فورۋمعا قاتىسۋشىلار لەبىزى

بوريس يانچەۆ, بولگاريا ەلشىلىگىنىڭ ساۋدا-ەكونوميكالىق سۇراقتار قىزمەتىنىڭ باسشىسى, كەڭەسشى. ءىى اstana مining & مetallurgy اتتى 2-ءشى حالىقارالىق تاۋ-كەن مەتاللۋرگيا كونگرەسىنىڭ سۇحبات الاڭى ءبىز ءۇشىن وتە پايدالى بولىپ وتىر. بۇل الاڭ تاۋ-كەن ءوندىرۋشى سالاسىن دامىتۋعا, سترا­­تەگيالىق جەلىلەر تۋرالى اقپارات الماسۋعا تاپ­تىرماس جەر. فورۋم تاۋ-كەن سالاسىنداعى ستراتە­گيا­لىق ۆەك­تورلاردى تالقىلاۋ ءۇشىن بارۋعا تۇرارلىقتاي ماڭىزدى وقيعا دەپ ايتا الامىن. شاراعا تەك شاقىرۋمەن ەمەس, ءوز باستاماممەن دە كەلىپ, قاتىسىپ ءجۇرمىن. ويتكەنى ءوز ەلىمىزدە دە وسى سالانى جاڭا دەڭگەيگە كوتەرۋگە, دامىتۋعا كۇش سالۋدامىز. وكىنىشكە قاراي, بىزدە بۇل سالا داعدارىس كۇيىندە, «اقساڭقىراپ» تۇر. نۇراحمەت بيجانوۆ, «قازاقمىس» وقۋ سالاسى باسقارماسىنىڭ باستىعى. فورۋمعا ءبىزدىڭ كوپ جۇمىسكەرلەر كەلدى. ال مەن وقۋ سالاسىنان كەلدىم. ءبىز فورۋمنىڭ ەكىنشى كۇنى دوڭگەلەك ۇستەل وتكىزىپ, تاۋ-كەن ىسىندە ەڭبەك ەتەتىن جاس مامانداردى وقىتۋ, دايارلاۋ تاقىرىبىندا اڭگىمەلەسپەكپىز. كەن-تاۋ ءوندىرى­سىنىڭ كەلەشەگى مول. ونى دامىتۋ ءۇشىن مىس سا­لا­سىندا ءبىز دە ەڭبەك ەتىپ جاتىرمىز. اتاپ ايتساق, «قا­زاقمىس» كومپانياسى اياسىندا ماماندار دا­يىندايتىن ەكى كوللەدج اشتىق. ال مىنا فورۋمعا كەلسەك, جاقسى باياندامالار جاسالىپ جاتىر. تەك ەلىمىزدىڭ عانا ەمەس, الەمدىك دەڭگەيدەگى پىكىرلەرمەن دە تانىس بولىپ جاتىرمىز. بۇل تاجىريبە الۋىمىزعا وتە قاجەت. ەكىنشىدەن, تاۋ-كەن سالاسىنداعى ارىپتەستىك بايلانىستى نى­عايتامىز. جاڭا ماماندارمەن تانىسۋ ارقىلى بايلانىس قۇرامىز. ولاردىڭ ۇلگىلى جۇمىستارىمەن تاجىريبە الماسامىز. ولەگ سوسكوۆەتس, رف ساۋدا-وندىرىستىك توبى اسسوتسياتسياسىنىڭ پرەزيدەنتى, كەڭەس توراعاسى. ەكونوميكا سالاسىنداعى مۇنداي باسقوسۋلاردىڭ رەسۋرستارى كوپ شاعىن مەملەكەتتەر ءۇشىن پايداسى زور, ءويت­كەنى ول رەسۋرستاردىڭ بارلىعىن وزىنە سىڭىرە المايدى دا سىرتپەن جۇمىس ىستەمەسە ەكونوميكاسى توقىراۋعا تۇسەدى. ياعني, توقتاۋعا اكەلەدى. سوندىقتان, قاي جاعى­نان الىپ قاراساڭىز دا فورۋم جۇمىسى قازاقستان ءۇشىن وتە پايدالى بولماق. رەسەي مەن قازاقستان سەكىلدى ەلدەر تاۋ-كەن ءوندىرىسى سالاسىندا ساياساتتى بىرىگىپ جۇرگىزگەنى ابزال. سەبەبى, ەۋروپا وداعىنىڭ ۇستانعان ساياساتى ەلدەرىمىزدەن تەك قانا شيكىزاتتى اكەتىپ, دايىن تاۋاردى ساتۋ. ال ءبىزدىڭ تەرەڭدەتىپ ءوڭ­دەۋى­مىزگە, ۇقساتۋىمىزعا ولار بارىنشا كەدەرگى قويا­دى. جوعارى تەحنولوگيالىق ءوندىرىستى يگەرە قويماعان رەسەي قازاقستان سەكىلدى مەملەكەتتەرگە بىرىگىپ ساياسات جۇرگىزگەن پايدالىراق بولىپ وتىر.