بىرلەسكەن وتىرىس ءوتتى

30 ماۋسىمدا قازاقستان رەسپۋبليكاسى پرەزي­دەن­تىنىڭ جانىنداعى قۇقىقتىق ساياسات جونىندەگى كەڭەستىڭ جانە جوعارى سوت كەڭەسىنىڭ بىرلەسكەن وتىرىسى بولىپ ءوتتى. بىرلەسكەن وتىرىستا سوت جۇيەسىنىڭ دامۋ بولا­شاعى, سوت شەشىمدەرىن قابىلداۋدىڭ اشىقتىعى جانە وعان جاريا قول جەتىمدىلىكتى قامتاماسىز ەتۋ ماسەلەلەرى قاراستىرىلدى. اتالعان ماسەلەلەر بويىنشا جوعارى سوتتىڭ اقپاراتى تىڭدالدى. سول كۇنى قازاقستان رەسپۋبليكاسى پرەزي­دەن­تى­نىڭ جانىنداعى قۇقىقتىق ساياسات جونىندەگى كەڭەس­تىڭ وتىرىسى بولىپ ءوتتى, وندا «قازاقستان رەس­پۋبلي­كا­سىنىڭ ىشكى ىستەر ورگاندارى تۋرالى (جاڭا رەداكتسيا)» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە پروباتسيا قىزمەتى ماسە­لەلەرى بويىنشا وزگەرىستەر مەن تولىقتىرۋلار ەنگىزۋ تۋ­را­لى» زاڭ جوبالارىنىڭ تۇجىرىم­داما­لارى قاراستى­رىل­دى. اتالعان ماسەلەلەر بويىنشا ىشكى ىستەر جانە ادىلەت مينيسترلىكتەرىنىڭ اقپا­راتتارى تىڭدالدى. وتكىزىلگەن قۇقىقتىق ساياسات جونىندەگى كەڭەس پەن جوعارى سوت كەڭەسىنىڭ بىرلەسكەن جانە قۇ­قىق­تىق ساياسات جونىندەگى كەڭەس وتىرىستارىنىڭ ۇسى­نىمدارى قازاقستان رەسپۋبليكاسىنداعى زاڭنامانى جانە قۇقىق قولدانۋ قىزمەتىن ءارى قاراي جەتىلدىرۋدە ەسكەرىلەتىن بولادى. قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك-قۇقىق ءبولىمى.