02 شىلدە، 2011

ورتاق ۇيىمىزدەگى بەيبىت ءومىر بەكەم بولادى

194 رەت كورسەتىلدى
پرەزيدەنت پوشتاسىنان مەملەكەت باسشىسىنىڭ اتىنا قازاقستاندىقتاردان وزدەرى­نىڭ قۋانىشتارى مەن پروبلەمالارىن ءبولىسىپ، مەملەكەتتىك مە­رەكە­لەرمەن قۇتتىقتاپ، ۇلت كوشباسشىسىنىڭ قازاقستاندى گۇل­دەن­دىرۋگە، ەتنوسارالىق جانە كونفەسسياارالىق كەلىسىمدى نى­عاي­تۋعا باعىتتالعان اسا ۇزدىك قىزمەتىن اتاپ وتكەن كوپتەگەن حاتتار كۇن سايىن كەلىپ جاتادى. سونداي حاتتىڭ ءبىرى قازاقستان ۇيعىرلارى رەسپۋبليكالىق ءما­دەني ورتالىعى مەن ينتەلليگەنتسيا وكىلدەرىنەن كەلدى. «ءبىز، كوپۇلتتى قازاقستان حال­قى­نىڭ تۋىسقان وتباسىندا كوپتەن ءومىر ءسۇرىپ كەلە جاتقان ۇيعىرلار،  ءالى كۇنگە دەيىن 2002 جىلى، ءسىز – ءبىز­دىڭ پرەزيدەنتىمىز، ۇلت كوشباس­شى­سى ءوزىڭىز كەلىپ كۇردەلى ءجون­دەۋ­دەن كەيىن ۇيعىر تەاترىن اشقان جارقىن كۇندى قۋانىشپەن ەسكە الامىز. بۇل الەمدەگى شۇاا-دان تىس جەردەگى جالعىز كاسىبي ۇيعىر تەاترى. ول – ءبىزدىڭ ماقتانىشى­مىز، ءبىزدىڭ ونەر وردامىز. وندا ءبىزدىڭ مادەنيەتىمىزدىڭ، ءتىلىمىز بەن رۋحاني بايلىعىمىزدىڭ جاڭا دەڭگەيگە كوتەرىلىپ، ساقتالۋى ءۇشىن قولدارىنان كەلگەنىن جاساعان ۇي­عىر حالقىنىڭ تالانتتى ۇلدارى جۇ­مىس ىستەدى. ولار بىزگە وتاندى ءسۇيۋ­دى، ادامداردى قۇرمەتتەۋدى، ءۇل­كەندى سىيلاپ، ءوز سالت-ءداستۇرىمىزدى ساقتاۋدى وسيەت ەتىپ قالدىردى. تەاتردى ۇيعىر حالقىنىڭ كور­نەكتى ۇلى جانە كسرو حالىق ءارتىسى قۇددىس قوجامياروۆتىڭ ۇسى­نۋىمەن تاعايىندالعان مۇرات احماديەۆ 25 جىلعا جۋىق ۋاقىت باسقاردى. بۇل ءبىزدىڭ تەاتردىڭ وركەندەگەن جىلدارى بولدى: رەپەرتۋار بايىدى، كەلەشەگى بار ماماندار ورالدى، ۇجىم حالىق­ارالىق دەڭگەيدە تانىلدى. 2005 جىلى تەاتردىڭ 70 جىلدىعى قارسا­ڭىن­دا ءسىز ءوز جارلىعىڭىزبەن تەاتر­عا ق.قوجامياروۆتىڭ ەسىمىن بەردىڭىز. وسى ءۇشىن سىزگە شەكسىز ريزامىز»،  دەپ جازادى قازاقستان حالقى اسسام­بلەياسى توراعاسىنىڭ ورىنباسارى، قازاقستان ۇيعىرلارى رەسپۋبليكالىق مادەني ورتالىعىنىڭ توراعاسى ا.شار­دينوۆ، پروفەسسور، رەس­پۋب­ليكالىق ۇيعىر مۋزىكالىق كومەديا تەاترىنىڭ كوركەمدىك جەتەكشىسى ا.قا­دىروۆ، جازۋشى-دراماتۋرگ، قا­زاق­ستان جازۋشىلار وداعى ۇيعىر سەك­تسياسىنىڭ توراعاسى ا.اشيروۆ، «ۋيعۋر اۆازي» رەسپۋبليكالىق گازە­تىنىڭ باس رەداكتورى، قازاقستاننىڭ ەڭبەك سىڭىرگەن قايراتكەرى يۋ.ازاماتوۆ، قازاقستان ۇيعىرلارى قاۋىم­داس­تى­عىنىڭ توراعاسى ت.مامەتوۆا، رەس­پۋبليكالىق اقساقالدار كەڭەسىنىڭ توراعاسى ا.ماقسۇتوۆ، ۇيعىر ءتىلىن وقىتاتىن مەكتەپ قاۋىمداستىعىنىڭ توراعاسى، №153 مەكتەپ-گيمنازيانىڭ ديرەكتورى، قازاقستان ءبىلىم بەرۋ ءىسىنىڭ ۇزدىگى ش.ۋماروۆ جانە ت.ب. سونىمەن قاتار، بۇل ۇندەۋ حاتتا تەاتر باسشىلىعىنىڭ كادر جونىندەگى شەشىمىنە قولداۋ بىلدىرىلگەن. «ۇيعىر تەاترىنىڭ ديرەكتورى قىزمەتىنە جاقىندا وسى ۇجىمدا 1983 جىلدان بەرى جۇمىس ىستەپ كەلە جاتقان ساۋتجان سونۋروۆ تاعايىن­دالدى. وسى جىلدار ىشىندە ول كوپ­تەگەن رولدەردە وينادى، كوپتەگەن قوي­ىلىمداردى قويۋعا اتسالىستى، تەاتر توبىنا جەتەكشىلىك جاسادى. ول تەاتردى جاقسى بىلەدى جانە ونى كەز كەلگەن دەڭگەيگە لايىقتى الىپ شىعا الادى. تەاتر قىزمەتكەرلەرى (102 ادام) جاڭا باسشىعا ءوز قولداۋ­لا­رىن ءبىلدىردى. ۇيعىر ينتەل­ل­يگەن­تسياسى، ۇيعىر ۇلتتىق-مادەني ورتا­لىعىنىڭ اكتيۆى بۇل شەشىمدى تو­لىق قولدايدى»، دەلىنگەن حاتتا. ۇندەۋ حاتتىڭ اۆتورلارى مەملەكەت باسشىسىن ەلوردا كۇنىمەن قۇت­تىقتاعان. «اسا قۇرمەتتى نۇرسۇلتان ءابىش­ ۇلى! ءسىز ءبىزدىڭ ورتاق ءۇيى­مىزدەگى بەيبىتشىلىك پەن كەلىسىمدى ءاربىر قازاقستاندىق كوزدىڭ قاراشى­عىنداي ساقتاي ءبىلىپ، نىعايتۋى قاجەتتىگىن ءاردايىم ايتىپ كەلەسىز. ءسىزدىڭ قازاقستاندا عانا ەمەس، ەۋرازيادا، يسلام مەن تۇركى الەمىندە كەلىسىم مەن تۇراقتىلىقتى نىعايتۋ ىسىندەگى كوپقىرلى قىزمەتىڭىزدى كۇللى الەم بىلەدى. بىزگە جانە ءبىزدىڭ مادەنيە­تى­مىزگە ۇنەمى كورسەتىپ كەلە جاتقان قامقورلىعىڭىز ءۇشىن ءوزىمىزدىڭ شى­نايى ءارى زور ريزاشى­لى­عى­مىزدى بىلدىرە وتىرىپ، اسەم اس­تانامىز – ەلوردا كۇنى قارساڭىندا، ءسىزدىڭ وراسان زور قىزمەتىڭىزگە تابىس، ساتتىلىك جانە قازاقستان حالقىنىڭ باقىتى جولىندا ۇزاق عۇمىر تىلەيمىز!»، دەلىنگەن حاتتا.
سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار