05 شىلدە، 2011

پرەمەر-ليگا: اۋىس-تۇيىستەر

216 رەت كورسەتىلدى
قازىر ەۋروپا ەلدەرىندە فۋتبول چەمپيوناتتارى باستالا قويعان جوق. ەسەسىنە قازاقستاننىڭ پرەمەر-ليگاسىنداعى ويىندار قىزا تۇسۋدە. سوڭعى كۇندەرى كوماندالار­دىڭ كوبى اۋىس-تۇيىستەر جاساپ، قاتار­لارىن ءبىرشاما كۇشەيتىپ الۋعا با­رىن سالىپ جاتىر. «استانا» كو­مان­داسىنا «ەرتىستەن» قور­عاۋشى ماك­سيم جالماعام­بەتوۆ، اناتولي دوروش، وسى كەزگە دەيىن يز­رايلدىڭ «ماككابي پ-ت» كلۋبىن­دا ويناعان سەرب نەبويشا مارينكوۆيچ كەلدى. وسىلاردىڭ ىشىندە دوروشقا توقتالار بولساق، ول – مولدوۆا قۇراماسىنىڭ 28 جاستا­عى فور­ۆاردى. وسى كەزگە دەيىن بۇل فۋتبولشى پرەمەر-ليگادا 15 ويىن وتكىزىپ، 4 گولدىڭ اۆتورى اتاندى. سول سياقتى قازاقستان كۋ­بوگى ءۇشىن بولعان ماتچتاردا تاعى 3 دوپ سوقتى. ال «استانادان» «شاح­تەرگە» الەكساندر كيروۆ، دميتري شومكو، يۆان شەۆچەنكو مەن ۇلان قونىسباەۆ اۋىستى. كيروۆ وسى كەزگە دەيىن ەلىمىزدەگى 8 كوماندانىڭ جەيدەسىن اۋىستىرىپ ۇلگەرىپتى. 26 جاس­تاعى ويىنشى بيىلعى ماۋ­سىمدا استانالىقتار قاتارىندا 8 رەت الاڭعا شىقسا، 12 رەت قازاق­ستان قۇراماسىندا وينا­عان. ال سوڭ­عى ۇشەۋى قاراعا­ن­دىلىق كو­مان­داعا جالدىق نەگىزدە بەرىلدى. «اقتوبەنىڭ» قاتارىن قى­زىل­وردادان قاقپاشى ارسلان ساتى­بالدين مەن سەرب ۆلاديمير دجيلاس تولىقتىردى. دجيلاس سەربيا­نىڭ «ياگودينا» كلۋبىن­دا وينا­عان. كوماندادان الان بونو، دانيار مۇ­قانوۆ، سەرگەي بويچەنكو، يسپان حۋان بەزارەس كەتۋگە شەشىم قا­بىل­­دادى. بيىل­عى چەمپيوناتتا جاق­سى ويىن ورنەگىن كورسەتىپ ءجۇر­گەن تالدى­قورعاننىڭ «جەتىسۋ» كو­مانداسى دا قاتارىن مىقتى ويىن­شى­لارمەن تولىقتىرۋدى ماق­سات ەتۋدە. جاقىندا «جەتى­سۋ­عا» سەر­­بيا­لىق جارتىلاي قور­عاۋ­شى ماركو دجالوۆيچ كەلدى. ال سلو­ۆە­نيالىق داركو كرەمەنوۆيچ كلۋب اۋىستى­رۋعا ءماجبۇر بولدى. «شاحتەرگە» «استانادان» اۋىس­قان ءتورت ويىن­شىمەن بىرگە «سۆەتكاۆيستا» (بولگاريا) كلۋبى­نىڭ شا­بۋىلشىسى ۆاسيل كالويانوۆ كەلدى. ال كوماندادان «ۆوس­­توكقا» جال­دىق نەگىزدە ۆياچەسلاۆ ەربەس اۋىس­سا، دانيار جانكين، جانداسىل رىمحان، مارعۇلان ەرىكوۆ سياقتى ويىنشىلار ءبىرجولاتا كەتتى. پاۆلودارلىق كوماندانىڭ باس­شىلارى قورعاۋشى ماكسيم جال­ما­عام­بەتوۆتىڭ «استانا» كلۋبى­نا اۋى­سىپ كەتۋىنە بايلانىستى قور­عانىس شەبىندە ورىن العان ول­قى­لىقتى سلوۆەن فۋتبولشىسى ماركو بالاجيچپەن تولتىرۋعا شەشىم قابىلدادى. بويى 194 سم. كەلەتىن بۇل قورعاۋشى جات­تىق­­تىرۋ­شىلار نازارىنا قىسقى سۇ­رىپ­تاۋ كەزىندە ىلىككەن ەكەن. بىراق جەمە-جەمگە كەلگەندە، ولار لەگيونەرلەر ءۇشىن قالعان جالعىز ۆاكانسيانى مولدوۆان اناتولي دوروشقا پاي­دالانعاندى ءجون كورىپتى. ءسوي­تە تۇرا، كوماندانىڭ باس جات­تىق­تىرۋشىسى تال­عات بايسۋفينوۆ سودان بەرى سلوۆەن جىگىتىن ۇدايى باقىلاۋىندا ۇستاپ وتىرىپتى. ەندى مۇمكىندىك تۋعان بوي­دا ونى قاتارعا شاقىرعان. كوماندا تاعى «ورداباسىداعى» ۇلىقبەك با­كاەۆپەن جانە «توبىلداعى» الەكسەي داناەۆپەن كەلىسىم-شارت جاساستى. ال «ورداباسىنىڭ» ساپى «تار­لان­نىڭ» ەكى ويىنشىسى بەكزات بەيسەنوۆ جانە ماردان تولەبەك­پەن تولىقتى. بىلتىرعى ەل چەمپيونى «تو­بىلعا» رەسەيلىك باس باپكەر سەرگەي پەترەنكومەن بىرگە مولدوۆا­نىڭ «راپيد» كلۋبىنان ماكسيم فرانتسۋز، دميتري بوگدان («قاي­سار») مەن باۋىرجان جولشيەۆ («اتى­راۋ») كەلدى. سول سياقتى «اتى­راۋ­دىڭ» بۇرىن­عى ويىنشى­سى ۆلاديمير ياكوۆلەۆ، دانيلو بەليچ («استانا»)، يۆان مانچە («ماككابي پ-ت»، يزرايل) مەن ميلوش اداموۆيچ («شەريف»، مول­دوۆا) «تاراز» ءۇشىن ويناۋعا كەلىسىم بەردى. «اتىراۋدىڭ قاتارى دا بىرنەشە ويىنشىمەن تولىق­قانىن اتاپ ءوتۋ­گە بولادى. «تارازدا» ونەر كورسەت­كەن باۋىر­جان باي­تانا، ۆلاديمير سيدەلنيكوۆ («ۆوستوك»)، دانيار مۇ­قانوۆ («اق­توبە»)، سانات شالەكەنوۆ («اقجايىق»)، ولەگ سابيروۆپەن بىرگە كۋۆەيتتىڭ «ءال-سال­ميا» كلۋبىنان گوللاند سيلۆيو كومۆاليۋس اۋىستى. الماتىنىڭ «قاي­را­تى» دا قا­تا­رىن كۇشەيتۋگە ۇمتىلۋ ۇستىندە. اعىلشىن باپكەرى دجون گرە­گوري كومانداعا وزىمەن بىرگە برا­زي­ليالىق جوزە تادەۋ مارتينس، يزرايلدىك يوسسي شەكەل مەن «ەرتىستەن» الەك­سەي شاكيندى الىپ كەلدى. ال تيمۋر بايجانوۆ «قاي­ساردىڭ» قاناسىنا شاق كەلدى. تاياۋدا عانا پاۆلوداردىڭ «ەرتىسىنەن» سىر بويىنداعى باس قالا كومان­دا­سىنا اۋىسىپ كەلگەن تي­مۋر بايجانوۆ ەسىمدى جاس فۋت­بولشى العاشقى ويى­نىنان جات­تىقتىرۋشىلاردىڭ دا، جان­كۇ­يەر­لەردىڭ دە كوڭىلىنەن شىق­تى. ول ءوزىنىڭ بۇرىنعى كومان­دا­سى­مەن ويىننىڭ العاشقى مينۋت­تا­رىن­دا گول سوعىپ، قى­زىل­ور­دا­لىق­تاردىڭ جەڭىسكە جەتۋىن قامتاماسىز ەتتى. تيمۋر بايجانوۆ – پاۆلودار فۋت­بولىنىڭ ءتۇ­لەگى. بۇعان دەيىن ءبىرىنشى ليگا­داعى «قازاقمىس» كو­مان­داسىندا ويناعان. ال «قاي­سار» سا­پى­نا «ەرتىستىڭ» قو­سالقى قۇرا­مىن­دا ويناپ ءجۇر­گەن جەرىنەن الىنعان. «قاي­سار­عا» بايجانوۆپەن بىرگە ازيز انارمەتوۆ («تاراز»)، قاق­پا­شى جاسۋر نارزيكۋلوۆ («ماشيال»، وزبەك­ستان) يگور مالىش («زاكارپاتە») جانە باس باپكەرلىككە ۆلاديمير لينچەۆسكي الىن­دى. «ۆوستوك» كلۋ­بى­نا بۇعان دە­يىن كيەۆتىڭ «دينامو»، دنەپرو­پەتروۆسكىنىڭ «دنەپر» جانە كريۆوي روگتىڭ «كريۆ­باسس» كو­ماندالارىنىڭ نا­مى­­سىن قور­عاعان بە­لگىلى قاقپاشى ۆياچەسلاۆ كەرزونەنكو كەلدى. ول وسكەمەن­نىڭ كومان­دا­سىنا قاق­پاشى­لار جات­تىق­تىرۋ­شىسى بو­لىپ ورنا­لاستى. ونى ءوز جات­­تىق­­تىرۋ­شى­لىق شتابىنا ۋك­راي­نالىق مامان الەكساندر گولوكولوسوۆ شاقىرعان كورى­نەدى. ويىن­شى­لار­دان كومانداعا الەك­­ساندر زگۋرا («پريكارپاتە»، ۋكراينا) انتون مولتۋسينوۆ («استانا-64») پەن ۆياچەسلاۆ ەربەس («شاح­تەر») قو­سىلدى. داستان كەنجالين.
سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار