قالتقىسىز كوڭىل, جاقسارعان ءومىر

ەلىمىز ەگەمەندىك العالى تاۋەل­سىزدىك تۇعىرى بەكىپ, ەكونوميكالىق جاعدايىمىز جىل سايىن جاقسارىپ, تۇرمىسىمىز تۇزەلىپ كەلەدى. ەلباسى نۇرسۇلتان نازارباەۆتىڭ ەگەمەندىك­تىڭ ەلەڭ-الاڭىندا: «الدىمەن ەكونو­ميكا, سودان كەيىن بارىپ ساياسات», دەگەن سارابدال ساياساتى مەن ۇلاعاتتى ۇستا­نى­مى ءوز جەمىسىن بەرىپ وتىرعا­نىن بارشا قازاقستاندىق ايقىن سەزىنۋدە. سونىڭ ناتيجەسىندە ەل ەكونو­مي­كاسى الەمدىك قارجى داعدارىسى جاع­دا­يىن­دا دا ىلگەرىلەۋدىڭ ىلكىمدى قا­دامدارىن جاساۋدا. ەلباسى حالىق­تىڭ از قام­تىلعان توبىن الەۋمەتتىك قورعاۋعا ايرىقشا كوڭىل ءبولىپ ءجۇر. سونداي-اق, زەينەتاقى مەن شاكىرتا­قىنى, بيۋدجەتتىك مەكەمە قىزمەتكەر­لەرىنىڭ ەڭ­بەكاقىسىن تۇراقتى ءوسىرۋدى جۇيەلى جۇرگىزۋدە. بۇل حالىقتىڭ ەر­تەڭگى كۇن­گە دەگەن سەنىمىن نىعاي­تىپ, تۇرمىسى تۇزەلۋىنە, دەنساۋلىعى مىق­تى ۇرپاق وسىرۋىنە العىشارت جاساۋدا. بۇرىنعى تمد ەلدەرى اراسىندا بىردە-ءبىر مەم­لەكەتتىڭ باسشىسى نۇرسۇلتان ءابىش ۇلى سياقتى مۇنداي الەۋمەتتىك جاعداي جاساي الماي وتىرعانى شىن­دىق. مۇنى ءبىز ۇستازدار قاۋىمى دا ايقىن سەزىنۋدەمىز. ەلباسى بيىلعى قازاقستان حال­قىنا جولداۋىندا «ءۇستى­مىزدەگى جىلى ءبىز زەي­نەت­اقىلار مەن ستيپەنديالار كولە­مىن, بيۋدجەتتىك سالا قىزمەت­كەرلەرىنىڭ ەڭبەكاقىلارىن 30 پايىزعا وسىرەمىز» دەگەن بولاتىن. ءسوزى مەن ىسىندە الشاق­تىق بولمايتىن ەلباسى ۋادەسىندە تۇردى. ءبىز الەمدىك قارجى داعدارى­سى­نان تولىق شىعىپ بولماعان جاعدايدا وسىنداي الەۋمەت­تىك قولداۋ جاساپ وتىرعان ەلباسىنىڭ تەگەۋرىندى ءىس-ارەكەتىنە ريزامىز. بۇ­رىنعى جىل­دارى ولاردى 25 پايىزعا عانا ۇل­عايتىپ كەلگەن ۇكىمەتتىڭ مۇن­داي قادامعا بارۋى نۇرسۇلتان ءابىش­ ۇلى­نىڭ نەبىر الەمدىك دەڭگەيدەگى وزەكتى ماسەلەلەردى وزىندىك وي-تۇجى­رىممەن شەشەتىنىنىڭ دالەلى بولسا كەرەك. مىڭداعان ادامدار مەن وتباسى­لارى وسى قالتقىسىز قامقور­لىق­تىڭ يگىلىگىن كورۋدە. ەلىمىزدىڭ ەرتەڭى بۇگىنگى مەكتەپ قابىرعاسىندا ءبىلىم الىپ, تاربيە­لەنىپ جاتقان بالالار ەكەنى بەلگىلى. ال, ءبىلىم نەگىزى باستاۋىش سىنىپتاردا قالانا­تى­نى دا شىندىق. سوندىقتان دا مۇعا­لىمگە ۇلكەن جاۋاپكەرشىلىك جۇكتەلەدى. مەن ءوزىم ۇستازدار وتبا­سىندا وسكەن­دىكتەن, مۇعالىمدىك مامان­دىقتى تاڭدا­دىم. وعان قازىر ەشقان­داي وكىنبەيمىن. ون ءتورت جىلدان بەرى باستاۋىش سى­نىپتاردى وقىتامىن, جوعارى ساناتتى مۇعا­لىممىن. قازىرگى الىپ جۇرگەن ەڭبەك­اقىمىز دا سالىس­تىرا قاراعاندا, جەرگە قارايتىنداي ەمەس, شۇكىرشىلىك بولا­تىن. ەندى وعان شىلدەدەن باستاپ 30 پايىز قوسىلدى. بۇل ەلباسىنىڭ ۇستاز­دار­دىڭ, دارىگەر­لەر­دىڭ, باسقا دا بيۋدجەتتىك سالا قىزمەت­كەرلەرىنىڭ ەڭبەگىن باعالاۋ دەپ بىلەمىن. بىزگە الاڭسىز جۇ­مىس ىستەۋگە بارلىق جاعداي جاسالۋدا. ءبىزدىڭ وبلىستا بۇدان باسقا دا ىنتالاندىرۋ شارالارى جۇزەگە اسى­رى­لىپ كەلەدى. جىل سايىن 500 مۇعا­لىمگە 100 مىڭ تەڭگە كولەمىندە وبلىس اكى­مىنىڭ اقشالاي سىيلىعى بەرىلەدى. بيىل شاكىرتتەرىم ءۇشىنشى سىنىپتى اياقتادى. ەندى وسى وبلىس اكىمىنىڭ سىيلىعى ءۇشىن بايقاۋعا قاتىسۋعا دايىندالىپ جا­تىر­مىن. وسىنداي الەمدىك قارجى داعدارىسى ەتەكتەن تارت­قان كۇردەلى كەزەڭدە دە ەڭبەك­اقىمىزدى 30 پايىز وسىرۋگە دەم بەرگەن پرەزيدەنتىمىز نۇرسۇلتان ءابىش ۇلىنا العىستان باسقا اي­تارىمىز جوق. مۇنىڭ ءوزى بىزدەن ءوزىمىز ەڭبەك ەتىپ جاتقان سالادا ىزدەنىسپەن جۇمىس ىستەۋدى تالاپ ەتەدى, ءبىلىمدى دە سانالى شاكىرت تاربيەلەۋگە مىندەتتەيدى. بۇل ءبىر عانا مەنىڭ پىكىرىم ەمەس, مىڭداعان ارىپتەستەرىمنىڭ اقجارىلقاپ تىلەگى ەكەنى ءسوزسىز. جانارگۇل ماعزىموۆا, № 40 قازاق ورتا مەكتەبىنىڭ مۇعالىمى. اقتوبە.