ەلدى قالاي باسقارۋدىڭ, قانداي جولمەن ءجۇرۋدىڭ ۇلگىسى

مەملەكەت باسشىسى نۇر­سۇل­تان نازارباەۆ قىرعىز رەس­پۋب­لي­كاسىنىڭ پرەمەر-ءمينيسترى المازبەك اتامباەۆتى قابىل­دا­دى, دەپ حابارلادى قازاقستان رەسپۋبليكاسى پرەزيدەنتىنىڭ باس­پاسوز قىزمەتى. كەزدەسۋ بارىسىندا بىرقاتار ەكىجاقتى ىنتىماقتاستىق ماسە­لەلەرى تالقىلاندى. – نۇرسۇلتان نازارباەۆپەن كەزدەسۋ وتە جاقسى ءوتتى. مەن اقي­قاتىندا باۋىرلاستىق جانە ءار­دايىم بارىنشا كومەك كورسەتۋگە دايىن نيەتتەگى قابىلداۋدى كور­دىم. ءبىز ارقاشان قازاقستاننىڭ, قازاقستان پرەزيدەنتىنىڭ – قۇر­مەتتى نۇرسۇلتان ءابىش ۇلى نازار­باەۆتىڭ باۋىرلاستىعىنا ارقا سۇيەپ كەلەمىز. ءبىزدىڭ ارامىزدا جاقسى قارىم-قاتىناستار قالىپ­تاسقان. قازاقستان پرەزيدەنتىنەن ۇيرەنەرىمىز كوپ. مەن پرەزيدەنت تاڭداۋدا قازاقستاننىڭ وتە جولى بولعانىن ءجيى ايتاتىنىمدى جا­سىر­عىم كەلمەيدى. بۇعان استانا قالاسى دالەل بولىپ تابىلادى. بۇدان ءتورت جىل بۇرىن مەن وس­ىندا پرەمەر-مينيستر رەتىندە كەلدىم جانە قازاقستاننىڭ ۇكىمەت باسشىسى كارىم ماسىموۆپەن بىرگە استانانىڭ دامۋ ماكەتىن قارا­دىق. ول كەزدە كوپتەگەن عيمارات­تار بولماعان ەدى. ول ۋاقىتتا وسىنىڭ ءبارى ماعان قيال سياقتى كورىنگەن. بۇگىن كارىم قاجىم­قان­ ۇلىمەن ءبىر­گە قالانى ارالادىق, وسى عي­ماراتتاردىڭ بوي كوتەر­گەنىنە كۋا بولدىم. مەن وسىنىڭ ءبارى ارمان, ءتىپتى قيال بولىپ كورىنگەنىمەن, ەندى شىندىققا اي­نالىپ, قازاقستان ومىرىندە ىسكە اسقانىنا كوز جەتكىزدىم. ارينە, مەن قازاقستان حالقى باسشىسىن تاڭداعاندا وتە جولى بولعان دەپ سانايمىن. قىرعىز­ستان مەن قا­زاق­ستان اراسىنداعى قارىم-قاتى­ناستار جاڭا ساتىعا كو­تەرىلدى. بۇل – ناعىز شىنايى جانە دوس­تىق قارىم-قاتىناستار. وسى اي­دىڭ ىشىندە بىزگە, بىشكەككە قا­زاقستان پرەمەر-ءمينيسترى باس­تاعان دەلەگاتسيا كەلەدى, قازاق­ستان مەن قىرعىزستان اراسىن­دا­عى ءوز­ارا ينتەگراتسيانى العا اپارۋ, ءوزارا ىنتىماقتاستىقتى ودان ءارى دامىتۋ تۋرالى بىرقاتار وتە ما­ڭىزدى قۇجاتتارعا قول قويى­لاتىن بولادى. سىزدەردىڭ ەلدە­رى­ڭىز ور­تا­لىق ازياداعى تۇراقتى­لىقتىڭ وزەگى بولىپ تابىلادى. بۇل ەلدى قالاي باسقارۋدىڭ, ەلدىڭ قانداي جولمەن ءجۇرۋ كەرەكتىگىنىڭ ۇلگىسى, – دەدى ا.اتامباەۆ جۋرناليستەرگە ارنالعان بريفينگتە. ----------------------------------------- سۋرەتتەردى تۇسىرگەندەر س.بوندارەنكو, ب.وتارباەۆ.