ءماجىلىستىڭ جالپى وتىرىسى وتەدى

كۇن تارتىبىنە سايكەس دەپۋ­تاتتاردىڭ تالقىسىنا  «قا­زاق­ستان رەسپۋبليكاسىنىڭ كەيبىر زاڭنامالىق اكتىلەرىنە اسىل تۇ­قىمدى مال شارۋاشىلىعى ءما­سە­لەلەرى بويىنشا  وزگەرىستەر مەن تولىقتىرۋلار ەنگىزۋ تۋ­را­لى» زاڭ جوباسى ەكىنشى وقى­لىم­دا ۇسىنىلادى. بۇل جوبا­نىڭ ەكىنشى وقىلىمعا دايىن­دالۋى تۋرالى ءماجىلىستىڭ اگ­رارلىق ماسەلەلەر كوميتەتىنىڭ مۇشەسى پەتر دميتريەنكو بايانداما جاسايدى دەپ كۇتىلۋدە. ال ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى امانعوس وتەگەنوۆ پەن قارجى جانە بيۋدجەت كومي­تە­تىنىڭ مۇشەسى باۋىرجان سمايلوۆ تيىسىنشە تۇرعىن ءۇي قاتى­ناستارى جانە يسلامدىق قار­جى­لاندىرۋدى ۇيىمداستىرۋ ءما­سەلەلەرىن قاراستىراتىن زاڭ جو­باسىنا سەنات ەنگىزگەن وزگە­رىستەر جونىندە بايانداپ بەرەدى. پالاتا دەپۋتاتتارى «2001 جىلعى 16 قاراشاداعى قازاق­ستان رەسپۋبليكاسىنىڭ ۇكىمەتى جانە وزبەكستان رەسپۋبليكاسى­نىڭ ۇكىمەتى اراسىنداعى قا­زاق­ستان-وزبەك مەملەكەتتىك شە­كاراسى ارقىلى وتكىزۋ پۋنكتتەرى تۋرالى كەلىسىمگە حاتتامانى راتيفيكاتسيالاۋ تۋرالى» زاڭ جوباسىن تالقىعا سالادى. اتال­عان قۇجاتتىڭ ماقساتى تۋرالى قازاقستان رەسپۋبليكاسى ۇلت­تىق قاۋىپسىزدىك كوميتەتى ءتور­اعا­سىنىڭ ورىنباسارى – شەكارا قىزمەتىنىڭ ديرەكتورى نۇر­جان مىرزاليەۆ بايانداما جا­ساي­تىنى كوزدەلگەن. حالىقارا­لىق ىستەر, قورعانىس جانە قاۋىپ­سىزدىك كوميتەتىنىڭ مۇشەسى ءۋاليحان قوڭىرباەۆ قوسىمشا تۇسىنىك بەرەدى. جالپى وتىرىستىڭ كۇن تارتىبىنە باسقا دا ماسەلەلەر ەنگىزىلگەن.