02 شىلدە، 2011

«ازيا جاڭعىرىعى» – استانادا

192 رەت كورسەتىلدى
قازاقستان رەسپۋبليكاسى تاۋەلسىزدىگىنىڭ 20 جىلدىعى مەن استانا كۇنى مەرەكەسى ايا­سىندا استانا قالاسى اكىم­دىگىنىڭ قولداۋىمەن 2011 جىلى شىلدەنىڭ 1-ءى مەن 10-ى ارا­لىعىندا تسيرك ونەرىنىڭ «ازيا جاڭعىرىعى» اتتى حالىق­ارا­لىق فەستيۆالى وتە­تىنى بەلگىلى. ون كۇن بويى ەلوردا­لىق­تارعا مەرەكەلىك كو­ڭىل-كۇي سىي­لايتىن اتال­مىش فەستيۆالدە قىتاي­دىڭ، موڭعو­ليا­نىڭ، رەسەي­دىڭ، وزبەك­ستان مەن قىر­عىزستاننىڭ ءار­تىس­تەرى ونەر كوسەتەدى. فەس­تيۆال باعدار­لاماسى­مەن تانىستىرۋ ءۇشىن كەشە استانا تسيركىندە اتال­عان حالىقارالىق فەستيۆالگە ار­نال­عان باس­پاسوز كونفە­رەن­تسيا­سى بو­لىپ ءوتتى. «استانا تسيركى» كمقك باس ديرەكتورى، رەسپۋبلي­كانىڭ ەڭبەك سىڭىرگەن ءارتىسى ە.جول­جاقسىنوۆ فەستيۆال باع­دار­لاماسىندا ەپتى جونگلەر مەن گۋتتاپەچامەن وران­عان موڭ­عوليالىق قىزدار، قى­تايدىڭ ەرەكشە اۋە گيم­ناس­تارى، ءوز­بەكستاندىق ار­قان بويىمەن ورمەلەگىشتەر اۋلەتى، رەسەي، قىرعىزستان جانە قازاقستان­نىڭ قىزىق­تى قيمىل تسيرك نومىرلەرى، سونداي-اق ۇيرە­تىل­گەن پوني، تۇيە، دالماتينەتس يت، ات پەن سايقىمازاقتار بارىن اتاپ ءوتتى. سونداي-اق ونەر كورسە­تەتىن ارتىستەردىڭ كوپشىلىگى ءبۇ­كىلالەمدىك فەس­تي­ۆال­دەر­دىڭ لاۋرەاتتارى مەن ءجۇل­دەگەرلەرى، ءوز كاسى­بىنىڭ مايتالمان شەبەرلەرى، تسيرككە ءومىرىن ارناعان ونەر­لى اۋلەت ۇرپاقتارى ەكەندىگىن دە تىلگە تيەك ەتتى. «استانا تسيركى» كمقك باس ديرەكتورى، قر ەڭبەك سىڭىرگەن ءارتىسى ە.جول­جاقسىنوۆ: «استانادا تسيرك جۇلدىزدارىنىڭ حالىقارا­لىق فەستيۆالىنىڭ جىل ساي­ىن وتكىزىلۋى – ەلوردالىقتار تاراپىنان بولعان زور قىزى­عۋشىلىقپەن تىعىز باي­لا­نىس­تى. ياعني، كورەرمەندەر تا­راپىنان ىستىق ىقىلاس بار. سوندىقتان استانا كۇ­نىنە ورايلاستىرىپ وتكىزىپ جاتىرمىز. اۋەلى بۇل شارا داستۇرگە دە اينالىپ ۇلگەردى دەپ ايتۋعا بولادى. بيىلعى تسيرك ونەرپازدارىنىڭ باع­دار­لامالارى ءار ەلدىڭ ۇلت­تىق ناقىشىمەن ەرەكشەلەنەدى. ارەناعا ەڭ مىقتى دەگەن تسيرك ونەرلەرى ۇسىنىلا­دى. قىتاي تسيركىندەگى ۇزاق عا­سىرلار بويى قالىپتاسقان وزدەرىنىڭ ءداستۇرلى مادەنيەت­تە­رىنە ۇيلەسكەن گيمناستار­دىڭ قويىلىمدارى بار. رە­سەيدىڭ، وزبەكستاننىڭ، جال­پى العاندا ءار ەلدىڭ تاڭقا­لارلىق ونەرلەرىنە كورەر­مەن­دەر ءتانتى بولا الادى دەپ ايتۋعا بولادى»، – دەدى ءسوز سوڭىندا. فەستيۆال اياسىندا قاتى­سۋ­شىلار استانا كوشە­لە­رى­نەن ۇرمەلى اسپاپتار وركەس­ترى­نىڭ سۇيەمەلدەۋىمەن وتە­تىن «كاۆالكادا» مەرەكەلىك شەرۋىنە دە قاتىسادى. شەرۋ «تسيرك – سارىارقا – ءبو­گەنباي باتىر داڭعىلى – رەسپۋبليكا داڭعىلى – تسيرك» باعىتىندا شىلدەنىڭ 5-نە دەيىن ءوز جالعاسىن تاپپاق. اراي ۇيرەنىشبەكقىزى.
سوڭعى جاڭالىقتار

ەسىمنەن كەتپەس ەكى ەتيۋد

رۋحانيات • كەشە

بەسىنشى ەلەمەنت

ونەر • كەشە

ۇقساس جاڭالىقتار