ۇيىمعا جاڭا باس حاتشى كەلدى

يتاليا وكىلى لامبەرتو زانەر ەۋروپاداعى قاۋىپسىزدىك جانە ىن­تىماقتاستىق ۇيىمىنىڭ جاڭا باس حاتشىسى بولىپ تاعاي­ىن­دال­دى. مۇنداي شەشىمدى 56 قاتىسۋ­شى مەملەكەت مينيسترلەرى بىرنەشە كۇنگە سوزىلعان «تىنىشتىق ءراسىمى» ارقىلى 30 ماۋسىم كۇنى ءبىراۋىزدان قابىلدادى. زانەر قىزمەتىنە 1 شىلدەدە كىرىستى. جاڭا باس حاتشى – كاسىبي ديپلومات, 2002 – 2006 جىلدار ارا­لىعىندا ەقىۇ-نىڭ جان­جال­دار­دى بولدىرماۋ ورتالىعىنىڭ دي­رەك­تورى قىزمەتىن اتقارعان. 2008 جىلدان بەرى بىرىككەن ۇلتتار ۇي­ىمىنىڭ كوسوۆو بويىنشا ارنايى وكىلى جانە بۇۇ-نىڭ كوسوۆوداعى وتپەلى اكىمشىلىگى ميسسياسىنىڭ باسشىسى بولدى. ەقىۇ باس حاتشىسى ءىس باسىن­داعى توراعانىڭ وكىلى جانە ەقىۇ-نىڭ باس اكىمشىلىك قىز­مەت­كەرى رەتىندە ارەكەت ەتەدى. ول سىرتقى ىستەر مينيسترلەرى كەڭە­سى­نىڭ شەشىمىمەن ءۇش جىلدىق مەرزىمگە تاعايىندالادى. قازىرگى ءىس باسىنداعى توراعا اۋ­درونيۋس اجۋباليس باس حاتشى قىزمەتىن اياقتاعان مارك پەررەن دە بريشامبوعا قاتىسۋشى مەملەكەتتەر اتىنان العىسىن ءبىلدىرىپ, «ءسىز جانە ءسىزدىڭ كومانداڭىز ەقىۇ-نىڭ استاناداعى ءسامميتى كەزىندە ونىڭ جاقسى قىزمەتىن قام­تاماسىز ەتتىڭىزدەر. ول ازات, دەموكرا­تيا­لىق, ورتاق ءارى ءبولىن­بەيتىن ەۋرو­اتلانتيكالىق جانە ەۋ­رازيالىق قاۋىپسىزدىك قوعامداس­تىق ماقساتى بويىنشا كەلىسىمگە قول جەتكىزۋگە ەداۋىر جاردەم­دەس­تى», دەدى ول. اتالعان “تىنىشتىق ءراسىمى” مينيسترلەرگە ءىس جۇزىندە كەزدەسپەي, شەشىم جوباسىن قاراستىرىپ, قابىلداۋعا مۇمكىندىك بەرەدى. تو­لىقتىرۋى نەمەسە ەسكەرتپەسى بار مينيستر ونى جازباشا تۇردە نەمەسە وكىلى ارقىلى ءىس باسىنداعى توراعالىققا جەتكىزەدى. ال بەلگىلەنگەن مەرزىم ىشىندە ەشكىم قارسىلىق بىلدىرمەگەن جاعدايدا شەشىم كۇشىنە ەنەدى. ەسكە سالا كەتەيىك, ناق وسى­لاي­شا, “تىنىشتىق ءراسىمى” ارقىلى ەكىجاقتى جانە كوپجاقتى كەڭەس­تەر­دىڭ ناتيجەسىندە بىلتىرعى جى­لى تامىز ايىندا ەقىۇ-عا ءمۇ­شە ەلدەر سىرتقى ىستەر مينيس­تر­لە­رى­نىڭ استانادا 1-2 جەلتوقسان كۇن­دە­رى ەقىۇ ءسامميتىن وتكىزۋ تۋ­رالى شەشىمى قابىلدانعان بولاتىن. تالعات جۇماعۇلوۆ, «ەگەمەن قازاقستان» – ۆەنادان.