ءبىلىم ورداسى جاس عالىمداردىڭ باسىن قوستى

س. امانجولوۆ اتىنداعى شى­عىس قازاقستان مەملەكەتتىك ۋنيۆەر­سيتەتىندە تاۋەلسىزدىكتىڭ 20 جىل­دى­عىنا ارنالعان «پوستين­دۋس­تري­ال­دىق الەم: عىلىم شىعىس پەن با­تىس سۇحباتىندا» اتتى حالىق­ارا­لىق جاستار فورۋمى بولىپ ءوتتى. شەكارالاس ەلدەر – قازاقستان, رەسەي, موڭعوليا, قىتاي جوعارى وقۋ ورىندارىنىڭ جاس عالىم­دا­رى, سونىمەن قاتار, ۋكراينا, يتاليا, شوتلانديا, پولشا, گەرمانيا, يزرايل جانە تۇركيا ەلدەرىنەن كەلگەن وكىلدەر ەكى كۇن بويى ين­نوۆا­تسيا­لىق فورمالاردى دامىتۋ, عىلىمي باستامالار مەن جوبا­لار­دى دا­مى­تۋ تۋرالى پىكىر الماستى. ءىس-شارانىڭ ءبىرىنشى كۇنى شەتەل دەلەگاتسياسىنىڭ اباي ەسكەرتكىشىنە گۇل شوقتارىن قويۋ ءراسى­مى­نەن باستالدى. بۇدان سوڭ س. امانجولوۆ اتىنداعى شقمۋ-دىڭ №5 عيماراتىنداعى اكت زالىندا «التاي – ءبىزدىڭ ورتاق ءۇيىمىز» اتتى قازاقستان, رەسەي, موڭعوليا جانە قى­تاي جوعارى وقۋ ورىندارى عى­لى­­م­ي جەتىستىكتەرىنىڭ كورمەسى, سو­نى­­مەن قاتار, اتالمىش فورۋمى­نىڭ پلەنارلىق وتىرىسى بولىپ ءوتتى. وتىرىستا وبلىستىق ءماسلي­حات­تىڭ حاتشىسى ۆاسيلي احاەۆ, رەسەيدەگى التاي ولكەسى گۋبەرنا­تو­رى­نىڭ ورىنباسارى بوريس لارين, قازاقستان-امەريكان ەركىن ۋني­ۆەر­سيتەتىنىڭ پرەزيدەنتى ەرەجەپ مامبەتقازيەۆ جانە باسقالار ءسوز سويلەدى. – قىتاي مەن قازاقستان باي­لانىس تامىرىن تەرەڭنەن تارتقان كورشى ەلدەر. ەكى ەل قاتىناسىنىڭ دامۋىنا بۇگىندە بارلىق جاعداي جاسالعان. ءبىز ەكونوميكالىق تۇر­عى­دا عانا ەمەس, مادەني جانە رۋحاني تۇرعىدا دا اقشامەن ءول­شەۋ­گە كەلمەيتىن ناتيجەلەرگە قول جەت­كىزەمىز دەپ ويلايمىن. بارشا­لارىڭىزدى ەلىمىزگە كەلۋگە, ءوزارا تاجىريبە جانە عىلىم الماسۋعا شاقىرامىن, – دەدى وسى جيىندا سويلەگەن قىتايدىڭ قۇلجا قالا­سىن­داعى ىلە پەداگوگيكالىق ينس­تي­تۋتىنىڭ رەكتورى سەرىجان ۇعى­باي ۇلى. وسىدان كەيىن كەزەك عىلىمي باياندامالارعا بەرىلدى. رەسەيلىك زەرتتەۋشىلەر دميتري چيناحوۆ, ۆيكتور ماركوۆ, اندرەي يۆانوۆ, سونداي-اق وتاندىق عالىمدار قۋا­نىش بەكماعانبەتوۆ پەن الميرا جىلقاشىنوۆا التايدىڭ ەكونو­مي­كالىق, تۋريستىك, وندىرىستىك, ءما­دەني ءارى عىلىمي الەۋەتىن ارت­تى­رۋدىڭ وزىندىك جولدارىن ۇسىندى. س.امانجولوۆ اتىنداعى شقمۋ رەكتورى, فيلولوگيا عىلىمدا­رى­نىڭ دوكتورى, پروفەسسور بەيبىت مامراەۆتىڭ ايتۋىنشا, شىعىس­تىڭ بايىرعى ءبىلىم ورداسى وسى كۇندەرى كورشىلەس ەلدەردىڭ جاس عالىمدارى ءۇشىن سۇحبات الاڭىنا اينالىپ وتىر. التاي جاستا­رى­نىڭ عىلىمعا ايرىقشا قىزىعۋ­شى­لىق تانىتىپ وتىرعانى قۋان-تادى. ەۋرازيالىق ۋنيۆەرسيتەتتەر قاۋىمداستىعى اياسىندا وتكەن بۇل فورۋمدا ءداستۇرلى جانە قالپىنا كەلەتىن ەنەرگيا كوزدەرى, ەكولوگيا جانە بيوتەحنولوگيا, اقپاراتتىق جانە تەلەكوممۋنيكاتسيالىق تەحنولوگيالار جانە تاعى دا باسقا عىلىمنىڭ كەلەشەگى زور با­عىت­تارى بويىنشا دوڭگەلەك ۇستەلدەر, شەبەرلىك سىنىپتارى ۇيىم­داس­تى­رىلدى. فورۋم شەڭبەرىندە «ۇلكەن ال­تاي اۋماعىنداعى حالىقارالىق ىنتىماقتاستىق: ءداستۇر جانە بو­لا­شاق» اتتى ستۋدەنتتەردىڭ 9-شى حالىقارالىق جازعى مەكتەبى ءوز جۇمىسىنا كىرىستى. باسقوسۋلار بارىسىندا ىنتى­ماقتاستىق تۋرالى بىرقاتار مەموراندۋمدار مەن كەلىسىمدەرگە قول قويىلدى. اتاپ ايتساق, شقمۋ مەن ىلە پەدينستيتۋتى قىتايدىڭ قۇلجا قالاسىندا اباي ورتالى­عىن قۇرۋ جونىندە ۋاعدالاستى. وس­ىن­داي ورتالىق قازىر رەسەيدىڭ پول­زۋنوۆ اتىنداعى تەحنيكالىق ۋنيۆەرسيتەتىندە (التاي ولكەسى) تا­بىستى جۇمىس ىستەۋدە. قاتىسۋ­شىلاردىڭ پىكىرىنشە, ەۋرازيا قۇر­­لىعىنداعى ەلدەردىڭ يندۋس­تريا­لىق, عىلىمي-تەحنولوگيالىق دامۋ دەڭگەيى ءارتۇرلى, مىنە, وسى ماسەلەنى شەشۋ ءۇشىن عىلىمداعى ينتەگراتسيالىق ۇدەرىستەردى نى­عاي­تۋ قاجەت. شىعىس پەن باتىس وسى تۇرعىدا ءبىر-ءبىرىن تولىق­تى­رىپ وتىرۋى ءتيىس. – وسكەمەنگە العاش رەت كەلىپ وتىرمىن. قالا وتە ادەمى ەكەن. كەلەشەكتە وسىنداي جيىن, فو­رۋم­داردىڭ ءجيى-ءجيى وتكىزىلىپ تۇر­عانى ءجون. سىزدەردىڭ ستۋدەنتتە­رىڭىز, وقىتۋشىلارىڭىز موڭعو­لياعا, ءبىزدىڭ جاقتىڭ ستۋدەنتتەرى مەن ۇستازدارى وسىندا كەلىپ, ءبىر-بىرىمىزبەن تاجىريبە الماسساق, ور­ىندى بولار ەدى, – دەيدى موڭعو­لياداعى حوبدا ۋنيۆەرسيتەتى با­يان-ولگەي بولىمشەسىنىڭ ستۋدەنتى امانجول تۇگەلباي ۇلى. فورۋم كەلەسى كۇنى جالعاسىپ, اتاپ ايتساق, ۋنيۆەرسيتەتتىڭ باس عيماراتىندا «كەندى التاي «ەس­كى­داستۇرلىلەرىنىڭ» ءتىلى, مادەنيەتى مەن ادەت-عۇرىپتارى» اتتى ۋني­ۆەر­سيتەتارالىق دوڭگەلەك ۇستەل وتىرىسى ءوتتى. سونىمەن بىرگە شاح­ماتتان, ۆولەيبول مەن فۋتبولدان جولداستىق كەزدەسۋلەر, شەبەرلىك سىنىپتارى ۇيىمداستى­رىل­دى. فورۋمنىڭ ەكىنشى كۇنى س. امان­جولوۆ اتىنداعى شقمۋ رەك­تورى بەيبىت مامراەۆ, ىلە پە­داگوگي­كا­لىق ينستيتۋتىنىڭ (قى­تاي) رەك­تو­رى سەرىجان ۇعىباي ۇلى اباي ورتالىعىن كورشى مەم­لە­كەتتىڭ جو­عارى وقۋ ورنىندا قۇ­رىپ, قازاق حالقىنىڭ تاريحى, ءما­دەنيەتى مەن ءتىلىن تەرەڭ مەڭگەرۋ جونىندە ىن­تىماقتاس­تىق­قا قول قويدى. فورۋم قارارى قابىلدانىپ, وندا شقمۋ-دىڭ جاس عالىم­دار­دىڭ ەۋرازيالىق كلۋبىن قۇرۋ يدەيا­سى قولداۋ تاپتى. وڭداسىن ەلۋباي, وسكەمەن.