ونەر ۇجىمى جەتكەن جەتىستىك از ەمەس

سەمەيدەگى امىرە قاشاۋ­باەۆ اتىنداعى مەملەكەتتىك فيلارمونيادا   ءبۇ­گىندە جەتى بىردەي شىعارما­شى­لىق ۇجى­مى تۇراقتى تۇردە جۇمىس ىستەپ كەلەدى. فيلارمونيا باس­شىسى ورازعالي سەيىت­قازى «بيبىگۇل» حالىق اسپاپ­تارى وركەسترىنىڭ ءارى كوركەم­دىك جەتەكشىسى, ءارى باس ديريجەرى. سەمەيدەن شىققان ساڭلاق ءانشى بيبىگۇل تولەگەنوۆانىڭ قۇر­مەتىنە وراي ۇيىمداس­تى­رىل­عان بۇل وركەستردىڭ جۇمىس جاساي باستاعانىنا ونشاقتى جىل­دىڭ ءجۇزى بولدى. بيبىگۇل احمەتقىزى سەمەيگە كەلگەن ءار ساپارىندا وسى وركەستر سۇيەمەلدەۋىمەن شىر­قاتا ءان سالعاندى ۇناتاتىن­دىعى باي­قا­لادى. مادەنيەت قايراتكەرى را­قىم­عالي مىرجىقباەۆ جەتەكشىلىك ەتەتىن كامەرالىق وركەستر دە سەمەيلىكتەر ماقتا­نى­شى. «سلاۆيانكا» ورىس حا­لىق اسپاپتارى  جانە «كەربەز» فولكلورلىق انسامبلدەرى, ەس­ترادالىق «مۇنار», «اسىل مۇ­را» مەن «التىن ادام» ەت­نو­گرافيالىق توپتارى دا ءبۇ­گىن­دە قالىڭ كورەرمەنگە كە­ڭى­نەن تانىمال. فيلارمونيادا مۇ­نىڭ سىرتىندا بابالارعا ار­نال­عان ءۇش كونتسەرتتىك بريگادا جانە «شاكارىمنىڭ مۋزى­كا­­لىق مۇراسى», «ابايدى تىڭ­دا, تاڭىرقا», «پۋشكين جانە اباي مۋزىكا الەمىندە», «كلاس­­سيكا­لىق مۋزىكا قۇدىرەتى», «مۋزى­كا اسپاپتارىنىڭ تاري­حى» اتتى ءدارىس-كونتسەرتتەر وتكىزە­تىن توپتار دا جۇمىس ىستەيدى. اۋىل­داعى كورەرمەنگە مادەني قىز­مەت كورسەتەتىن «اسىل مۇرا» ەتنو-ەسترادا­لىق توبى تۋرالى قايتالاپ ايتساق تا ار­تىق ەمەس. ماسە­لەن, سوڭعى ەكى جىل­­دا فيلارمونيا ونەرپاز­دارى اۋىلدىق جەرلەردە 250-گە جۋىق ويىن-ساۋىق قويعان كورى­نە­دى. مۇنىڭ سىر­تىن­دا وسى جىل­دار ىشىندە فيلارمونيا ءان­شى­لەرى وبلىستان تىس ەلىمىزدىڭ باسقا قالالارىندا دا جەتپىستەن استام كونتسەرت قويعان ەكەن. فيلارمونيا ونەرپازدارى اي­ماق­تىق, رەسپۋبليكالىق, ءتىپتى حالىقارالىق ءتۇرلى بايقاۋلاردا توپ جارىپ, بايگە تورىنەن كورى­نىپ كەلە جاتقانىن دا ايتپاسقا بولمايدى. سونىڭ ءبىرى ءانشى گۇلميرا تەمىربەكوۆا ەكى بىردەي رەسپۋبليكالىق, ال دومبىراشى امانجول سامىقوۆ «التىن دوم­بىرا» دەگەن اتپەن اتىراۋ قالا­سىندا وتكەن رەس­پۋبليكالىق كون­كۋرستىڭ لاۋرەا­تى اتاندى. ال بيىلعى جىلى استانا قالاسىندا وتكەن ءداستۇر­لى انشىلەردىڭ امىرە قاشاۋباەۆ اتىنداعى رەسپۋبلي­كالىق كون­كۋرسىندا دارىندى ءان­شى گۇلدا­نا نوعايباەۆا ءجۇل­دەلى ەكىنشى ورىندى يەلەندى. وسى ورايدا وتكەن تاريحقا دا كوز سالا كەتسەك, ارتىقتىق ەتپەس. ايتالىق, ءانشى امىرە اتىنداعى ونەر ۇجىمىنىڭ ەل تاۋەلسىز­دىگى­نىڭ ءبىر جىلدىعىنا وراي ءماس­كەۋدەگى چايكوۆسكي اتىنداعى كونتسەرت زالىندا ەل اتىنان ونەر كورسەتۋى ۇمىتىل­مايتىن وقيعاعا اينالدى  دەسە دە بولادى. ال «بيبىگۇل» حالىق اسپاپ­تارى وركەسترى ونەر ساپارى­مەن استانا مەن الماتىدا ۇدايى بولىپ تۇرادى. مىنە, سوڭعى ءۇش جىلدان بەرى تانىمال ونەر ۇجىمىنا بەلگىلى قوبىزشى, ديريجەر, ورازعالي سەيىتقازى باسشى­لىق جاساپ كەلەدى. تەك سوڭعى ەكى جىلدا عانا ونەر ۇجى­مىنا وتىزعا جۋىق تالاپتى ونەرپازدار قابىلدانىپتى. قالالىق, وبلىستىق اكىمدىك, وبلىستىق مادەنيەت باسقار­ماسى تاراپىنان كورسەتىلىپ جاتقان قامقورلىقتان كەندە ەمەسپىز دەيدى ول. سونىڭ اي­عاعىنداي, «بيبىگۇل» حالىق اسپاپتارى وركەسترى قۇرا­مىنداعى 50 ونەرپازعا جاڭا­دان كيىم تىككىزىلگەن.  سونداي-اق ۇجىمعا 25 ورىندىق اۆتوبۋس  بەرىلگەن.  سولاي دەي تۇرعانمەن, بايىرعى ونەر ورداسىنا ءوز الدىنا جەكە عيمارات بولسا ەش ارتىقتىعى بولماس ەدى. ونداي كۇن دە الىس ەمەس شىعار دەگەن ديرەكتور سوزىنە قوسىلماسقا بولمايدى. ويتكەنى, بۇلار ونداي قۇرمەتكە ابدەن لايىق دەپ بىلەمىز. داۋلەت سەيسەن ۇلى, سەمەي. سۋرەتتە:  ءانشى بيبىگۇل ءتو­لە­گەنوۆا «بيبىگۇل» حا­لىق اس­پاپتارى وركەسترىمەن بىرگە.