ەلورداعا ەستەلىك

ەگەمەن ەلىمىزدىڭ بارلىق وڭىرلەرىندەگى جۇرت ەلوردا­نىڭ 13 جىلدىق مەرەكەسىن ەرەكشە كوتەرىڭكى كوڭىلمەن اتاپ وتۋدە. 13 جىل دەگەن كوپ پە, از با؟ قالاي بولعاندا دا وسى ءبىر مۇشەل جاس ىشىندە استانا قالاسى قازاقستان­نىڭ جاھاندىق برەندىنە اي­نالىپ, دۇنيەدەگى ەڭ اسەم دە, جاس قالا رەتىندە تانىلۋدا. استانا – تاۋەلسىزدىك پەرزەنتى. استانا – جاڭا الەمدەگى جاڭا قازاق­ستاننىڭ جارقىن بەينەسى. استانا – دۇنيەجۇزىلىك ساحنادا بەيبىتشىلىك پەن كەلىسىم ورداسى. استانا – باتىس پەن شىعىستى بايلانىس­تى­رىپ جاتقان التىن كوپىر. اقور­دالى استانانىڭ باس ءساۋ­لەتشىسى – ەلباسى نۇرسۇل­تان نازارباەۆ­تىڭ: «استانا – وتا­نىمىزدىڭ جۇرەگى, تاۋەل­سىزدىگىمىزدىڭ تىرەگى», دەگەن قا­ناتتى قاعيداسى بار­لىق قا­زاقستاندىقتاردىڭ جۇرەگىنە نۇر شۋاعىن قۇيادى. بۇگىنگى باس قالامىزدىڭ ءمۇ­شەل مەرەكەسىندە ءبىر توپ زيالى قاۋ­ىم وكىلدەرىنىڭ استانا قالا­سىنا دەگەن جۇرەك­جاردى لەبىزدەرىن جاريالاپ وتىرمىز. * * * ومىربەك بايگەلدي, پارلا­مەنت سەناتىنىڭ دەپۋتاتى. بۇگىنگى سارىارقانىڭ كىندىك تۇ­سىنا ورىن تەپكەن استانا – جا­ڭا عاسىردىڭ پاسسيونارلىق تۋىن­دىسى. بۇل قازاق حالقى­نىڭ كەلەشەكتەگى جارقىن بەت-بەي­نەسى, ون­ىڭ تۇراقتى وركەن­دەپ, ءوسۋىنىڭ كەپىلى. وسىنداي تاع­دىر سىيلاعان زور مۇمكىن­دىكتىڭ يەسى بولعان ءبۇ­گىنگى ۇرپاق باقىتتى. بۇلار مىڭ­جىل­دىق­تار توعى­سىن­داعى جاڭا رۋ­­حاني تۋىندىنىڭ ىرگەسىن قالاۋ­شى­لار رەتىندە تاريحتا قالارى ءسوزسىز. الەم تانىعان ەلوردانىڭ شا­­ڭىراعى بيىك بولعاي! تورەگەلدى شارمانوۆ, قازاق تاعامتانۋ اكادەمياسىنىڭ پرەزيدەنتى, ۇعا اكادەميگى. استانا بۇگىندە قازاقستان دەڭ­گەيىندە قولعا الىنعان شارا­لاردىڭ شىن مانىندەگى وراسان ورداسىنا اينالدى. ماسەلەن, ەلدى دامىتۋعا قاتىستى ءارتۇرلى كلاستەردىڭ قاتارىندا مەديتسينا كلاستەرى بار. استانانىڭ وسى ءمۇ­شەل مەرەكەسى قارساڭىندا ەل­با­سى نۇرسۇلتان نازارباەۆ تمد-دا تەڭدەسى جوق تاعى ءبىر مەدي­تسي­نالىق كەشەن – كارديولو­گيا­لىق عىلىمي-زەرتتەۋ ورتالى­عىنىڭ تۇساۋىن كەستى. بو­لاشاقتا قازاقستان حالقى دەنساۋلىعىن تۇزەۋ ءجا­نە باسقا شارالار ءۇش­ىن ات ارىتىپ, الىس شەتەلدەرگە بار­ماي­تىن ءمۇم­كىن­دىك تۋدى. نۇرجامال ۇسەنباەۆا, قازاقستاننىڭ حالىق ءارتىسى. ارينە, استانا تۋرالى كوپ تولعاۋعا بولادى. كەزىندەگى وبلىس ورتالىعى بولعان شا­عىن قالا از ۋاقىتتىڭ ىشىندە ادام تانىماستاي وزگەردى. استانا بولعالى ارحيتەكتۋرالىق ايشىعى كۇرت وزگەرىپ, كورسە كوز سەنگىسىز كوركەم شاھارعا اينالدى. ەلىمىزدىڭ جاس استاناسى تۋرالى بۇگىندە شەت مەملەكەتتەر دە جاقسى بىلەدى. ولار ەلوردامىزدىڭ دامۋ قارقىنىنا, كەلبەتىنە ءتانتى. تاۋەلسىز قازاقستان تۋراسىندا, ەلوردامىز جونىندە شەتەل­دىكتەردىڭ جىلى لەبىزى مەنى دە قۋانتىپ, جۇرەگىمە ەلىمە دەگەن ماقتانىش سەزىمىن ۇيالاتادى. امانجول بولەكباەۆ, پارلامەنت سەناتىنىڭ دەپۋتاتى. استانا – مەنىڭ تۋعان قالام. بارلىق سانالى عۇمى­رىم وسى قالامەن تىعىز باي­لانىستى. بۇگىندە جيىرما ءبىرىنشى عاسىردىڭ ەڭ جاس استا­ناسى كەلەشەككە باتىل قول سوز­دى. قازاق ەلىنىڭ ايبىنى اسقاق­تاپ, استانا تورتكۇل دۇنيە تامسانعانداي عاجايىپ قالاعا اينالىپ كەلەدى. سوندىقتان, كەلەشەكتە ەلوردامىزدىڭ ەۋ­را­زيالىق كەڭىستىكتەگى ۇلگىلى استاناعا اينالاتىنىنا سەنىمىم مول. بۇرىندارى شەتەلدىكتەر ءبىزدى رەسەيلىكتەرمەن شا­تاس­تىرسا, ەندى «قازاقستان, استانا, نازارباەۆ» دەپ, باس قالامىزدى الەم تانىپ, سىي-قۇرمەتكە بولەپ جاتىر. سەكەن تۇرىسبەكوۆ, كۇيشى, قازاقستاننىڭ ەڭبەك سىڭىرگەن ءارتىسى. مەملەكەتتىڭ استاناسىن ارداقتاۋ, ونىڭ جاقسىلىعىن اسىرۋ قاي كەزدە دە بولعان. بولا بەرەدى. ەلىنىڭ ەرتەڭىن وي­لاعان پاتشانىڭ ءبىر ارمانى تۋعان حالقى ءۇشىن ۇلكەن شاھار ورناتۋ بولسا كەرەك. ءبىزدىڭ ەلىمىزدىڭ ماقتانىشى بولىپ, سارىارقا توسىندە ادام ايتسا نانعىسىز اسەم قالا بوي كوتەر­دى. كەلبەتىنە كوز تاستاساڭ, دوس ءسۇيسىنىپ, دۇشپان كۇيىنەتىندەي. مادەنيەتى دەيسىز بە, ونەرى, ساۋلەتى دەيسىز بە, قاتار وركەن­دەپ, دامۋ قارقىنى جاعىنان الەم جۇرتشىلىعىنىڭ ءوزىن تاڭداندىرىپ وتىر. حيۋ پيرمان, بريتاندىق ارحيتەكتۋرا سىنشىسى. (انگليا). «الەم پيراميداسى»: دالا توسىندەگى جاڭا ەلوردادا سا­لىن­عان وراسان زور پيراميدا, ول قازىرگى زامانعى الەم كە­رە­مەتىنىڭ ءبىرى بولا الادى. عيمارات بۇكىل الەمدەگى بەي­بىتشىلىكتىڭ, زورلىق-زومبى­لىق­تان باس تارتۋدىڭ, ادام­دار­دىڭ سەنىمى مەن تەڭدىگىن نىعاي­تۋ­دىڭ نىشانى بولادى دەپ جوسپارلانۋدا. وسىنداي عيمارات سالۋعا تاپسىرىس بەرۋ ءۇشىن قازاقستان پرەزيدەنتى نۇر­سۇلتان نازارباەۆ بولۋ كەرەك. ەگور كونچالوۆسكي, كينورەجيسسەر. (رەسەي). مەن استانالىقتارعا گۇل­دەنۋدى تىلەيمىن, سەبەبى, اس­تانانىڭ وركەندەگەنى – ەلدىڭ وركەندەگەنى عوي. ءوز باسىم قازاقستانعا بەيجاي قاراي ال­مايمىن, ونى ءوزىمنىڭ وتانىم دەپ سانايمىن. قازاقستاندا اجەم تۇرادى. مەن استانا مەن قازاقستاننىڭ باسقا دا قالالارىنىڭ تۇرعىندارىنا بارشا جاقسىلىقتى, تى­نىش­­تىقتى تىلەيمىن. استانادان ەلدىك پەن تىنىش­تىق لەبى ەسەدى. استا­نا­نىڭ قازىرگى كەلبەتى وراسان كۇش-جىگەردىڭ ارقاسىندا كەلدى. ەندەشە, بولا­شاق ۇر­پاق سونى باعالاي بىلسە كە­رەك-ءتى!