ءبىلىم كوكجيەگىندەگى ءوزارا ىقپالداستىقتار

جۋىردا رەسەي فەدەراتسياسىنىڭ استاناسى ماسكەۋ قالا­سىن­دا حالىقارالىق عىلىمي-تەحنيكالىق ورتالىقتىڭ باعدار­لاۋ­شىلار كەڭەسىنىڭ 53-ءشى ءماجىلىسى بولىپ ءوتتى. اتالمىش شاراعا ەلىمىزدىڭ اتىنان قازاقستان رەسپۋبليكاسى ءبىلىم جانە عىلىم ءمينيسترى باقىتجان جۇماعۇلوۆ قاتىستى. جيىن با­رىسىندا مينيستر الەمدىك عىلىمي-تەحنيكالىق ۇدەرىستەر­دىڭ جەتىستىكتەرى جايلى ءسوز قوزعاپ, تمد ەلدەرى اراسىنداعى اتال­مىش با­عىتتىڭ قارقىنىمەن وي ءبولىستى. ماجىلىستە حعتو جوبالارىنىڭ ىسكە اسىرىلۋ ناتيجەلەرى تال­قىلاندى. سونداي-اق, كوپ قىرلى عىلىمي-تەحنيكالىق ۇيىمدى قۇرۋ قاجەتتىلىگى تۋرالى دا ءسوز بولدى. ەڭ باستىسى, 2011 جىلعى تۇراقتى دامۋدى جوسپارلاۋ ماسەلەلەرى قاراستىرىلدى. قازاقستان رەسپۋبليكاسى ءبىلىم جانە عىلىم ءمينيسترى باقىتجان جۇماعۇلوۆ وڭدەۋ جانە جاڭا تەحنولوگيالاردى كوممەرتسيالاندىرۋ ورتالىعىن دامىتۋ قورىن ارالاپ شىقتى. وندا «سكولكوۆ» قورىنىڭ وبەكتىلەرىندە بولىپ, قازاقستاندىق جانە رەسەيلىك عالىمداردىڭ عىلىمي جەتىستىكتەرىنە بايلانىستى وي-پىكىرلەرمەن تانىستى. سونداي-اق, ول رف ءبىلىم جانە عىلىم ءمينيسترى ا. فۋرسەنكومەن كەزدەسىپ, ءبىلىم, عىلىم جانە يننوۆاتسيا سالاسىنداعى ەكى جاقتى ىنتىماقتاستىق ماسەلەلەرىن تالقىلادى. «ەگەمەن-اقپارات».