اربادا وتىرعان اققۋلار

مۇگەدەك ارباسىنداعى بال بيىنەن وتكەن چەمپيوناتتان كەيىن وسى تىركەس ءتىل ۇشىنا ەرىكسىز ورالعان قوستاناي قالاسىندا مۇگە­دەك ارباسىنداعى بال بيىنەن وتكەن رەسپۋبليكالىق چەمپيوناتتان ءتۇي­گەن وي – ادامنىڭ سىرت­قى مۇمكىندىگى شەكتەۋلى بول­­­عانىمەن, ىشكى رۋحاني قۋا­تى ونەر ءورىسىن شەكتەمەيدى ەكەن. اربادا وتىر­عان جاندار ساح­نا­عا قاناتى سى­نىق اققۋداي قال­قىپ شىققاندا, جازدىڭ سال­قىن كەشىندەي اسەر بەردى. ءمۇ­گەدەك ارباسىنداعى بي وسى­دان بىرنەشە جىل بۇرىن قوس­تاناي قالا­سىن­داعى «ءۇمىت-نا­دەجدا» قو­عام­دىق بىرلەس­تى­گىنىڭ مۇشەسى ارۋ­نا جاق­سى­عۇلوۆانىڭ باستا­ما­سىمەن قوس­تا­ناي قالا­سىن­­دا وتكەن بولا­تىن. بال بيىنە قاتى­سۋ­شى­لار­دىڭ قاتارى دا ارتا ءتۇستى. – بال بيىنەن رەسپۋبليكا چەم­پيوناتىن وتكىزۋ كەرەك بول­دى. ويتكەنى, چەمپيونات ءوت­پەسە ءبىز حالىقارالىق جا­رىس­تارعا جول اشا الماس ەدىك. بىزگە «نۇر وتان» حالىقتىق-دەمو­كرا­تيا­لىق پار­تيا­سى قولداۋ كورسەتىپ, وسى جا­رىستىڭ ءوتۋى ءۇشىن 500 مىڭ تەڭگە بەردى. ەندى الداعى ۋاقىتتا قا­زاقستاندىق بيشىلەر حالىقارا­لىق ءىرى جا­رىس­تاردا دا باعىمىز­دى سى­ناي­تىن بولا­مىز, – دەيدى ارۋنا جاقسىعۇلوۆا. چەمپيوناتقا قازاقستان­نىڭ بەس وبلىسىنان بيشىلەر قا­تىس­تى. كاسىپتىك توعىز سۋديا بيشىلەر ونەرىن تارازىلادى. جارىس قورى­تى­ندىسىندا ارۋنا جاقسى­عۇلوۆا مەن ونى قول­داپ بيلەگەن ءبيشى ۆلاديسلاۆ ساحنو ءبىرىنشى ورىن­دى جەڭىپ الدى. ەكىنشى ورىندى دا قوستاناي­لىق بيشىلەر يەمدەندى. ولار ار­باداعى الينا لام­پار­تەر مەن ونى قول­داپ بيلەگەن مەيرام مىر­زا­عاليەۆ بولدى. ءۇشىن­شى ورىن­دى استانا­لىق ءابۋوۆ قۇمان مەن جاننا قايىروۆا الدى. چەمپيوناتتا رەسپۋبليكا­لىق مۇگەدەكتەر كونفەدە­را­تسياسى «كورەرمەندەر كوزايى­مى» ارنايى جۇلدەسىن تاراز قالاسىنان كەلگەن مۇگەدەك ار­باسىندا وتىرعان اناسى ءزۇل­فيا مەن ونى قولداپ بيلەگەن قىزى رۋفياعا تاپسىردى. ال چەمپيونات الاڭىنىڭ يەسى قوس­تانايلىق «ءۇمىت-نادەج­دا» قو­عامدىق بىرلەستىگىنىڭ كۋ­بوگىن جال­عاسباەۆ نۇرلان مەن اق­بەر­گەنوۆا اسىلاي جە­ڭىپ الدى. چەمپيوناتقا قاتىسۋشى­لار­دىڭ بارلىعى دا اقشالاي جانە باعالى سىيلىقتارمەن ما­راپات­تالدى. ەندى جەڭىم­پاز­دار دەمەۋشى تابىلسا, حا­لىق­ارالىق جارىس­تار­دان كورىنەتىن بولادى. ءنازيرا جارىمبەتوۆا, قوستاناي.