ءسىزدى ەرەكشە جاقسى كورەمىز!

مەن ءوز ومىرىمدە ەلباسىنا, پرەزيدەنتكە حات جازامىن دەپ ويلاپ كور­مەگەن ەدىم. بىراق, ادام بولعان سوڭ, تۇيىققا تىرەلىپ, الدىڭنان قيىن­دىقتار, كەدەرگىلەر كەزدەسەتىن جاعداي­لار بولادى عوي. بىزگە, كاسىپكەرلەرگە تەك جۇمىس جاساۋ كەرەك, ەلىمىزدىڭ  دامۋىنا ءوز ۇلەسىمىزدى قوسىپ وسى سا­لانى دامىتقىمىز كەلەدى. شىنىن ايتۋ كەرەك, كەدەرگىلەر از ەمەس. مى­سا­لى, ءوز باسىمنان قازىر سونداي جاعداي وتۋدە. قاشىر اۋدانى ورتالىعىنداعى استىق ساقتايتىن كەشەندى ساتىپ الىپ, بيداي وسىرەتىن جەرگىلىكتى جەردەگى شارۋا قوجالىقتارىمەن  2004  جىلدان باس­تاپ جاقسى جۇمىس  جاساپ كەلە جا­تىر ەدىك. بىلتىرلارى كۇتپەگەن جەر­دەن با­سىم داۋعا قالدى. جەكە كاسىپ­ورىن­نىڭ جۇمىس جاساۋىنا بوگەت جاساپ, رەتى كەلسە, تارتىپ العىلارى كەلگەن جەرگىلىكتى جەردەگى كەيبىر باس­شى­لار­مەن, قۇقىق قورعاۋ ورىن­دارى­نىڭ زاڭسىز ارەكەتتەرىنەن كوز اشا الماي قالدىم. سودان امال جوق, ءوز ءىسىم­نىڭ اق­تىعى مەن ادالدىعىن دالەلدەۋ ءۇشىن ەلبا­سىنا «بيزنەستى قورعاۋ» سايت جۇيەسى ارقىلى حات جازدىم. وسى­دان كەيىن-اق, مەملەكەت باسشىسى بەرگەن تاپسىرما­عا وراي كاسىپورىن جۇ­مى­سى­نا, وزىمە توسقاۋىل  قويماق بول­عان­­دار­عا شارا قولدانىلدى. ءبىر تى­نىس­تاپ, ەركىندەپ قالدىم. راحمەت, سىزگە! قۇ­قىق قورعاۋ ورىندارى ەندى جۇ­مىس جا­ساۋىما تى­نىشتىق بەرەر دەپ ويلاي­مىن. كاسىپ­كەرلەر سىزگە سەنەدى. ءسىزدىڭ سەنىمىڭىزدى اقتاۋعا  دايىن­­بىز. قۇر­مەت­تى ەلباسى,  ءسىزدى شىن جۇرەك­تەن جاقسى كورەمىز! ءوزىڭىز ىرگەسىن قا­لا­عان استانامەن بىرگە جاساي بەرىڭىز. قانات شايكەنوۆ, «اگروترەيد» جشس ديرەكتورى. پاۆلودار وبلىسى.