داۋىل

«قازگيدرومەت» مەملەكەتتىك قا­زىنالىق كاسىپورنىنىڭ حا­بار­لاۋىنشا, 27 ماۋسىمدا الماتى قا­لاسىندا جەلدىڭ كۇشى سەكۋن­دىنا 11 مەترگە, تاۋلى جەرلەردە 13-16 مەترگە, ال «مەدەۋ», «كامەنسكوە پلاتو», «بۋتاكوۆكا» ەلدى مەكەندەرى ماڭىندا 26 مەترگە جەت­كەن. توتەنشە جاعداي سال­دا­رىنان 4 ادام ءتۇرلى دەنە جا­را­قاتىن الىپ, ولار №7 جانە №12 قالالىق اۋرۋحانالارعا ورنالاس­تىرىلعان. قالانىڭ جوعارعى جا­عىندا ورنالاسقان «بالبۇلاق» شي­پاجايىنان 41 بالا, 11 اتا-انا, 20 قىزمەتكەر, «الاتاۋ» شي­پا­جايىنان 42 بالا قاۋىپسىز اي­ماققا كوشىرىلىپ, جالپى سانى 114 ادامعا كومەك كورسەتىلگەن. قالا بويىنشا 0,4 كۆت-قا دەيىنگى ەل­ەكتر تاسىمالداۋشى اۋە جەلىلەرى ءۇزىلىپ, بوستاندىق, المالى جانە اۋەزوۆ اۋداندارىندا 13 قوسالقى ەلەكتر ستانسالارى ىستەن شىققان. كوشە بويىنداعى كولىك­تەر­گە, كىسى جۇرەتىن جولدارعا 19 اعاش قۇلاۋ وقيعاسى تىركەلىپ, بوس­تاندىق پەن مەدەۋ اۋدان­دارىندا 17 ءۇيدىڭ شاتىرى ۇشىپ كەتكەن. بۇل داۋىلدان كەلگەن شىعىن. ال ەندى بۇرشاق ارالاس جاۋىن­نىڭ سالدارى ءوز الدىنا ءبىر توبە. قالاداعى ارىق جولدارىن تولىق تازارتىپ ۇلگەرمەگەندىكتەن, سۋ كوشەلەردە سەل بوپ اعىپ, جەكەلەگەن اۋدانداردا جەرتولەلەر مەن جەر ۇيلەردى سۋ باسۋ وقيعاسى تىركەلدى. ەسەنتاي وزەنىنىڭ باتى­سىن­دا ورنالاسقان ءال-فارابي داڭ­عى­لى بويىنداعى جەر استى اۆتوموبيل جولى سۋعا تولىپ كەتىپ, ونى قالپىنا كەلتىرۋ ىسىمەن الماتى قالالىق توتەنشە جاعدايلار دە­پار­تامەنتىنىڭ ءورت ءسوندىرۋ قىز­مە­تى جانە قالالىق «قۇتقارۋ قىز­مەتى» مەكەمەسى اينالىستى. كىشى الماتى شاتقالى جەل تۇر­سا جاپا شەگەتىن ايماققا اي­نالعانىن جاسىرماۋ كەرەك. بۇل جولى دا 520 اعاش قۇلاپ, «بۋتاكوۆكا» مەن «مەدەۋ» كەشەنىنە كىرەبەرىستەگى ەكولوگيالىق بەكەتكە با­راتىن كولىك جولى تاعى دا جا­بى­لىپ قالعان. دولى داۋىل 1 بيل­بورد­تى, 7 جول بەلگىسىن, 2 اۆتوبۋس ايال­داماسى مەن 12 ەلەكتر جەلىسىن جارامسىز ەتىپ قاتتى زاقىمداعان. تەك كەشكىسىن عانا ءبىر باعىت بوي­ىنشا كولىك جولى اشىلىپ, زا­قىم­دالعان 14 كولىك پەن وزگە دە 123 كولىك قاۋىپسىز ورىنعا كوشىرىلگەن. قازىر «مەدەۋ», «كامەنسكوە پلاتو», «بۋتاكوۆكا» ماڭىندا قۇ­لا­عان اعاشتار سانى بەس مىڭعا جەتىپ وتىر. ال قالا بويىنشا 161 اعاش وپىرىلىپ تۇسكەن. ءتو­تەنشە جاعدايلار دەپارتامەنتى مەن ارنايى قۇرىلعان توپ جول جيەكتەرىندەگى اعاشتاردى تازارتۋ ىسىمەن قىزۋ اينالىسىپ جاتىر. قانات ەسكەندىر, الماتى.