الماتىلىق وقۋشىلار استانا كۇنىنە ءان-جىردان شاشۋ شاشتى

ەسىلدىڭ ەكى جاعىندا باياعىنىڭ باتىرلارىنداي ساعات ساناپ وسكەن استانا كۇنى بيىل تاۋەلسىزدىگىمىزدىڭ 20 جىلدىعىمەن ورايلاسىپ وتىر. وسىن­داي ايتۋلى وقيعاعا ەلىمىزدىڭ وقۋ­شى­لارى دا ءوز ۇلەستەرىن قوسىپ, ونەرلەرىن تارتۋ ەتۋدە. سونداي ءبىر ادەمى كەش «تاۋەلسىز ەلدىڭ ونەرلى ۇرپاقتارى» دەگەن تاقىرىپتا ەلور­داداعى پرەزيدەنتتىك مادەنيەت ور­تا­لىعىندا ءوتتى. وعان ۇيىتقى بولعان الماتى قالاسى مەدەۋ اۋدانىنداعى №172 جالپى ءبىلىم بەرەتىن مەكتەپ وقۋشىلارى ەدى. جىر توگىپ, ءان اۋەلەتكەن 120 ونەرلى ۇل-قىز ساحنا تورىندە ءان­ۇران­دى دومبىرانىڭ سۇيەمەل­دەۋى­مەن ورىنداپ, رۋحىڭدى كوتەرىپ, سا­نا­نى سەرپىلتىپ جىبەردى. ايتىسكەر اقىن فارحات مارات ۇلى ولەڭ ءورىم­دەرىمەن استانا كەلبەتىن ايشىقتاپ, زال ورتا بولعانىمەن, كوڭىلدىڭ توق ەكەنىن تەرمەلەي جەتكىزدى. «ۇلكەننىڭ مىڭىنا بەرگەنشە بالانىڭ بىرىنە بەر» دەگەن ۇلتتىق قاعيدانى اڭعارت­تى. وقۋشىلاردىڭ ونەرىنە قاراي كيگەن كيىمدەرى دە ۇلتتىق ناق­ىشى­مىزدىڭ ءنارىن كوز الدىڭا اكەلەدى. «استانام – باعى بيىك اسقارىمسىڭ, استانام – ماڭگى جارىق اسپا­نىم­سىڭ. استانام – پەيىش قالا ەل ار­ما­نى, استانام – قايدا جۇرسەم ماق­تانىشىم», دەسە اقىندار, «قا­رلى­عاش­تار» ءانسامبلىنىڭ مۇشەلەرى الما-كەزەك ونەر كورسەتىپ جاتتى. جاقان تامىرلان «قازاق وسى» ءانىن شىر­قا­دى. قولدارىنا دومبىرا تيگەن تۇستا نۇرعيسا تىلەنديەۆتىڭ «القيسساسىن» تارتىپ, جۇرتتىڭ ەرەكشە ءىلتيپاتىنا بولەندى. ال جاس تالاپكەرلەر مۇرات­الى سەرىكبول ۇلى مەن ءجۇنىس ايبەك استانا تۋرالى ولەڭدەرىن وقىسا, بال­عىن تالاپكەرلەر نۇراي ايتۋاروۆا مەن ءامىر ساتىبالدى ءاپ-ادەمى ايتىستىڭ جورالعىسىن جاسادى. ءامىر ءوزىنىڭ ەرتەڭ قۇرىلىسشى بو­لىپ, استانانىڭ اجارىن اشۋعا ۇلەس قوساتىنىن ايتسا, نۇراي ءانشى بو­لىپ ەلوردا ساحناسىنان ءان سالسام دەگەن ارمانىن العا تارتتى. قازاق كۇي ونەرىندە وزىندىك قول­تاڭباسى بار دومبىراشى, تالانتتى وقۋشىلاردىڭ قامقورشىسى ا.راي­ىم­بەرگەنوۆ پەن «قارلىعاشتار» انس­امبلىنىڭ جەتەكشىسى عاليابانۋ قو­جابەرگەنقىزى شاكىرتتەرىمەن قوسىلىپ «ناۋرىز» كۇيىن ورىندادى. كونتسەرتتەن كەيىن اتالمىش مەك­تەپتىڭ ديرەكتورى نۇرايىم ۇسەنوۆا تاۋەلسىزدىكتىڭ 20 جىلدىعىنا ارنا­عان وقۋشىلاردىڭ كونتسەرتتىك باع­دارلاماسىن استانا تورىندە تانىس­تىرۋ وزدەرى ءۇشىن ۇلكەن مەرەي ەكەنىن ايتىپ, جالپى ءبىلىم بەرەتىن مەكتەپتە وقۋمەن قاتار, ونەرلى جاس­تار­دى باۋلۋ ءۇشىن اتقارىلىپ جاتقان يگىلىكتى ءىس ەلباسى نۇرسۇلتان نازار­باەۆتىڭ «مادەني مۇرا» باعدار­لاماسى نەگىزىندە «مۇراگەر» جوباسى بويىنشا جۇزەگە اسقانىن جەتكىزدى. سەگىز جىلدىڭ ىشىندە وقۋ مەن ونەردى ۇشتاستىرعان ونداعان وقۋشىلار ەلگە تانىلدى. ۇلتتىق رۋحتارى كوتە­رى­لىپ, تاۋەلسىز ەلدىڭ پاتريوتى بولۋى ءۇشىن وسىنداي التىن دىڭگەك ونەرگە دەن قويدى. وزدەرىنىڭ قازاق ەكەنىن, قازاق ۇلتىنىڭ ۇلانى ەكەنىن سەزدى, ءتۇسىندى. بۇعان ۇلەس قوسقان ا.راي­ىم­بەرگەنوۆ پەن ع.قوجابەكقىزىنا ال­عى­سىم شەكسىز. سول سەكىلدى وسىنداي كەشتى ەلوردادا وتكىزۋگە استانا قا­لاسى اكىمىنىڭ ورىنباسارى ۆ.كرى­لوۆ پەن وزگە دە دەمەۋشىلىك كورسەت­كەن ازاماتتارعا شىنايى ءىلتي­پا­تىم­دى بىلدىرەمىن. استانامەن تانىسقان 120 وقۋشىنىڭ ەسىندە بۇگىنگى استانا كەلبەتى ءومىربويى قالاتىنى ءسوزسىز, دەدى. ال استانا قالاسى ءبىلىم باسقارما­سىنىڭ باستىعى ءاسيما بيمەندينا الماتىدان كەلگەن ونەرلى جاستاردىڭ بولاشاعىنا ءسات-ساپار تىلەپ, الداعى ۋاقىتتا بىرگە جۇمىس ىستەيتىندەرىن تىلگە تيەك ەتە كەلىپ, العىس حات پەن باعالى سىيلىق تاپ­سىردى. «جاس وتان» جاستار قانا­تىنىڭ اتقارۋشى ديرەكتورى  ن.وتە­شوۆ بالاپان كەزدەرىنەن رۋحاني قۇن­دىلىققا دەن قويعان وقۋشىلاردىڭ تالپىنىسىنا اركەز قولۇشىن سوزا­تىندىقتارىن ءبىلدىردى. ءماجىلىس دەپۋ­تاتى نۇرتاي سابيليانوۆ وقۋ­شى­لارمەن وي ءبولىستى. سۇلەيمەن مامەت.