اتوم ستانساسىن توقتاتىپ تاستادى
شوتلاندياداعى Torness اەس-نىڭ ەكى قۋات بلوگىنىڭ جۇمىسىن كادىمگى تەڭىز مەدۋزالارى توقتاتىپ قويىپتى. سويتسە, اتوم ستانساسىندا رەاكتورلاردى سۋىتۋعا پايدالانىلاتىن تەڭىز سۋىنداعى مەدۋزالاردىڭ سۇزگىنى بىتەپ تاستاعانى سونداي, ول اۆتوماتتى تۇردە توقتاپ قالعان. قازىرگى كۇنى EDF Energy كومپانياسىنىڭ وپەراتورلارى ءسۇزگىنى تازارتۋ ۇستىندە كورىنەدى. اتوم ستانساسىنىڭ جۇمىسى تەك الداعى اپتادا عانا جالعاسادى دەپ كۇتىلۋدە.
EDF Energy كومپانياسى وكىلىنىڭ مالىمدەۋىنشە, رەاكتور اينالاسىنداعى قورشاعان ورتاعا زالالىن تيگىزەدى دەپ جورامال جاساۋعا ەش نەگىز جوق. جالپى, بۇل مەدۋزالاردىڭ رەاكتورلار جۇمىسىنا العاشقى تيگىزگەن كەسىرى ەمەس, وسىدان بۇرىنعى اپتادا دا جاپونياداعى «سيمانە» ستانساسىنىڭ سۇزگىسىن دە مەدۋزالار كەپتەپ تاستاعان بولاتىن.
شەگىرتكە شويىن جولدى باسىپ قالدى
ىشكى موڭعولياداعى شويىن جول بويىن شەگىرتكە باسىپ, ولار الدىمەن پويىزداردىڭ ءجۇرىسىن باياۋلاتۋعا ءماجبۇرلەپ, ودان سوڭ ءتىپتى توقتاتىپ تاستادى. شەگىرتكەلەردىڭ تۇتاسا قاپتاعانى سونشالىق, العاشىندا باياۋ عانا جىلجىعان جۇك پويىزى اقىرىندا 3 ساعاتقا ءجۇرىسىن مۇلدە توقتاتىپتى. وقيعانى كوزىمەن كورگەن جول پوليتسياسىنىڭ وفيتسەرى ۋدان فۋ تسزيانگو: «شەگىرتكەلەردىڭ ەلەكتر ءجۇيەسىندە بۇلايشا قىسقا تۇيىقتالۋ جاساپ, ونىڭ ءجۇرىسىن توقتاتۋعا دەيىن باراتىنىن كورمەك تۇگىلى ەستىگەن ەمەسپىن», – دەپ قايران قالعانىن جەتكىزگەن.
مامانداردىڭ ايتۋىنشا, شەگىتكەلەر شويىن جولعا تاماق ىزدەپ كەلگەن. ءوز جولىنداعىلاردىڭ بارلىعىن جۋساتىپ, اعاشتاردىڭ جاپىراقتارىنا دەيىن جەپ, سيديتىپ كەتكەن جاندىكتەردەن جول بويىن تازالاۋعا ارنايى جۇمىسشىلار الدىرۋعا تۋرا كەلگەن. قولدارىنا كۇرەك, سىپىرعىش الىپ وبىر شەگىرتكەلەردەن جول ارشىعان جۇمىسكەرلەر ارقاسىندا عانا پويىزدار ءجۇرىسىن جالعاعان كورىنەدى.
سەناتورلار كانيكۋلعا شىقپايدى
اقش سەناتورلارى 4 شىلدەدەگى تاۋەلسىزدىك مەرەكەسىندە بەرىلەتىن دەمالىستان باس تارتىپ وتىر. دەموكراتتاردىڭ ليدەرى گارري ريد «زاڭ شىعارۋشىلار ەل تاريحىندا تۇڭعىش رەت دەفولتتىق جاعداي تۋىپ وتىرعاندا دەمالىپ جاتا المايدى, ءبىز ۆاشينگتوندا قالامىز», دەيدى. سارسەنبىدە رەسپۋبليكاشىلار دا ۆاشينگتوندا قالاتىندىقتارىن مالىمدەدى.
اقش-تاعى ءبىر-بىرىمەن تايتالاسقان ەكى پارتيا اراسىندا بىرلەسىپ جۇمىس جاساۋ جايىندا ءجيى-ءجيى ايتىلعانىمەن, ولاردىڭ مەملەكەتتىڭ بيۋدجەت تاپشىلىعىن قىسقارتۋ مەن قارىز مولشەرىن بەلگىلەۋدە كەلىسىمگە كەلەتىندىكتەرىنە سەنىم جوق, دەيدى اقپارات كوزدەرى. وباما اكىمشىلىگى ەگەر 2 تامىزعا دەيىن بيۋدجەت تۋرالى زاڭ قابىلدانباسا, تەك اقش-قا عانا ەمەس, بۇكىل الەمدىك ەكونوميكاعا اسەرى تيەتىن دەفولت قاۋپى بار دەگەن ەسكەرتۋ جاسادى. قازىرگى كۇنى مەملەكەتتىك قارىزدىڭ ءليميتى 14,3 تريلليون دوللاردى قۇراپ وتىر.
موناكو حانزاداسى وتباسىن قۇردى
ەۋروپا جۇرتشىلىعى سۇعىن قاداعان سۇربويداعى موناكو حانزاداسى البەرت ەكىنشى 33 جاستاعى وڭتۇستىكافريكالىق سپورتشى قىز شارلەن ۋيتتستوكقا ۇيلەندى. 53 جاسقا دەيىن قانشا سۇلۋ كوزىن قاداسا دا ۇيلەنبەيمىن دەپ جۇرگەن حانزادانىڭ ەكى ايەلدەن نەكەسىز ەكى بالاسى بار.
ال قازىرگى تاڭداۋ ءتۇسىپ وتىرعان قالىڭدىعىمەن حانزادا 2000 جىلى تانىسقانىمەن, ارالارىنداعى سەزىم ۇشقىنى 5 جىلدان كەيىن پايدا بولعانعا ۇقسايدى. البەرت حانزادانىڭ ۇيلەنبەيمىن دەگەن ۇستانىمىنىڭ ەلدى الاڭداتقانى سونشالىق بۇل ەل تاققا ەگەر ەركەككىندىكتى مۇراگەر بولماعان جاعدايدا قىزدار مەن جيەندەر دە وتىرا الادى دەپ كونستيتۋتسيالارىنا وزگەرىس ەنگىزۋگە دە ءماجبۇر بولعان-تىن. تاق يەلەنگەندەرىنە 700 جىلدان اسقان, ەۋروپاداعى پاتشالىق كونە ديناستيا گريمالدي اۋلەتى ناعىز قۋانىش پەن ۇمىتكە بولەنىپ وتىرعان سىڭايدا.
يەمەن پرەزيدەنتى ەمدەلىپ جاتىر
ءوزىنىڭ اتىن ايتپاۋىن وتىنگەن مالىمەت بەرۋشى ونىڭ جاعدايى اۋرۋحاناعا كەلگەن جاعدايىمەن سالىستىرمالى تۇردە ايتقاندا جاقسى, بىراق, دەنەسىنىڭ كوپ جەرى كۇيگەندىكتەن جانە پلاستيكالىق وپەراتسيالار جاسالعاندىقتان كۇردەلى كۇيدە قالىپ وتىر, دەيدى. پرەزيدەنتتىڭ حالىققا تەلەديدار ارقىلى ۇندەۋمەن شىعۋى مۇمكىن بە دەگەن ساۋالعا ول: «جوق, پرەزيدەنتتىڭ حال-جاعدايى ءارى بەت-الپەتى ولاي جاساۋعا كەلمەيدى», دەپ اتاپ وتكەن.
ينتەرنەت ماتەريالدارى نەگىزىندە ازىرلەندى.
ءوزىنىڭ اتىن ايتپاۋىن وتىنگەن مالىمەت بەرۋشى ونىڭ جاعدايى اۋرۋحاناعا كەلگەن جاعدايىمەن سالىستىرمالى تۇردە ايتقاندا جاقسى, بىراق, دەنەسىنىڭ كوپ جەرى كۇيگەندىكتەن جانە پلاستيكالىق وپەراتسيالار جاسالعاندىقتان كۇردەلى كۇيدە قالىپ وتىر, دەيدى. پرەزيدەنتتىڭ حالىققا تەلەديدار ارقىلى ۇندەۋمەن شىعۋى مۇمكىن بە دەگەن ساۋالعا ول: «جوق, پرەزيدەنتتىڭ حال-جاعدايى ءارى بەت-الپەتى ولاي جاساۋعا كەلمەيدى», دەپ اتاپ وتكەن.
ينتەرنەت ماتەريالدارى نەگىزىندە ازىرلەندى.
