روزانىڭ جاڭا كونتسەرتتىك باعدارلاماسى

جىل سايىن بولاتىن استانا كۇنى مەرەكەسى قازاق­ستان­دىقتار ءۇشىن اسا قادىرلى ءارى دۋماندى كۇن بولىپ ەسەپتەلەدى. سەبەبى, ەنشىسى ءبو­لىن­بە­گەن, ىرگەسى سوگىلمەگەن ەگەمەن ەلدىڭ بۇل ۇلى تويىن توي­لاۋ ءبارىمىز ءۇشىن زور ماق­تانىش بولىپ تابىلماق. بي­ىلعى مەرەكەلىك دۋماندى شا­رالار دا ءوز ەرەكشەلىكتەرىمەن ءاربىر ادامنىڭ جۇرە­گىن­دە ماڭگى قالاتىنى ءسوزسىز. استانا كۇنى مەرەكەسى ايا­سىندا ۇيىمداستىرىلاتىن مادەني ءىس-شارالاردىڭ ىشىندە 2 شىلدە كۇنى استانا قا­لا­سىنداعى كوگرەسس-حوللدا قا­زاق­ستان رەسپۋبليكاسىنىڭ حا­لىق ءارتىسى روزا رىمباەۆا شىعارماشىلىعىنىڭ 35 جىل­دىعىنا ارنالعان «ارايلى استانا» كونتسەرتى دە بار. روزا رىمباەۆانىڭ بۇل جولعى كونتسەرتىنىڭ ماڭىزدىلىعىن ءبىلۋ ءۇشىن كەشە ۇيىم­داس­تى­رۋشىلار تاراپىنان بولعان اتالمىش كونتسەرتتىڭ باس­پا­سوز كونفەرەنتسياسىنا ءبىز دە قاتىسىپ قايتقان ەدىك. شىعارماشىلىقتىڭ اس­قا­رالى اسۋىنا ءوزىنىڭ ەڭ­بە­گىمەن جەتكەن  روزا رىم­باەۆا ساحنادا جۇرگەن 35 جىل ىشىندە تالاي ءانجي­ناق­تار شى­عارىپ, تالاي ءاندى شىر­قاپ, كەز كەلگەن ادامنىڭ جۇرە­گى­نەن جىلى ورىن الا ءبىلدى. روزا ەسىمى «گۇلدەر», «اراي» انسامبلدەرىمەن تىعىز باي­لانىستى ەكەنىن ونىڭ شى­عار­ماشىلىعىمەن تانىس ءار­بىر ونەردى سۇيەتىن ادام جاقسى بىلەدى. بۇل جولعى كونتسەرتتىڭ ەرەكشەلىگىنە جۋرناليستەرمەن بولعان ءباسپاسوز كون­فە­رەنتسياسىندا روزا رىم­باە­ۆا ارنايى توقتالدى. ونىڭ اي­تۋ­ىنشا, اتى اڭىزعا اينال­عان «اراي» ءانسامبلىنىڭ بۇ­رىنعى قۇرامى تۇڭعىش رەت مەرەكەلىك كونتسەرتتىڭ قۇر­مە­تىنە وراي قايتا باس قوسپاق ەكەن. بايعالي سەركەباەۆ, «ا-ستۋديونىڭ» ءانشىسى ۆلاديمير ميكلوشيچ, باتىرحان شۇكەنوۆ, بولات سىزدىقوۆ, نادجيب ۆيلدانوۆ جانە ساعىناي ابدۋللين سىندى ساحنا ساڭلاقتارى روزا رىم­باەۆامەن بىرگە ءان شىر­قاماق. «مەنىڭ بۇل جولعى كونتسەرتىم ەلىمە, حالقىما, استاناما ارنالادى. «استانا – اق وردام» دەگەن انمەن كون­تسەرتتىڭ شىمىلدىعىن اشا­مىن. ال ەڭ سوڭىندا «اراي­لى استانا» ءانى شىرقالادى. رەپەرتۋارىمداعى وسى ەكى ءان ەلورداعا ارنالماق. ايتى­لا­تىن اندەر وتە كوپ. الايدا ولاردى ءبىر كونتسەرتتىك باع­دار­لاماعا سىيدىرۋ وتە قي­ىن. سوندىقتان دا تاڭداپ, تال­داپ ءجۇرىپ باعدارلاماعا سايكەس اندەردى ىرىكتەپ ال­دىم. ءبىر ايتا كەتەتىن نارسە, ۇلى وتان سوعىسىنىڭ باتى­رى – ءاليا مولداعۇلوۆاعا ار­نالعان «ءاليا» ءانىن مەن ءاربىر كونتسەرتىمدە ورىنداۋعا ءتيىسپىن. ونسىز كونتسەرتىم ءساتتى شىقپايتىنداي كورىنەدى دە تۇ­را­دى. ءاربىر كونتسەرت بارى­سىن­دا ماعان وركەستردىڭ قول­داۋى اسا قاجەت. بۇل جولعى كەشتىڭ دە جاۋاپتى سالماعى وركەسترگە تۇسەتىن بولادى. كونتسەرتتىڭ كوڭىلىمدەگىدەي شىعاتىنىنا كامىل سەنەمىن. سەنىم جوق جەردە جەمىستىڭ دە بولمايتىنى سەكىلدى, قاسىم­دا­عى قولداۋ كورسەتكەن بار­لىق جاندارعا سەنۋگە ءتيىسپىن», – دەدى حالىق ءارتىسى روزا رىمباەۆا. ءباسپاسوز كونفەرەنتسيا­سى­نا قاتىسقان باتىرحان ءشۇ­كەنوۆ پەن بولات سىز­دى­قوۆ تا, كونتسەرت ديريجەرى ار­تۋر ارەنبۋرگسكي مەن ءانشى باي­عالي سەركەباەۆ تا روزا رىم­باەۆانىڭ جەكە ادام­گەرشىلىك قاسيەتتەرى مەن شىعارما­شى­لىقتاعى ادال­دى­­عىنا توقتا­لىپ, ومىرلىك ەس­تەلىكتەردەن سىر شەرتەتىن اڭگىمەلەرىن ور­تاعا سالدى. بۇگىنگى ونەر سالاسىن­داعى جەتكەن جەتىستىكتەرىن دە روزا رىمباەۆامەن بايلا­نىس­تىراتىندىقتارىن جا­سىر­ما­دى. مەرەكەلىك كون­تسەرت­تىڭ قۇر­مەتتى قوناعى بول­گاريادان كەلگەن ورلين گارانوۆ بولاتىنى دا باس­پا­سوز كونفەرەنتسياسى بارى­سىن­دا بەلگىلى بولدى. اراي ۇيرەنىشبەكقىزى.