ەلورداداعى «ەسىل» فلوتيلياسى

استانانى كەسىپ ءوتىپ, ونىڭ سۇلۋلىعىن ەسەلەي تۇسكەن ەركە ەسىلدىڭ ۇستىندە اتا-انالار مەن بالالاردى قايىقپەن قىدىرتىپ, ونىڭ تىلسىم سىرىنا ساياحات جاسا­تىپ, ماۋسىمدىق دەمالىس سىيلاي­تىن ارنايى ەكسكۋرسيا ەكەنى بەلگىلى. جۋىردا ەكسكۋرسيالىق قىزمەت كورسەتۋ مەكەمەسى جاڭا ماۋسىمنىڭ اشىلۋ ءراسىمىن وتكىزىپ, بالعىندار­دى ءبىر قۋانتىپ تاستادى. «ەسىل استانا» مەملەكەتتىك مەكەمەسى اينالىساتىن بۇل دەمالىس ورنى بيىلعى جاڭا ماۋسىمدى ۇلكەن ساۋاپتى ىسپەن باستادى. بۇ­لاي دەۋىمىزگە سەبەپ, مۇمكىندىگى شەكتەۋلى 30 بالانى تەگىن قىدىرتۋ وسى ءىستىڭ ۇلكەن جاناشىرلىقپەن باستالعانىن كورسەتتى. قۇلدىراڭ­داعان ق ۇلىندار ەسىلدىڭ بويىن ارنايى قايىقپەن سارىارقا كوشە­سى كوپىرى ماڭىنان اقورداعا دەيىنگى ارالىقتى شاتتىق كوڭىلمەن ءجۇزىپ ءوتىپ, ۇيىمداستىرۋ القاسىنا دەگەن شەكسىز ريزاشىلىقتارىن بىلدىرۋمەن بولدى. بالالاردى باستاپ كەلگەن پسيحونەۆرولوگيالىق الەۋمەت­تىك بالالار مەكەمەسىنىڭ ديرەكتورى سەرىك بوپەجانوۆ پەن استانا قالا­لىق جۇمىسپەن قامتۋ جانە الەۋ­مەتتىك باعدارلامالار باسقار­ما­سىنىڭ باستىعى الما التىباەۆا بۇل يگى باستامانىڭ العاشقى ماۋ­سىمدى مۇگەدەك بالالارعا قۋانىش سىيلاۋمەن اشۋى ناعىز ازامات­تىقتىڭ بەلگىسى ەكەندىگىن ايتا كەلە, بيىلعى ماۋسىمدا ارنايى اتباسىن تىرەگەن ءاربىر جاننىڭ جاقسى دەمالۋلارىنا دەگەن تىلەكتەستىكتەرىن دە نازاردان تىس قالدىرمادى. – كۇننەن-كۇنگە كوركەيىپ, وركەندەپ كەلە جاتقان ارۋ استا­نامىزعا قوناقتار جىلدان-جىلعا كوپتەپ كەلۋدە. بۇل اسىرەسە, جاز ايلارىندا ءجيى كورىنىس بەرەدى. ءبىزدىڭ قىزمەت كورسەتۋىمىزدىڭ نەگىزى دە وسى ماۋسىمدا بولادى, – دەپ باستادى ءوز ءسوزىن «ەسىل استانا» مەملەكەتتىك مەكەمەسىنىڭ ديرەك­تورى زەينوللا دوسماعامبەتوۆ. – جالپى, مامىر ايىنان, ياعني كۇننىڭ جىلۋىمەن باستالاتىن بۇل جۇمىس, قازان ايىنىڭ باسىنا دەيىن حالىققا قىزمەت كورسەتەدى. 60, 24 ادامعا لايىقتالعان ارنايى قايىقتار وسى ۋاقىتتار ىشىندە قالا حالقى مەن قوناقتارىنا قىزمەت كورسەتۋگە دايىن. بۇيىرتا, ماۋسىم-شىلدە ايلارىندا تاعى دا 3 قايىق كەلەدى دەپ كۇ­تىلۋدە, – دەدى ول. وزەن ەكسكۋرسياسىنا قىزىعۋشىلىق تانى­تىپ, تابيعاتتى سۋ بەتىندە تاماشالاۋعا دە­گەن حالىق نيەتى جىل­دان جىلعا ارتىپ كەلەدى ەكەن. وعان دالەل, ماسە­لەن, بۇل جەردى الدىڭعى جىلى ماۋسىم ارالى­عىندا 16 984 ادام تاماشالاسا, بىلتىرعى كورسەتكىش 19 094 ادام­دى قۇراعانى بولىپ وتىر. ەسىل وزەنىن جوعارى­داعى كەلتىرگەن باعىت بويىنشا سايا­حات جاساۋدا, ونى جول-جونەكەي تانىستىرىپ وتىرۋدا زور ەڭبەك سىڭىرەتىن ماماننىڭ ەڭبەگى دە ۇشان-تەڭىز. وسى رەتتە مەكەمەدەن ەكى مامان قۇراق ۇشىپ قىزمەت ەتۋگە دايار. سونداي-اق قاۋىپسىزدىك شارا­لارىن قامتاماسىز ەتىپ, ادام ءومىرىنىڭ اراشاشىسى قىزمەتتەرىن ابىرويمەن اتقاراتىن توتەنشە جاعدايلار قىزمەتىنىڭ ەڭبەكتەرىن دە ەرەكشە اتاعان ءجون. سايىپ كەلگەندە, مەكەمەنىڭ جالپى سانى قىرىقتان اسا قىزمەتكەرىنىڭ جۇمى­سى حالىق ۇستىندە. قاي كەزدە دە دەمالۋشىلار جاعدايىنا باستى نازار اۋداراتىن مەكەمە جۇمى­سىنىڭ جەڭىل ەمەس ەكەنىن ءجىتى كوز جىبەرگەن بىلايعى جۇرت­تىڭ ونىڭ بايقاي­تىنى كادىك. ايتسە دە ولار مۇنى وزدەرىنىڭ كاسىبىنە دەگەن پارىزى دەپ سانايتىنىن ولار­دىڭ ەلگەزەكتەنە  كور­سەتىپ جاتقان قىزمەت­تەرىنەن بايقاۋ قيىن ەمەس. جاڭا ماۋسىمنىڭ اشىلۋىن تاعاتسىزدانا كۇتىپ جۇرگەن جاندار­دىڭ ءبىرى كوزىن وسى وزەن بويىندا اشقان بالعىندار ەكەن.  ەسىلدى جاعا­لاي جارتىلاي جالاڭاش جۇگىر­گەن ءبىر توپ بالا قايىققا مىنگەن جوعارىدا ايتقان جەتكىنشەكتەرگە قىزىعا قول بۇلعادى. ارينە, بالانىڭ اتى بالا ەمەس پە؟ ولارعا ءبارى دە تاڭسىق. اسىرەسە, وزدەرى كۇندە كورىپ جۇرگەن قايىقتان گورى ولارعا جاڭا تاماشالاعان جاننىڭ جۇزىندەگى قۋانىشتى كورۋ قىزىق. مۇنىڭ بارلىعى دا الىستى جا­قىنداتىپ, ادامداردى ءبىر-بىرىمەن تانىسىپ-بىلىسۋدە ۇلكەن ءرول ات­قارىپ جاتقان وسىناۋ يگى باستاما مەن ەڭسەلى ەلوردامىزدىڭ ارقاسى ەكەنى داۋسىز. ادام بويىنا سەرگەكتىك كەلتىرەتىن بىردەن-ءبىر قۇرال, ونىڭ جاقسى دەمالۋى مەن كوڭىل-كۇيدىڭ ورنىقتىلىعى دەسەك, استاناعا كەلگەن بارشا جاننىڭ ەسىل بويىن ەرەكشە ءبىر سەزىممەن تامسانا تاما­شالاۋى اسا قاجەتتىلىكتى تۋدى­رارى حاق. ەركە ەسىلدىڭ جاعاسىندا قايىق­تاعى شات-شادىمەن كوڭىلدى جانداردى كورگەندەگى وي وسىنى مەڭزەيدى. ءابدىراحمان قىدىربەك. سۋرەتتەردى تۇسىرگەن اعىباي اياپبەرگەنوۆ.