ساقشىلار كولىك ءمىندى

باتىسقازاقستاندىق پوليتسەيلەر جاڭا كولىكتەرگە يە بولدى. باتىس قازاقستان وبلىسى اكىمىنىڭ ءبىرىنشى ورىنباسارى نۇرلان نوعاەۆ وبلىستىق ىشكى ىستەر دەپارتامەنتىندە بولىپ, سۋ جاڭا 26 جەڭىل اۆتوكولىك, 2 اۆتوبۋس, 1 تراكتوردىڭ كىلتىن تابىس ەتتى. وبلىس بيۋدجەتىنەن قارجىلاندىرىلىپ, قۇنى 120 ميلليون تەڭگەگە ساتىپ الىنعان بۇل تەحنيكالار وبلىستىق جول پوليتسياسى باسقارماسىنا, ورال قالالىق ىشكى ىستەر باسقارماسىنا, ءبورلى جانە زەلەنوۆ اۋداندىق ىشكى ىستەر بولىمدەرىنە ءبولىندى. – ۋچاسكەلىك پوليتسيا ينسپەكتورى – ىشكى ىستەر ورگاندارىنىڭ الدىڭعى شەپتەگى جاساعى. سول سەبەپتى ولاردىڭ جۇمىستارى قىزمەت ات­قا­راتىن اۋماقتا ۇنەمى بولۋدى تالاپ ەتەدى. وبلىس ورتالىعى ما­ڭىن­داعى ەلدى مەكەندەردىڭ تەز دامۋىنا بايلانىستى ۇكىمەتتىڭ «قوعامدىق ءتارتىپتى نىعايتۋ جانە ىشكى ىستەر مەكەمەلەرى ۋچاسكەلىك پوليتسيا ينس­پەكتورلارىنىڭ ءرولىن ارتتىرۋ بويىنشا قوسىمشا شارالار تۋرالى» قاۋلىسىنا سايكەس, ورال قالاسى اكىمدىگى تاراپىنان تۇرعىندارعا قىز­مەت كورسەتۋ ءۇشىن ۋچاسكەلىك پوليتسيا پۋنكتتەرىن كوبەيتۋ تۋرالى شەشىم قابىلداندى. بۇگىن, مىنە, دەركولدە پوليتسيا بەكەتى اشىلدى, – دەدى نۇرلان نوعاەۆ. ءوز كەزەگىندە ءسوز العان بقو ءىىد باستىعى پوليتسيا گە­نە­رال-مايورى ارمان جالمۇحانبەتوۆ, ساقشىلارعا جاساعان وسىنداي كو­مەگى ءۇشىن وبلىس, قالا اكىمىنە العىسىن جەتكىزدى. فاتيحوللا ماشتاقوۆ, پوليتسيا پولكوۆنيگى. باتىس قازاقستان وبلىسى.