يگىلىكتى جوبالار

ون بەسىنشى پەتەربۋرگ حا­لىق­ارالىق ەكونوميكالىق فو­رۋ­مى اياسىندا قازاقستان ەلشىسى زاۋىتبەك تۇرىسبەكوۆ  رەسەيلىك جانە شەتەلدىك بىرقاتار كوم­پا­نيالاردىڭ باسشىلارىمەن كەزدەستى. مىسالى, اتاقتى «مەچەل» اشىق اكتسيونەرلىك قوعامى ديرەكتورلار كەڭەسىنىڭ ءتور­اعا­سى ي.ۆ.زيۋزينمەن جانە كوم­پا­نيا­نىڭ  مەملەكەتتىك ورگاندارمەن ءىس-قيمىل جونىندەگى ءبىرىنشى ۆيتسە-پرەزيدەنتى ۆ.تريگۋبكومەن اڭگىمەلەسكەن كەزدە   ءوزارا ىن­تى­ماقتاستىقتىڭ  جانە قازاق­ستان اۋماعىندا بىرلەسكەن پەرس­پەكتيۆالى  جوبالاردى ىسكە اسى­رۋدىڭ ماسەلەلەرى تال­قىلاندى. ەلشىلىكتىڭ «نۇر وتان» جانە «ەدي­نايا روسسيا» پارتيالارى­نىڭ قولداۋىمەن قولعا العان رجەۆ-ۆيازما شايقاسىنىڭ مۇ­را­جايىن قۇرۋ جولىنداعى قىز­مەتى تۋرالى بايانداپ, «مەچەل» باسشىلىعىن وسىناۋ يگىلىكتى جوباعا قاتىسۋعا شاقىردى. ال مەملەكەتتىك ەرميتاج باسشىلىعىمەن كەزدەسۋ كەزىندە بىرلەسكەن عىلىمي ەكسپەديتسيا­لار مەن زەرتتەۋلەر,  كورمەلەر, مۇراجاي قىزمەتكەرلەرىنىڭ بىلىكتىلىگىن ارتتىرۋ كۋرستارىن  ۇيىمداستىرۋ, ارناۋلى ادە­بيەت­تەرمەن الماسۋ سالا­سىن­داعى ىنتىماقتاستىقتىڭ جايى اڭگىمە بولدى. سۇحباتتاسۋ با­رىسىندا تۇركىستان قالاسىندا­عى «ازىرەت سۇلتان»  تاريحي-مادەني مۇراجايىنىڭ بازاسىن­دا مەملەكەتتىك ەرميتاج قو­رىن­داعى ەكسپوناتتاردى ەكسپو­زيتسيالاۋ  جونىندە ۋاعدالاس­تىق­قا قول جەتتى. ەگەر ءساتىن سالىپ, وسى ءۋا­دە­لەس­تىك ويداعىداي  جۇزەگە اسىپ جاتسا, وندا كەزىندە قوجا احمەت ياساۋي كەسەنەسى ءۇشىن ار­نايى تاپسىرىسپەن ءحىV عا­سىر­دا التىن مەن كۇمىس قوسىپ جا­سالعان ايگىلى شىراقشام – شى­راعدان جۇرتشى­لىق­تىڭ نازا­رى­نا ۇسىنىلىپ, بۇ­رىنعى قۇت­تى مەكەنىندە قايتا توبە كور­سەتىپ قالۋى ابدەن   ءمۇم­كىن.  سو­نىمەن بىرگە, كەزدەسۋدە ور­تا­لىق ازياداعى كوشپەلى حا­لىق­­تاردىڭ ورتاعاسىرلىق مادە­نيەتىمەن بايلانىستى باسقا دا ەكسپوناتتاردى كوبىرەك كورسەتۋ  جايىنا  نازار اۋدارىلدى. ەلشىنىڭ سانكت-پەتەربۋرگكە ساپارى ادەتتەگىدەي  وسى قالادا تۇراتىن وتانداستارمەن كەزدەسۋگە ۇلاستى. ەلشى جينال­عان­داردى قازاقستان پرەزيدەنتى – ەلباسى ن.ءا.نازارباەۆتىڭ  بي­ىل­عى حالىققا جولداۋىنىڭ نەگىزگە ەرەجەلەرىمەن تانىستى­رىپ,  ەلىمىزدىڭ ەكونوميكالىق-الەۋمەتتىك جانە يندۋس­تريا­لىق-يننوۆاتسيالىق دامۋ جەتىستىكتەرىمەن  تانىستىردى. سەرىكقالي بايمەنشە, «ەگەمەن قازاقستان» – ماسكەۋدەن.