فابيان مەن كرۋتويدىڭ ءان كەشى

كەشە كەشكە استانانىڭ ورتالىق كونتسەرت زالىندا قالا كۇنىنە ارنالعان مادەني شارالار شەڭبەرىندە لارا فابيان مەن يگور كرۋتويدىڭ ورىنداۋىندا «مادۋمۋازەل جيۆاگو» اتتى شوۋ-كونتسەرت بولدى. بۇل شىعارماشىلىق جوباداعى مۋزىكا كومپوزيتور يگور كرۋتويدىكى, ال ءانىن ورىنداعان لارا فابيان. ل.فابيان فرانكوتىلدەس ءانشى, بەلگيادا تۋعان, ءبى­راق قازىر كانادا ازا­مات­شاسى. الەمدىك ءتورت ءتىلدى مەڭ­گەرگەن. ول 14 جاسىنان بريۋس­سەلدىڭ كلۋبتارىندا ءان سالادى. مامانداردىڭ ايتۋىنا قارا­عاندا, الەم­دىك وتە سيرەك داۋىستاردىڭ بىرىنە يە, ونى ليريكالىق سوپرانوعا جاتقىزۋعا بو­لادى. اندەردى ورىندا­عان كەزدە ىسقىرا شىعاتىن ايرىقشا داۋىسى بار. ول الەمنىڭ كوپتەگەن ەلدە­رىنىڭ ساحناسىندا ءان ايت­قان. سوڭعى جىلدارى رەسەي ساحنالارىندا دا ءجيى كورىنىپ ءجۇر. 2011 جىلعى استانادا وتكەن قىسقى ازيادانىڭ اشىلۋ سال­تاناتىندا ءان شىرقاعان. ونىڭ رەسەيلىك كومپوزيتور يگور كرۋتويمەن ءبىر­گە دايىنداعان «مادۋمۋازەل جيۆاگو» شوۋ-كونتسەرتى العاش رەت 2010 جىلى رەسەيدىڭ كرەمل­دەگى كونتسەرت سا­رايىن­دا ورىن­دال­عان. سودان بەرى ءانشى مەن كومپوزيتور ارا­سىندا شى­عار­ما­شى­لىق وداق اجىرا­ماي كەلەدى. «دوكتور جيۆاگو» – الەمدىك ساحنا شەبەرلە­رى­نىڭ قول جەتپەس ارمانى بولىپ جۇرگەن شوۋلاردىڭ ءبىرى. فرانكوتىلدەس ءانشىنىڭ جان-جۇيەڭدى بوساتاتىن دا­ۋىسى كومپوزيتوردىڭ تاپ­قىر­لىعىمەن ۇيلە­سىپ, قان­داي تىڭدارماندى بولسا دا بەي-جاي قالدىر­مايدى. ايەل جانىنىڭ ەڭ تۇكپى­رىندە جاتقان ليري­كالىق ءۇن تىڭ­داۋشىلاردى ەرىكسىز تاڭىر­قاتىپ, مادۋمۋازەل جيۆا­گونىڭ وقيعا­سىنا بويلاتادى. بۇل شىعارماشىلىق وداقتىڭ قۇرىلۋىنا باس­تاماشى بولعان كومپوزيتور يگور كرۋتوي. ءوزىنىڭ ايتۋىنا قاراعاندا, ول فابيان­نىڭ ونەرىنە كوپ­تەن بەرى دەن قويادى ەكەن. يگور كرۋتويدىڭ ەسىمىن قازاقستاندىق جەڭىل مۋزىكا اۋەسقويلارى جاق­سى بىلەدى. ول – قازىر رەسەيدەگى ەڭ باي ساز­گەر­لەردىڭ ءبىرى. اتاقتى «مۋزتۆ» جانە باسقا دا بىرنەشە تەلەارنالار مەن راديوستانسالاردىڭ يەسى. ۇكىمەت تاراپىنان العان اتاقتارى دا ارىپتەستەرىنەن اناعۇرلىم كوپ. كەيبىر ماماندار لارا فابيانمەن شىعارماشىلىق وداق قۇرۋعا دا ونىڭ باقۋات­تىلىعى سەبەپ بولعان دەسەدى. جاسى الپىسقا جاقىن­داپ قالسا دا كومپوزيتور جاستار جۇرەگىنە جول تاباتىن جەڭىل مۋزىكا­لاردى شىعارۋدا ەشكىمگە دەس بەرمەي كەلەدى. ول ونداعان مۋزىكالىق حيت­تار­دىڭ اۆتورى. استانانىڭ انسۇيەر قاۋىمى كەشەگى كونتسەرتتەن ۇلكەن ءلاززات الدى دەپ ايتا الامىز. اسىرەسە, جاس اس­تانالىقتارعا ول قاتتى ۇناعانى كورىنىپ تۇردى. جاقسىباي سامرات.