بيىل جامبىل وبلىسىنداعى ۇدەمەلى يندۋستريالىق-يننوۆاتسيالىق دامۋ باعدارلاماسى شەبەرىندە 8 ينۆەستيتسيالىق جوبا جۇزەگە اسىرىلادى. ونىڭ جالپى سوماسى 21,5 ميلليارد تەڭگەنى قۇرايدى. جوبالاردىڭ ىسكە اسۋى ناتيجەسىندە قوسىمشا 1139 جاڭا جۇمىس ورنى اشىلماق. اتاپ ايتساق, العاشقى جارتى جىلدىقتا ءۇش ينۆەستيتسيالىق جوبا ىسكە قوسىلادى. ولار: اقباقاي كلاستەرى, تامشىلاتىپ سۋارۋعا ارنالعان پوليەتيلەن قۇبىرلارىن جاسايتىن تاراز قۇبىر زاۋىتى جانە ديودتى جارىق بەرەتىن شامدار شىعاراتىن «ەنەردجي تاراز» جشس-نىڭ جوباسى. ال ەكىنشى جارتى جىلدىقتا قالعان بەس جوبا تولىقتاي ىسكە قوسىلماقشى.
كوسەمالى ساتتىباي ۇلى. جامبىل وبلىسى.
137 بيىل اتىراۋدا وسىنشا تۇلەك «التىن بەلگى» يەگەرى اتاندى. سوڭعى جىلدارى اتىراۋداعى مەكتەپتەردى ءبىتىرۋشى تۇلەكتەردىڭ ءبىلىم ساپاسى ارتىپ كەلەدى. سونىڭ كۋاسىندەي بيىلعى 5710 مەكتەپ ءبىتىرۋشىنىڭ اراسىنان 137 تۇلەك «التىن بەلگى» يەگەرى اتاندى. ال 59 تۇلەكتىڭ مەكتەپتەن العان ءبىلىمى «ۇزدىك اتتەستاتپەن» اتالىپ ءوتتى. سونداي-اق, 21 مەكتەپ ءبىتىرۋشى حالىقارالىق, رەسپۋبليكالىق وليمپيادالارعا قاتىسىپ, جۇلدەلى ورىنداردان كورىندى. وبلىستىق ءبىلىم باسقارماسىنىڭ باستىعى كيىكباي ءجاۋليننىڭ مالىمەتىنشە, مەكتەپ بىتىرۋشىلەر اراسىنان ۇبت-دا 5 وقۋشى ەڭ جوعارى كورسەتكىشكە, ياعني 125 باللعا يە بولعان. «التىن بەلگىنى» كوپ العان مەكتەپتەردىڭ ىشىندە اعىلشىن ءتىلىن تەرەڭدەتىپ وقىتاتىن تەحنيكالىق گيمنازيانىڭ باعى جانىپ تۇر. وسى ءبىلىم ورداسىنان بيىل 12 تۇلەك «التىن بەلگى» يەلەندى.
جولداسبەك شوپەعۇل, اتىراۋ وبلىسى.
7 پايىز اقمولا وبلىسىندا ەكونوميكانىڭ جىل سايىنعى ءوسىمى وسىنداي كورسەتكىشپەن ورنەكتەلمەك. جوسپارلانعان ينديكاتورلارعا قول جەتكىزۋ ءۇشىن قاجەتتى رەسۋرستار مەن العىشارتتار بار. 2010 جىلى 2000 جىلمەن سالىستىرعاندا ايماقتىق ىشكى جالپى ءونىمنىڭ كولەمى 7,6 ەسەگە نەمەسە 562,4 ميلليارد تەڭگەگە, ونەركاسىپ ءوندىرىسى – 6 ەسەگە, اۋىل شارۋاشىلىعى – 2 ەسەگە, ينۆەستيتسيالار جۇمىلدىرۋ – 80 ەسەگە, تۇرعىن ءۇي الاڭىن ىسكە قوسۋ 5,7 ەسەگە ءوستى. رەسمي تىركەلگەن جۇمىسسىزدىق دەڭگەيى 11,5 ەسەگە, ياعني 4,6 پايىزدان 0,4 پايىزعا دەيىن تومەندەسە, ورتاشا ايلىق جالاقى 6 ەسەگە ءوسىپ, 51 866 تەڭگەنى قۇرادى. 2010-2014 جىلدارعا ارنالعان مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ شەڭبەرىندە بىلتىر 73,6 ميلليارد تەڭگەنىڭ 15 نىسانى ىسكە قوسىلسا, بيىل 16 نىسان پايدالانۋعا بەرىلمەك.
باقبەرگەن امالبەك, اقمولا وبلىسى.
