اقساقالدىڭ استاناعا تارتۋى

ەڭسەلى ەلوردانىڭ تۋ­عان كۇنى ەلىم دەپ تەبىرەنگەن ءار ازاماتتىڭ بويىن ەرەكشە سەزىمگە بولەسە, ەندى ءبىرىن تويعا نە تارتۋ ەتەمىن دەگەن سۇراقتار ما­زا­لايدى. ولار وسى جولدا قارلىعاشتىڭ قاناتىمەن سۋ سەپكەندەي بارىن سا­لادى. سولاردىڭ ءبىرى استانا كۇنى مەرەكەسى مەن ەل تاۋەلسىزدىگىنىڭ 20 جىل­دىق تورقالى تويىنا تارتۋ رەتىندە ۆەلوسيپەدپەن ال­ماتىدان استاناعا دەيىنگى ارالىقتا جولعا شىققان ايتەكەن باكا­تاي ۇلى اق­ساقال. كەشە ەلوردا جۇرت­شىلىعى وسى­دان ءبىر جەتى ۋاقىت بۇرىن ارۋ الما­تىدان ارقا توسىنە بەت العان اق­ساقالدى «ءباي­تە­رەك» مو­نۋ­مەنتىنىڭ ال­دىن­دا سال­تاناتتى جاع­داي­دا قارسى الىپ, سىي-سىيا­پاتتارىن كورسەتتى. جەتپىستىڭ جەلمايا­سى­نا مىنگەن ول جا­سىم كەلدى دەپ قاراپ وتىراتىندار قاتا­رىنان ەمەس. كۇنىنە 180-190 شاقىرىمدى ارت­­قا تاستاعان قاريا بۇل جولعا ايعا جۋىق دايىن­دالىپتى. – الماتىدان استاناعا ۆەلوسيپەدپەن جۇرۋدەگى ءۇش ماقساتىم بار. ءبىرىنشىسى, ارينە, استانا كۇنىنە وراي بولسا, ەكىنشىسى تاۋەلسىزدىگىمىزدىڭ 20 جىلدىعى, ال سوڭعىسى قازاقستاندى تورتكۇل دۇنيەگە تانىتۋدا ەرەن ەڭبەگىمەن ەرەكشەلەنگەن ەل­باسى نۇرسۇلتان نازارباەۆتىڭ تۋعان كۇنى قۇرمەتىنە تارتۋىم بولىپ تابىلادى,- دەيدى سالاماتتى سپورت­تى جانىنا سەرىك ەتكەن ايتەكەن اقساقال. سون­داي-اق, ول جۋرناليستەرگە جولاي كەزدەسكەن قي­ىن دا, قىزىقتى ءسات­تەر­دەن دە اڭگىمە ءوربىتتى. ماسەلەن, بال­حاشقا جەت­كەندە جەل سوعىپ, قيىر­شىق قۇم بورا­عان­نان از­داعان قو­لاي­سىز­دىقتار ورىن السا, جولدا تا­ماق­تاناتىن اس­حا­نالار­دىڭ از بولعانىن ­دا اي­تادى. الايدا, ول ۇلتتىق سۋ­سىنىمىز قى­مىز بەن قاسيەتتى قارا ناننىڭ ارقاسىندا بۇل قيىن­دىق­قا دا توسقاۋ­ىل قويا بىلگەن. قىتاي حالىق رەس­پۋب­لي­كاسىنىڭ كىنسۋار- قۇلجا قازاق وبلىسى, تارباعاتاي اۋدانى, ءدۇر­بىجىن اۋدانى, جىلان­تىل اۋىلىندا دۇنيەگە كەلگەن ا.باكاتاي ۇلى 2007 جىلى الماتى-ءۇرىمجى, ال 2008 جىلى تار­با­عاتاي-پەكين جەرلەرىن (بارلىعى 4300 شاقى­رىم) ءجۇرىپ وتكەن. ال­داعى ۋاقىتتا اقساقال بۇيىرتسا, 2012 جىلى لون­دوندا بايراعى كوتە­رىلەتىن ححح جازعى وليم­پيا­دا قارسا­ڭىندا سول جاققا ۆەلوسيپەدپەن ساپار شەگۋدى جوسپارلاپ وتىر. الدىنا وس­ىنداي ۇلكەن ماقسات قويعان قارياعا ساتتىلىك قاشاندا سەرىك بولعاي. قىزعالداق زۇلپىحارقىزى, ستۋدەنت.