بالالار – ەلوردانىڭ جۇرەگى

ەلوردا مەرەكەسىندە ۇيىم­داس­تىرىلعان ءتۇرلى مادەني ءىس-شارالار لەگىنىڭ بىرقاتارى قالا كۇنى جۇرتشىلىقتى كون­گرەسس-حولل ماڭايىنا كوپتەپ جينادى. الاڭنىڭ ماڭى ءوز­دەرىنە ارنالعان دۋماندى تاما­شالاۋعا كەلگەن قالا تۇر­عىندارى مەن قوناقتارىن ەرەكشە سەزىمگە بولەدى. سولاردىڭ ءبىرى ماحامبەت وتەمىس ۇلى اتىن­داعى وقۋشىلار سارايىنىڭ ال­دىندا وتكەن «بالالار – ەلور­دانىڭ جۇرەگى» اتتى قالانىڭ تۋعان كۇنى مەن الداعى كەلە جاتقان تاۋەلسىزدىگىمىزدىڭ 20 جىلدىق مەرەيتويىنا وراي وتكىزىلگەن مەرەكەلىك باعدارلاما دەر ەدىك. بۇگىنگى كۇنى ەۋرازيا كەڭىس­تىگىندە ءىرى ءبىلىم مەن مادەنيەت ورتالىعىنا اينالعان استا­نامىز كۇننەن-كۇنگە جاڭارىپ, جاسىل جەلەك جامىلىپ كەلەدى. اسەم بەزەندىرىلگەن اتالمىش ساراي ايماعىنا تاڭەرتەڭگى ۋا­قىتتان مەكتەپ جانىنداعى كۇن­دىزگى ءبولىم لاگەرلەرىنىڭ وقۋ­شىلارى كەلىپ, سازدى اۋەندەر وينالىپ, بالالاردىڭ شات كۇل­كىسىمەن ۇندەسىپ جاتتى. ايتۋلى مەرەكە كۇنى قار­ساڭىندا «استانا قۇرداستارى» بايقاۋى بيىل ونىنشى رەت قالامىزدىڭ جاس قۇرداستارىنىڭ باسىن قوسقان-دى. ال جەڭىمپاز اتانعاندار باعدارلامانىڭ قۇر­مەت­تى قوناعى بولىپ, ەستەلىك سىي­لىقتاردى ەنشىلەدى. باي­قاۋدىڭ ەڭ قىزىقتى ءساتى دە وسى جەردەن كورىنىس تاپتى. «كىشكەنتاي استانا ارۋى» مەن «كىشكەنتاي استانا سۇلتانى» باي­قاۋلارى جەڭىمپازدارىنىڭ سال­تاناتتى شەرۋى دە تارتىمدى كو­رىنىستەرمەن كورەرمەندەرىن قۋ­انت­تى. جالپى اتالعان باي­قاۋدىڭ ماقساتى – بالعىنداردىڭ دارىندارىن اشۋ مەن ولاردىڭ شىعارماشىلىق ورىنداۋشىلىق دەڭگەيلەرىن كوتەرۋ بولسا, ەل­وردانىڭ جاس تالانتتارىن انىق­تاپ, قولداۋ ءبىلدىرۋ دە باستى نازارعا الىنعان. مەرەكەلىك شارا اياسىندا وتكىزىلگەن تاس جولعا ءتۇرلى-ءتۇستى بورمەن سۋرەت سالۋ بايقاۋى دا قاتىسۋشىلار مەن ونى تاما­شالاۋشىلاردى ەرەكشە سەزىمگە بولەدى. «باقىتتى عالامشاردا-باقىتتى بالالار!» تاقىرى­بىمەن وتكەن بۇل سايىستا باي­قاۋدىڭ جەڭىمپازى اتانعان جەتكىنشەكتەر مەن وزگە دە قا­تىسۋشىلار ارنايى سىيلىق­تارمەن ماراپاتتالدى. ءابدىراحمان قىدىربەك. سۋرەتتەردى تۇسىرگەن ورىنباي بالمۇرات.