جول تۇزەلسە – قوزعالىس كىدىرىسسىز

بۇگىندەرى استانادا جول جوندەۋ جۇمىستارى ءجۇرىپ جات­قاندىعى بەلگىلى. بۇل رەتتە ەلوردانىڭ وڭ جاعا­لاۋ­ىنداعى اۆتوجول ينفرا­قۇ­رىلىمىن جاقسارتۋدا جول قۇرىلىس جۇمىستارى ماۋسىمنىڭ باسىندا استانا قالالىق جولاۋشىلار كولىگى جانە اۆتوموبيل جولدارى باسقارماسى 23,7 شاقىرىم جول سالۋدى, 10 شاقىرىم جولدى جوندەۋدى 18,5 شا­قى­رىم جولدى قايتا جاڭار­تۋ­دى, سونداي-اق قالاعا قو­سى­لىپ كەتكەن تۇرعىن الاپتا­رىنداعى 55,7 شاقىرىم جول سالۋدى جوسپارلاپ وتىر. قازىرگى ۋاقىتتا 9 ءىرى نى­ساندارعا قۇرىلىس جۇرگى­زىلۋ­دە دەسەك, سونىڭ ءبىرى جە­ڭىس داڭعىلى مەن يمانوۆ كوشەلەرىن قايتا جاڭارتۋ. جەڭىس داڭعىلىن قايتا جا­ڭارتۋ جوباسىن ىسكە اسىرۋ الەۋمەتتىك جانە ەكونوميكا­لىق ماسەلەلەردى كەشەندى شە­شۋ ماسەلەسىنە ارنالىپ, جالپى حالىقتىڭ تۇرمى­سىن جاقسارتۋعا ارنالعان. اتالعان جوبا ءتورت كەزەڭدە ىسكە اسىرىلماق. قازىر بۇل جوبانىڭ ءبىرىنشى جانە ەكىنشى كەزەڭدەرى قولعا الىنعان. ۆوكزالدان ەسەنبەرلين كو­شە­سىنە دەيىن جۇرەتىن جول قام­تاماسىز ەتىلسە, قامتىل­عان ايماقتاردى جايلاس­تى­رۋ بويىنشا دا جۇمىستار ءوز رەتىمەن وربۋدە. 17 ماۋسىمنان باعدارلا­ما­نىڭ ءۇشىنشى جانە جانە ءتورتىنشى كەزەڭىنە كىرىسۋ جۇ­مىسى جوسپارلانعان. وسى­عان بايلانىستى اتالعان كۇننەن ءا.مولداعۇلوۆا كو­شە­سىنەن بوگەنباي باتىر داڭ­عىلىنا دەيىن جانە وسى داڭعىلدان كەنەسارى كوشەسىنەن باستاپ جەڭىس داڭعىلىنا دەيىن جول قاتىناسى جابىلماق. بۇرىنعى سالىنعان قۇ­رى­لىس جۇيەلەرى بويىنشا كوممۋنيكاتسيا جەلىلەرى جە­ڭىس داڭعىلىنىڭ بارلىق ۇزىن­دىعى بويىنشا ءوزارا بايلانىستى جۇيەمەن قا­لىپ­تاسقان. جىلۋ بەرۋ ماۋ­سىمىنا دەيىن قۇرىلىس جۇ­مىستارىن ۇلگەرۋ ءۇشىن جانە تۇرعىنداردى بولاشاقتا سۋمەن ۇزدىكسىز قامتاماسىز ەتىپ تۇرۋ ءۇشىن اتالعان كوشەنىڭ ينفراقۇرىلىمىن تولىق جابۋ جونىندە شەشىم قا­بىلدانعان. يمانوۆ كوشەسىن قايتا جاڭارتۋ جۇمىستارى ءۇش كە­زەڭمەن جۇزەگە اسىرىلادى. وعان يانۋشكەۆيچ كوشەسىنەن برۋسيلوۆسكي كوشەسىنە دەيىن, برۋسيلوۆسكي كوشەسى­نەن ءۋاليحانوۆ كوشەسىنە دەيىن جانە ءۋاليحانوۆ كوشە­سىنەن رەسپۋبليكا داڭعى­لىنا دەيىنگى ۋچاسكەلەردى كە­زەڭ-كەزەڭمەن قايتا قۇرۋ جوسپارلانعان. قازىرگى تاڭدا بۇل كەشەندى شارالاردىڭ ءبىرىنشى كەزەڭى اياقتالۋ ۇستىندە. ءابدىراحمان قىدىربەك.