كەزدەسۋلەر وتكىزدى

كەشە استانادا قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ يىۇ سىمك 38-ءشى سەسسياسىنىڭ جۇمىسى شەڭبەرىندە بىرقاتار ەكىجاقتى كەزدەسۋلەر وتكىزدى, دەپ حابارلادى وسى ۆەدومستۆونىڭ ءباسپاسوز قىزمەتى. پرەزيدەنت نۇرسۇلتان نازارباەۆتىڭ برۋنەي دارۋسسالامعا اعىمداعى جىلعى ساپارىن ۇيىمداستىرۋ سۇراقتارى وسى ەلدىڭ سىرتقى ساياسي ۆەدومستۆوسىنىڭ باسشىسى موحامماد بالكياحپەن كەزدەسۋ بارىسىندا تالقىلاندى. باحرەين سىرتقى ىستەر ءمينيسترى حالەد ال حاليفپەن كەزدەسۋ بارىسىندا ەكى ەلدىڭ سىرتقى ساياسي ۆەدومستۆوسى اراسىنداعى ءوزارا ىنتىماقتاستىق جاي­ىن­دا مەموراندۋمعا قول قويىلدى. ايماقتىق قاۋىپسىزدىك پەن قازاق­ستان­نىڭ قاتىسۋىمەن اۋعانستاندى ەكو­نوميكالىق قايتا وڭالتۋ ماسەلەسى وسى ەلدىڭ سىرتقى ىستەر ءمينيسترى زالمان را­سۋلمەن بولعان كەزدەسۋدە قاراس­تى­رىل­دى. يندونەزيا سىرتقى ىستەر ءمينيسترى مارتي نالەگاۆامەن كەزدەسۋ اياسىندا ىن­تىماقتاستىقتىڭ ايماقارالىق اسپەك­تىلەرى قوزعالدى. ازەربايجان سىرتقى ىستەر ءمينيسترى ەلمار مامەدياروۆپەن كەزدەسۋدە ىن­تى­ماقتاستىقتىڭ اعىمداعى ماسەلەلەرى قاراستىرىلدى. اۆستراليا سىرتقى ىستەر ءمينيسترى كەۆين راددپەن كەزدەسۋ بارىسىندا اي­ماقتىق بىرلەستىكتەر شەڭبەرىندەگى ءوزارا ىقپالداستىق ماسەلەلەرى جانە ساۋدا-ەكونوميكالىق ىنتىماقتاستىقتى كە­ڭەي­تۋ سۇراقتارى قاراستىرىلدى. اۆس­ترا­ليالىق مينيستر الماتى قالاسىندا ءوز ەلىنىڭ ساۋدا وكىلدىگىن اشۋ جونىندە جوسپارلاپ وتىرعانىن جەتكىزدى. سول كۇنى قازاقستان سىرتقى ساياسي ۆەدومستۆونىڭ باسشىسى ورتالىق ازيا ەلدەرى جونىندە يكۇ ءىس-قيمىل جوسپا­رى بويىنشا جوعارى دەڭگەيدەگى كەزدەسۋگە قاتىستى.