تۇندە اتىلعان وق دەپۋتاتتىڭ ءومىرىن جالمادى

وبلىس اۋماعىندا ۇلگىلى اۋىل سانالاتىن نوۆوسەلسكوە تۇرعىندارى قاتىگەز قاراقشى­لىق شابۋىلدىڭ كۋاسى بولدى. تۇندە اتىلعان وق اقمولا وبلىستىق ءماسليحاتىنىڭ دەپۋتاتى, جەرگىلىكتى «كليمەنكو 1» جشس ديرەكتورى الەكساندر كليمەنكونىڭ ءومىرىن قيىپ كەتتى. اتباسار اۋدانىنىڭ پروكۋرورى قايىربەك وماروۆتان تەرگەۋ امالدارىنىڭ العاشقى ءناتي­جەلەرى تۋرالى تومەندەگىدەي دەرەك الدىق: «الەك­­ساندر داۆىدوۆيچ اۋدان ورتالىعىنان زايىبى تاتيانا اناتولەۆنامەن بىرگە ۇيىنە ءتۇن­گى ون ەكىلەر شاماسىندا ورالعان, – دەيدى ول. ايەلىن ەسىك ال­دىندا تۇسىرگەن ديرەكتور قالىپ­تاسقان ادەتىمەن اۋىلدى ارالاپ شىعۋعا كەتەدى. وسى كەزدە جان­تۇرشىگەرلىك وقيعا ورىن العان. ەرلى-زايىپتىلار كوتتەدجدەرىن ۇپتەپ جۇرگەن ۇرىلاردى ۇركىتىپ جىبەرسە كەرەك. بەتپەردەلى ەكى قاراقشى تابالدى­رىقتان اتتاعان ايەلدى ۇرىپ-سوعىپ, بايلاپ تاستايدى. قىل­مىس­كەرلەر كوزگە ءتۇسىپ تۇرعان التىن بۇ­يىمدارىنا تيىسپەگەنىنە قاراعاندا, تەك قانا اقشا ىزدەگەنى بايقالادى. ەسەسىنە ونىڭ مىل­تى­عىن تابادى. قىلمىسكەرلەر ۇيىنە الاڭسىز كىرگەن وتاعاسىن كەۋدەدەن اتىپ ولتىرگەن. ايەلى­نىڭ ايتۋىنشا, ودان كەيىن, ەشتەڭە بو­ل­ماعانداي, تاعى دا اقشا ىزدەۋىن جالعاستىرعان. ءسويتىپ ءۇي يەلەرىنىڭ «مازدا» كولىگىمەن ءىزىن جاسىرعان. كەيىن انىقتال­عانىن­داي, ۇرىلار جشس كەڭسەسىنە دە تۇسكەنى بەلگىلى بولدى. – وبلىستىق ءماسليحاتتىڭ دەپۋتاتتىعىنا ەكى رەت ساي­لان­عان ابىرويلى ازامات جۋىردا ماعان كەلىپ, 3 شىلدە كۇنى اتاپ وتىلەتىن 60 جىلدىق تويىنا شاقىرۋ قاعازىن تاپسىرعان ەدى. ال, بۇگىن, سارسەنبى كۇنى ونى جەرلەپ وتىرمىز, – دەيدى اتباسار اۋدا­نىنىڭ اكىمى رۋسلان اۋباكىروۆ. ەڭبەك جولىن ءوز اۋىلىندا قۇرىلىس ۋچاسكەسىنىڭ جۇمىسشىسى بولىپ باستاعان ول وسى ەلدى ۇيىستىرىپ تۇرعان ابى­رويلى باسشى دارە­جەسىنە كوتەرىلدى. ءوندىرىستى نولدىك تسيكلمەن قايتا جاڭعىرتتى. اۋىل كلۋبىن, سپورت كەشەنىن, بالالار باقشاسىن سالىپ, اتقارۋشى ورگاننىڭ بالانسىنا وتكىزدى. بوكس مەكتەبى جۇمىس ىستەپ تۇر. بەلسەندى ءومىر سالتىن ۇستان­عان الەكساندر ءداۆىدوۆيچتىڭ قايعىلى قازاسى بارشامىزعا باتادى. قازىر قاندى وقيعاعا قاتىستى قر قك 96- بابىنىڭ 2-بولىمىمەن قىلمىستىق ءىس قوزعالىپ, ارنايى تەرگەۋ توبى جۇمىس ىستەۋدە. باقبەرگەن امالبەك, اقمولا وبلىسى.