مىڭجىلدىقتار توعىسىندا

استانا كۇنى مەرەكەسىنىڭ مادەني ءىس-شارالار باعدارلاماسى اياسىندا جىل سايىن ۇيىمداستىرىلىپ, بۇگىندە داستۇرگە اينالعان «مىڭجىلدىقتار توعىسىنداعى – استانا» اتتى كوش­پەن­­دىلەر وركەنيەتى فەستيۆالى وتۋدە. وسىمەن ءتورتىنشى رەت وتكىزىلىپ وتىر­عان ەتنواۋىل بيىل «حان شاتىر» ساۋدا, ويىن-ساۋىق كەشەنىنىڭ ماڭىندا ورنالا­سىپ, وندا 50-گە جۋىق كيىز ءۇي تىگىلدى. ولاردىڭ ىشىنە كوشپەندىلەردىڭ تۇرمىس­تىق زاتتارى, زەرگەرلىك بۇيىمدار, قولدان­بالى ونەر تۋىن­دىلارى, ساياتشىلىق جانە اڭشىلىق ونەر­دىڭ بۇيىمدارى قويىلعان. كوشپەندى حا­لىقتىڭ سوناۋ ساق زامانىنان كەلە جاتقان كيىم ۇلگىلەرى فەستيۆال قوناق­تارىنىڭ ەرەكشە قىزىعۋشىلىق­تارىن تۋعىزدى. ال ارنايى جاساقتالعان اۋىلدىڭ دايىندىق ساپاسى ۇلتتىق سالت-ءداستۇر مەن ىرىم-جورالاردىڭ كورسەتىلىم­دەرى مەن ەپوس كەشتەرى ارقىلى ەرەكشە ايقىندالىپ تۇردى. ءتورت كۇن بويى «حان شاتىرى» پىشىندەس ساحنادا ەتنيكالىق مۋزىكا مەن كۇي كەشتەرى ءبىر تولاستاعان جوق. ءبىر قىزىعى, اۋىلعا كەلگەن قوناقتار كوش­پەندىلەر ءومى­رىنە وزدەرى ارالاسىپ, وعان تىكەلەي قاتى­سۋعا مۇمكىندىك الدى. ماسەلەن, اتقا ءمىنىپ, ءۇي تىگۋ, كيىز باسۋ, قۇمىرا جاساۋ ۇدەرىستەرىنە ارالاسۋ­لارىنا تولىق جاعداي جاسالعان. ەۋ­رازيانىڭ جۇرەگىندە ورنالاس­قان اس­تانانى تاماشالاۋعا كەلگەن تۋريستەر مەن وزگە دە قوناقتاردىڭ قۇرمەتىنە ارنايى جولسەرىكتەر دايىندالعاندىعى تاعى بار. اۋىلعا كىرىپ كەلگەن قوناقتى قازاققا ءتان قوناقجايلىعىمەن, ەرەكشە سىي-قۇرمەتپەن قازاق, ورىس, اعىلشىن تىلدەرىندە حالقىمىزدىڭ تاريحى مەن مادە­نيەتى جايلى اڭگىمەلەپ بەرەتىن قىزدار مەن جىگىتتەر قارسى الىپ تۇردى. اۋىل ءىشى, ودان وزگە قازاقتىڭ قىز ۇزاتۋ, بەتاشار, تۇساۋ كەسۋ, شاشۋ, بەسىككە سالۋ سالت-داستۇرلەرىن, قازاقتىڭ ەجەلگى ۇلتتىق كيىمدەرىمەن تانىستىراتىن تەاتر­لان­دىرىلعان قويىلىمداردى, ايتىس پەن كوشپەلى تسيرك ونەرىن تاماشالاۋعا دا با­رىنشا جاعداي جا­سالعان. بۇل جونىندە وسى شارانىڭ ستسەناريىن جازعان گۇل­ميرا سالىق­باەۆا استانا كۇنىنە وراي ۇيىم­داس­تىرى­لاتىن مەرەكەلىك شارالار قا­زاقستان تاۋەل­سىز­دى­گىنىڭ 20 جىلدى­عىن دا قامتىعان­دىعىن اتاپ كورسەت­تى. «ەرەۋىل اتقا ەر سالماي» دەپ اتا­لا­تىن فەستيۆالدىڭ ال­­عاشقى كۇنى وتكەن ۇلت-ازاتتىق كۇرەسى جولىنداعى قو­يى­لىم­دار تاقىرىپ ايا­سىن تولىعىمەن قام­­تىعان. كوش­پەن­دىلەر وركەنيەتى فەس­تيۆالىنىڭ اشىلۋ سالتاناتىن گولليۆۋد كينوجۇل­دىز­دارى مەن كوپتەگەن شەت ەلدەردەن كەلگەن قوناقتار تاما­شالادى. شەتەلدىك قوناقتاردىڭ اراسىندا رەسەيلىك بوكس­شى نيكولاي ۆالۋەۆ, گولليۆۋد جۇلدىز­دارىنان «وديسسەي» ءفيلمىنىڭ باستى ءرو­لىن سومداعان ارماند اسسانتە, ستيۆەن سيگال, مايكل مادسەن, ميشەل رودريگەس, رەسەيلىك كينوجۇلدىزدار سەرگەي سۆەتلاكوۆ سىندى قوناقتار بار. ۇلتتىق مادەنيەت پەن ءداستۇردى ناسيحاتتاۋعا ارنالعان شارا باع­دارلاماسى وتە مازمۇندى ءارى جان-جاقتى قامتىلعان. بۇل جەردەن فەستيۆال كو­رەرمەندەرى ءتول تاريحىمىزعا ءبىر ءسات وي جۇگىرتىپ, ۇلتتىق مادەنيەتتەن سۋسىنداي الادى. استانانىڭ تورىنە تىگىلگەن اق كيىز ۇيلەر قالاشىعى كوشپەندىلەر ومىرىنەن التىنشى شىلدەنىڭ ىمىرت قاراڭعىسىنا دەيىن سىر شەرتپەك. جۇلدىز ءبايدىلدا.