تاسقىننان سوڭ...

بيىلعى كوكتەمدەگى جويقىن تاسقىن سۋدان كەيىنگى اقجايىق­تىڭ بۇگىنگى تىنىس-تىرشىلىگى قان­داي ەكەن دەگەن ساۋال وقىرمان­داردى سەلقوس قالدىرا الماسا كەرەك. ءيا, بۇگىندە مۇندا تابيعات اپاتى كەلتىرگەن وراسان مول شى­عىننىڭ ورنىن تولتىرۋ جۇمىس­تارى جۇرگىزىلۋدە. سونىڭ ايقىن ءبىر دالەلى ورال قالاسىندا جانە تاسقالا, زەلەنوۆ اۋداندا­رىن­دا كە­ڭىنەن قارقىن العان قۇرىلىس دەر ەدىك. بۇعان تەك جەرگىلىكتى مەردىگەرلەر تارتىلعان. وبلىس ور­تالىعىندا بۇگىنگى كۇنى ات­قارىلعان قۇرىلىس جۇمىستا­رى­نىڭ كولەمى 20-30 پايىز ءتو­ڭىرە­گىندە. ماقسات – الداعى جىلىتۋ ماۋسىمىنا دەيىن جاڭادان تۇرعى­زىلعان ۇيلەردى پاي­دالانۋعا بەرۋ. بۇعان دەيىن حابارلانعانىنداي, ورال وڭىرىندە بوي كوتەرەتىن قۇ­رىلىس جۇمىستارى ءۇشىن ۇكىمەت تاراپىنان جەتكىلىكتى جەرگە قارا­جات بولىنگەن. بۇگىنگى مىندەت ونى ءتيىمدى, ۇقىپتى ءارى ۇنەمدى تۇردە پايدالانۋ بولماق. وسى ورايدا وب­لىستا ورىن العان بيىلعى كۇر­دەلى جاعداي مۇندا قۇرىلىس يندۋس­ترياسىنىڭ دا تەزىرەك دا­مۋىنا ال­عىشارت قالادى دەپ اي­تۋعا بولادى. وسىلايشا قازىرگى قۇرىلىسقا جەرگىلىكتى تەمىر-بەتون بۇيىمدارى, پليتالار مەن بلوكتار پايدالا­نىلۋ­دا. قۇرىلىستى جۇرگى­زىپ جات­قان كەيبىر كومپانيا­لاردىڭ بۇل ماتەريالداردى وزدەرى ءوندى­رەتىنى دە ايتۋعا تۇرارلىق ماسەلە. سونداي-اق ءۇي قابىرعا­لا­رىن قالاۋعا قاجەتتى كىرپىش تە وبلىس ورتالى­عىندا شى­عارىلادى. سونىمەن بىرگە مۇنداعى پولي­ەتيلەن قۇبىرلارى زاۋىتى ۇجى­­مىنىڭ دا مەردىگەرلەرگە تيگىزىپ وتىرعان پايداسى مول. الايدا اتالعان ماسەلەدە كەيبىر كىدىرىستەر دە جوق ەمەس. اي­تالىق, قۇرىلىسقا اسا قاجەتتى ماتەريال­دىڭ ءبىرى – تسەمەنت دەسەك, ول ورالدا وندىرىلمەيدى. ونىڭ قاراعاندى ءجا­نە شىمكەنت تسەمەنت زاۋىتتارى­نان تاسىمالداپ جەتكىزۋ ۇزاق ۋاقىت پەن قوسىمشا شىعىندى قاجەت ەتۋدە. ال وبلىس اۋماعىمەن ىرگەلەس قونىس­تانعان رەسەيدەگى «ۆولسكي» تسەمەنت زا­ۋىتى ءوز ونىمدەرىنىڭ باعا­سىن وتىز پايىزعا دەيىن ءوسىرىپ جىبەرگەن. تاعى ءبىر جاعدايدا كورشىلەس وبلىستاردان قيىرشىق تاس تيەپ جەتكىزەتىن ۆاگوندار جەتىسپەيدى. وسى­لايشا اتالعان ماسەلەلەرگە ۇكى­مەتتىڭ نازار اۋدارۋ قاجەت­تىلىگى اڭعارىلادى. وبلىستا تاسقىن سۋ زاردابى­نان ب ۇلىنگەن ۇيلەرگە كۇردەلى ءجون­دەۋلەر جۇرگىزۋگە قاجەتتى قا­راجات كوزدەرى دە تابىلدى. بۇل جونىندە ورال قالالىق جانە باتىس قازاق­ستان وبلىستىق ءماس­ليحاتتارىنىڭ سەسسيالارى ءتيىستى شەشىمدەر قابىل­دادى. اقجايىق­تا تۇرعىن ۇيلەرگە قوسا الەۋمەت­تىك-تۇرمىستىق نىسان­دار قۇرى­لىس­تارى دا قوسا قانات جايۋدا. 1200 وقۋشىعا ارنالعان جاڭا مەكتەپ قۇرىلىسى كەستەگە ساي ءجۇ­رۋدە. ارقايسىسى 290 ورىندىق قوس بالاباقشانىڭ قۇرىلىسى ءجو­نىندە دە وسىلاي دەۋگە بولادى. زەلەنوۆ اۋدانىنىڭ ورتا­لىعى پەرەمەتنىي كەنتىندە تۇر­عى­زىلىپ جاتقان ءۇي­لەر­دىڭ جانى­نان سپورت الاڭدارى مەن ساۋدا ۇيلەرىن قوسا سالۋ جو­بالانعان. ەڭ باستىسى مۇندا ۇلكەن ساياباق قۇرىلىسىنىڭ ءبىر مەزگىلدە قولعا الىنعانى بولا­شاق تۇرعىن­داردى ۇلكەن قۋانىشقا كەنەلتۋدە. سايا­باققا جەرگىلىكتى جاع­داي مەن كليماتقا بەيىمدەلگەن كوشەتتەر مەن اعاشتار وتىرعىزىل­ماق. شا­عىن دا ىقشام بالالار قالاشىعى دا ساياباقتىڭ كورنەكى جەرىنەن ورىن تەپپەك. سونداي-اق وسى ارادان پوشتا بولىمشەسى مەن ءدارى­حانا عيماراتى دا بوي كوتەرمەك. قىسقاسى, بۇگىندە باتىس­قازاق­ستان­دىقتاردىڭ جۇزدەرى جارقىن, ەڭسەلەرى بيىك. ولار بيىلعى كوك­تەمدە باستارىنا ۇلكەن قيىندىق تۇسكەن كەزدە باعا جەتپەس قولداۋ كورسەتكەن مەملەكەت باسشىسى نۇر­سۇلتان نازارباەۆ پەن رەسپۋبليكا ۇكىمەتىنە شىنايى ريزا­شىلىق سەزىمدەرىن ءبىلدىرىپ وتىر. بۇگىندە وبلىستىڭ سۋ تاسقىنىنا ۇشىراعان ايماقتارىندا قونىس تەپكەن الىپ قۇرىلىس الاڭدارى مەن كوككە موي­نىن سوزعان سانسىز كراندار – سول قولداۋدىڭ كورىنىسى. تەمىر قۇسايىن. باتىس قازاقستان وبلىسى.