02 شىلدە، 2011

ءداستۇرلى ديپلوماتيا كۇنى

443 رەت كورسەتىلدى
كەشە استاناداعى «ريكسوس» قوناق ۇيىندە سىرتقى ىستەر مينيسترلىگىنىڭ قىزمەتكەرلەرى وزدەرىنىڭ كاسىبي مەرەكەسى – ديپلوماتيا كۇنىن سالتاناتتى تۇردە اتاپ ءوتتى. جالپى ديپلوماتيا كۇنىنىڭ اتالىپ ءوتۋىن تاريحي وقيعالاردىڭ ءبىرى دەپ ساناۋعا بولادى. سەبەبى، ەلىمىزدىڭ سىرتقى ساياساتىمەن ءبىز­دىڭ قازىرگى جاعدايىمىز بەن بولا­شاعىمىز تىعىز بايلانىستى. ءاسى­رەسە، سوڭعى جىلدارى قازاقستان حالىقارالىق ومىرگە باتىل ارالا­سىپ، ونىڭ جۇمىستارى مەن قىز­مەتىنە بەلسەندى اتسالىسىپ ءجۇر. بۇل – ەلىمىزدىڭ ابىرويى، حالقى­مىزدىڭ بەدەلى، ەگەمەن مەملە­كە­تىمىزدىڭ باسقا دامىعان ەلدەرمەن تەرەزەسىنىڭ تەڭەلۋى دەگەن ءسوز. سوندىقتان دا وسىنداي ايتۋلى كۇندى ءوز دارەجەسىندە اتاپ وتكەن ابزال. وسىلايشا، ءوز ارىپتەستەرى مەن قىزمەتكەرلەرىن قۇتتىقتاپ، ءسوز العان سىرتقى ىستەر ءمينيسترى ەرجان قازىحانوۆ سىرتقى ساياسات ۆەدومستۆوسى قۇرىلۋىنىڭ تاري­حىنا ۇڭىلە وتىرىپ، «بۇگىن قا­زاق­ستان رەسپۋبليكاسى ديپلوما­تيا­لىق قىزمەتىنىڭ كاسىبي مەرەكەسىن اتاپ وتۋدەمىز. قازاقستاننىڭ سىرت­قى ىستەر مينيسترلىگىن قۇرۋ تۋ­رالى جارلىققا ەلباسى 1992 جىلعى 2 شىلدەدە قول قويدى. وسى كەزەڭدە ەلىمىزدىڭ تاۋەلسىزدىگىن باياندى ەتۋ ءۇشىن سىرتقى ساياسات سالاسىندا كوپ جۇمىستار اتقا­رىلدى. حالىقارالىق قوعامداس­تىقتا ۇلتتىق مۇددەمىزدى قورعاپ، الەمدىك ارەنادا بەدەلىمىزدى نى­عاي­تۋ جولىندا جۇمىستانعان قا­زاق­ستاندىق ديپلوماتتاردىڭ قا­جىر­لى ەڭبەكتەرىن ەرەكشە اتاپ وتەمىز. وسى ورايلى ءساتتى پايدالانا وتىرىپ، بارشا قازاق­ستان­دىق ديپلوماتتاردى، ارداگەرلەرىمىزدى جانە كەلگەن قوناقتارى­مىز­دى كاسىبي ءتول مەرەكەمىزبەن شىن جۇرەكتەن قۇتتىقتايمىن»، – دەي وتىرىپ، ەلىمىزگە تىنىشتىق، جەرىمىزگە بەرەكە، وتباسىلارىمىزعا باقىت جانە زور دەنساۋلىق تىلەدى. سونىمەن قاتار، سالتاناتتى مەرەكە بارىسىندا ەلىمىزدىڭ سىرت­قى ساياساتىنا ۇلەس قوسىپ، ەرەكشە ەڭبەكتەرىمەن كوزگە تۇسكەن ءبىر­قا­تار ديپلوماتتار ماراپاتتاۋ قا­عاز­دارى مەن ديپلوماتيالىق دارە­جەلەردى يەلەندى. اتاپ ايتقاندا، قازاقستان رەس­پۋبليكاسى پرەزيدەنتىنىڭ جارلى­عىمەن ۇلىبريتانياداعى ەلشى قايرات ابۋسەيىتوۆكە جانە بەلارۋس رەسپۋبليكاسىنداعى ەلشى انا­تولي سميرنوۆقا توتەنشە جانە وكىلەتتى ەلشى ديپلو­ماتيا­لىق دارەجەلەرى بەرىلدى. قازاقستان رەسپۋبليكاسى پرە­زيدەنتىنىڭ كومەكشىسى نۇرلان ەر­مەكباەۆقا، ارمەنياداعى ەلشى ايىمدوس بوزجىگىتوۆكە، تۇركىمەن­ستانداعى ەلشى اسحات ورازبايعا جانە ازەربايجانداعى ەلشى سەرىك پىرىمبەتوۆكە I سىنىپتى ءتو­تەن­شە جانە وكىلەتتى ۋاكىل ديپ­لو­ما­تيا­لىق دارەجەلەرى بەرىلدى. سونىمەن بىرگە، يوردانياداعى ەلشى بولات سارسەنباەۆقا II سى­نىپتى توتەنشە جانە وكىلەتتى ءۋا­كىل ديپلوماتيالىق دارەجەسى بە­رى­لىپ، كۋالىكتەرى رەسمي تۇردە تابىس ەتىلدى. تاعى باسقا دا ءتۇرلى دەڭگەيدەگى ديپلوماتيا قىزمەتكەرلەرى ديپلو­ماتيالىق دارەجەلەر مەن ماراپاتتاۋ قاعازدارىن الدى. نۇربەك جولتاي ۇلى.
سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار