02 شىلدە، 2011

اق جول، وفيتسەر مىرزالار!

233 رەت كورسەتىلدى
ادىلەت مينيسترلىگىنە قاراستى قىلمىستىق-اتقارۋ جۇيەسىنە ماماندار دايارلاۋدى جۇزەگە اسى­راتىن ورتالىق ازيا ايماعىن­داعى جەكە-دارا مامانداندى­رىل­عان ءبىلىم بەرۋ مەكەمەسى – قى­ل­مىس­تىق-اتقارۋ جۇيەسى كوميتە­تى­نىڭ اكادەمياسىنا جۇكتەلەتىن جاۋاپكەرشىلىك جۇگى سالماقتى. ەلبا­سىنىڭ حالىققا «بولاشاقتىڭ ىرگەسىن بىرگە قالايمىز» اتتى جول­داۋىندا قۇقىق قورعاۋ ورگاندارى قىزمەتىنىڭ بەدەلىن ودان ءارى نى­عايتۋ بويىنشا تالاپتارى شەڭ­بەرىندە كاسىبي ءبىلىم بەرۋ تاپسىر­مالارىن شەشۋدە اكادەميا قا­بىر­عاسىنان «قۇقىق قورعاۋ قىز­مەتى» جانە «پسيحولوگيا» ما­مان­دىقتارى بويىنشا 132 مامان داي­ىندالىپ شىعارىلۋدا، سونىڭ ىشىندە 8-ءى ۇزدىك ديپلوم يەگەرلەرى. ۇزدىك وقىپ، قوعامدىق جۇمىس­تارعا بەلسەندى قاتىسىپ، عىلىم­دا، سپورتتا، ونەردە جەتكەن جەتىستىكتەرى ءۇشىن اكادەميانىڭ «ال­تىن كى­تابىنا» ادىلەت لەيتەنانت­تارى ە.حا­كيموۆ، ز.ەرلانقىزى، گ.قا­زي­حانوۆا، ر.كالياروۆا ەنگىزىلدى. مەرەكەلىك شاراعا ءادم قاج كوميتەتى توراعاسى ادىلەت گەنەرال-مايورى س.قۇسەتوۆ، قوستاناي وب­لىسى اكىمدىگىنىڭ باسشىلارى، وب­لىستىق قۇقىق قورعاۋ ورگاندا­رىنىڭ باسشىلارى مەن وقۋ ور­ىندارىنىڭ رەكتورلارى، وقۋ ور­نى­مىزدىڭ ارداگەرلەرى مەن تۇلەك­تەردىڭ تۋعان-تۋىستارى قاتىستى. تۇلەكتەردى وقۋ ءبىتىرۋ سالتانا­تى­مەن قۇتتىقتاعان س.قۇسەتوۆ  قىل­مىستىق-اتقارۋ جۇيەسى ورگاندارى قىزمەتكەرلەرىنىڭ انتىنا ادال، ءۋا­دەسىنە بەرىك بولىپ، بەدەلىن كوتەرىپ، ەلىمىزدىڭ ونەگەلى ازامات­تارى بولۋلارىنا اق جول تىلەدى. اكادەميا باستىعى ادىلەت پولكوۆنيگى ق.ۇقانوۆ تا جينالعان قاۋىم مەن جاس تۇلەكتەردى  مەرەكەلەرىمەن قۇتتىقتاپ، اتالعان كۋرستىڭ اكادەميانىڭ ماقتانىشىنا اي­نال­عانىن ايتا وتىرىپ، وسىنداي تىڭداۋشىلارعا 4 جىل بويى بەدەلدى دە سىيلى كوشباسشى بولىپ كەلگەن كۋرس باستىعى ادىلەت كا­پيتانى ازامات كوسەۋباەۆقا شەكسىز العىسىن ءبىلدىرىپ، ماراپات­تادى. مەرەكەلىك شاراعا جينالعان قاۋىم دا ريزالىقتارىن ۇزدىكسىز سوعىلعان قول شاپالاقتارىمەن قولدادى.  سونىمەن قاتار، اكادەميا سىرتتاي وقىتۋ فاكۋلتەتىنىڭ اعا ادىسكەرى ادىلەت پودپولكوۆنيگى ەرلان وتەبەكوۆ قوستاناي وبلىسى اكىمىنىڭ ماقتاۋ قاعازىمەن ما­راپاتتالدى. «ەگەمەن-اقپارات».
سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار