استانا تۇرعىن­دارى مەن قالا قوناقتارىنا ءدام تات­قىز­دى. قالا جۇرتشىلىعى ءدان ريزا بولىپ, وزدەرىنىڭ وڭ باعا­سىن بەرىپ جاتتى. ءىس-شارانى قالانىڭ كاسىپ­كەر­لىك جانە ونەركاسىپ باسقار­ماسى, «Korean House» مەيرام­حاناسى, سونداي-اق كورەي ءما­دەنيەت ورتا­لىعى ۇيىمداس­تى­رىپ وتىر. جۇلدىز ءبايدىلدا.