02 شىلدە، 2011

ءسات ساپار، كوكشە وفيتسەرلەرى!

243 رەت كورسەتىلدى
توتەنشە جاعدايلار مينيسترلىگىنە قاراستى كوكشەتاۋداعى تەحنيكالىق ينستيتۋت – ءورت قاۋىپسىزدىگى سالاسىندا بىلىكتى وفيتسەرلەر دايارلايتىن بىرەگەي جوعارى وقۋ ورنى. بۇگىنگى كۇنگە دەيىن مۇندا 2،5 مىڭنان استام مامان تۇلەك قاناتتانىپ، ابىرويلى قىزمەتىمەن تانىلۋدا. ەل تاۋەلسىزدىگىنىڭ 20 جىلدىعىمەن تۇسپا-تۇس كەلىپ وتىرعان بيىلعى تۇلەكتەرىنە جولداما بەرۋ سالتاناتى دا تاۋەلسىزدىك الاڭىندا وتكىزىلدى. توتەنشە جاعدايلار ءمينيسترى ۆلاديمير بوجكو، اقمولا وبلىسىنىڭ اكىمى سەرگەي دياچەنكو جاس وفيتسەرلەر مەن وقۋ ورنىنىڭ وقىتۋشى-كوماندالىق قۇرامىن، اتا-انالار مەن جينالعان قاۋىمدى قۇتتىقتاپ، العىر ۇلاندارعا تابىس تىلەدى. ينستيتۋتتىڭ كۇندىزگى ءبولىمىنىڭ 75 تۇلەگى مەن رەسەي تجم اكادەمياسىن بىتىرگەن 4 ادامعا ورتكە قارسى قىزمەت لەيتەنانتى پوگوندارى، ال وقۋ وزاتتارىنا «وقۋ ورنىن ۇزدىك بىتىرگەنى ءۇشىن» توسبەلگىلەرى جانە ديپلومدار تاپسىرىلدى. شاتتىق شاراسىن مينيستر جانە اكىممەن بىرگە  تجم ورتكە قارسى قىزمەت كوميتەتىنىڭ توراعاسى گەنەرال-مايور س.اۋباكىروۆ، «نۇر وتان» حدپ وبلىستىق فيليالى توراعاسىنىڭ ءبىرىنشى ورىنباسارى ع.شويكين، مينيسترلىكتىڭ ارداگەرلەر كەڭەسىنىڭ توراعاسى ق.توقسارين اتقاردى. سالتانات سوڭى «وفيتسەرلىك ۆالسكە» ۇلاستى. باقبەرگەن امالبەك، كوكشەتاۋ.
سوڭعى جاڭالىقتار

ۇقساس جاڭالىقتار