كوتتەدجدى قالاشىق

تالدىقورعان شاھارى وب­لىس ورتالىعىنا اينالعان ون جىلدا جاسانعان قىزداي بوي تۇزەدى. وسىلايشا قالا كوپ قاباتتى تۇرعىن ءۇي جانە اسەم مادەني-تۇرمىستىق, سپورت عي­ما­رات­تارىمەن تولىقتى. قالا­عا كىرەبەرىستەگى بوس جاتقان اشىق الاڭدا قۋاتتى تەحنيكالار جۇمىسىن جالعاستىرىپ, قىزۋ ەڭبەك قارقىن العان ەدى. وسى كەزدە «بىلەتىندەر» جاقسى جاڭالىقتى جامىراي جەتكىزىپ ءجۇردى. ەندى, مىنە, سونىڭ شىن­دىعىنا كوز جەتىپ, 100 گەكتاردان استام جەر تەلىمىندەگى بار­لىق ينفراقۇرىلىمى قاراستى­رىلعان بىرنەشە قاباتتان تۇرا­تىن, ءۇش ساناتتى جەكە تۇرعىن ۇيلەر بوي كوتەرەتىندىكتەن حا­لىق ونى قۋانىشپەن قابىل­داۋ­دا. «جەتىسۋ» الەۋمەتتىك-كا­سىپ­­كەرلىك كورپوراتسياسى كوپ­شى­لىكتى اتالعان جوبامەن تا­نىس­تىرىپ, مۇندا ءۇش سانات­تى 690 جەكە ءۇي سالىناتىنىن جەتكىزدى. ولاردىڭ جارتىسى «ەكونوم كلاستى» (100-150 شار­شى مەتر), 30 پايىزى «ستان­دارت كلاستى» (150-230 شارشى مەتر) جانە 20 پايىزى (200 شارشى مەتردەن جوعارى) ەلي­تالى ۇيلەر قۇرايتىن بولا­دى. سونداي-اق بەلگىلەنگەن باعا­نىڭ ەڭ تومەنگىسى شارشى مەترىنە 115 مىڭ تەڭگە, جوعارعىسى 186 مىڭ تەڭگەنى قۇرايدى. ۇلت­تىق كومپا­نيانىڭ باسقارما ءتور­اعاسى با­قىت اتايبەكوۆتىڭ ءما­لىم­دەۋىنشە, ءۇش كەزەڭ بويىنشا جۇزەگە اسى­رىلاتىن جوبا بىرەر جىلدا تو­لىق اياقتالىپ, 33 700-گە جۋىق تۇرعىندى كوتتەدجدى قا­لاشىققا قونىستاندىرۋ جوس­پارلانىپ وتىر. جاڭا قالاشىقتا 600 بالاعا ارنالعان مەكتەپ,  2 بالاباقشا, ەمحانا قۇرىلىستارىنىڭ سىزبا­سى دا نازارعا ۇسىنىلدى. كوتتەدج جوباسىندا سونىمەن قاتار اكىمشىلىك-تۇرمىستىق, كوممەر­تسيا­لىق نىساندار, ساۋدا ويىن-ساۋىق, بيزنەس ورتالىقتارى, كوك كۇمبەزدى مەشىت, قوناق ءۇي, مەيرامحانا, مادەني-تۇرمىستىق ورىن­دار بوي كوتەرىپ, قۇرىلىسقا ساپالى ماتەريالدار پايدالانى­لاتىندىعىمەن دە باعالى. قالاشىقتىڭ ينجەنەرلىك-كوم­مۋنيكاتسيالىق ينفراقۇرى­لى­­مىن جۇرگىزۋگە رەسپۋبلي­كا­لىق بيۋدجەتتەن 2,5 ملرد. تەڭگە قارجى قاراستىرىلىپ, «اگس-پلاست» جشس بيىلعى قازان ايى­نا دەيىن اياقتاۋدى العا قوي­­عان. بۇدان سوڭ جەدەل باس­تالاتىن قالاشىق سىزباسىندا 24 كوشەگە قونىستاناتىن ءساندى ۇيلەردىڭ قاتارىن كورەمىز. اتالعان قۇ­رى­لىسقا قاجەتتى ينۆەس­تي­تسيانىڭ جالپى كولەمى 20 826 ملن. تەڭگە بولسا, ونىڭ 16 417 ملن. تەڭگەسى تۇرعىن ءۇي قۇرى­لى­سىنا جۇمسالادى. قا­لا­شىق­تاعى سالىناتىن ۇيلەر­گە ءوڭىر­دەگى «سترويتەل», «تەمىر-بەتون» سەرىكتەستىكتەرى مەن باسقا دا كاسىپورىنداردا شى­عا­رى­لا­تىن ماتەريالداردى قول­دانۋ كوزدەلگەن. مۇنىڭ ءوزى ءوڭىر ەكو­نوميكاسىن دامىتۋدىڭ بىردەن-ءبىر كەپىلى. باسپاناعا دەگەن قاجەتتى­لىكتى وتەۋ ءۇشىن تۇرعىنداردىڭ ۇلەسكەرلىك قاتىسۋى ەكىنشى دەڭ­گەيلى بانكتەر مەن يپوتەكا­لىق نەسيەلەندىرۋ «تۇرعىن­ۇيقۇرىلىسجيناقبانكى» اق ءجۇ­يە­سىمەن تاعى باسقا مەملەكەتتىك باعدارلامالاردىڭ قارا­جاتى ەسەبىنەن نەسيەلەندىرۋ جاعى قاراستىرىلاتىن بولادى. كۇمىسجان بايجان, الماتى وبلىسى.