جاڭا تۇرعىن ۇيلەر الابىندا بولدى

كەشە ەلباسى نۇرسۇلتان نازارباەۆ استاناداعى «گراند استانا» تۇرعىن ءۇي كەشەنى مەن سول جاعالاۋداعى «BI Village» كوتتەدجدى تۇرعىن ۇيلەر الابىن ارالادى. تۇسكە دەيىن قارا بۇلت ءتۇيىلىپ, جاڭبىر سەبەزگىلەپ تۇرعان استانا اسپانى ەلباسى قالاعا شىق­قان­دا شايداي اشىلىپ, جارقى­راپ سالا بەردى. پرەزيدەنت پروب­لە­مالىق نىسانداردىڭ قۇرىلى­سى­مەن جانە «اققب «جاڭا قۇ­رىلىس» جشس ۇلەسكەرلەردى تۇر­عىن ۇيلەرمەن قامتۋ بارىسىمەن تانىستى. ەلبا­سى «قۋات» قۇ­رى­لىس كورپوراتسياسى باستاپ سالعان ۇيلەردەگى ۇلەس­كەر­لەر وزدەرىنە ءتيىستى ۇيلەردى الا­تىنىنا كوزى جەت­كەنىن اتاپ ءوتتى. بىراق بولا­شاق­تا ۇلەسكەرلەر وسىن­داي جاع­دايعا تاپ بولماۋعا وزدەرى دە بەكەم بولۋلارى كەرەك, دەدى مەملەكەت باسشىسى.

قازىر مۇندا قۇرىلىس-مونتاج جۇمىستارى اياقتالىپ, اۋماعىن اباتتاندىرۋ, سىرتقى ينجەنەرلىك جەلىلەردى تارتۋ, اۆتوتۇراقتى جاي­لاستىرۋ سەكىلدى جۇمىستار جال­عاسىپ جاتىر. جوسپار بوي­ىن­شا كەشەن جىلدىڭ ءتورتىنشى توق­سا­نىن­دا پايدالانۋعا بەرىلەدى. ايتا كەتەرلىگى سول, ۆەدوم­ستۆو­ارا­لىق كوميسسيانىڭ شەشىمىنە ءساي­كەس 34 نىسان پروبلەمالىق بولىپ سانالادى. سونىڭ 19-نىڭ قۇرى­لىسىن ۇكىمەت «اققب «جاڭا قۇرىلىس» جشس-ءىن تارتىپ, رەس­پۋبليكالىق بيۋدجەتتەن قاراجات ءبولۋ ارقىلى اياقتاپ جاتىر. ءبۇ­گىنگى كۇنى 19 نىساننىڭ 17-ءنىڭ قۇرىلىسى اياقتالىپ قالدى. سو­نىڭ ءبىرى – اۋماعى 540 مىڭ شارشى مەتر بولاتىن «تۇرسىن استانا» تك. بۇگىنگى كۇنى 5360 ۇلەسكەر وكىمەتتىڭ كومەگىمەن تۇرعىن ۇيگە قول جەتكىزدى. پرەزيدەنت ن.نازارباەۆ ەسىل­دىڭ سول جاعالاۋىنداعى «BI Village» كوتتەدجدى تۇرعىن ۇيلەر الابىنىڭ اشىلۋىنا دا قاتىستى. وسى جەردە ەلباسى كوتتەدج­دەر­دىڭ بىرىنە كىرىپ, ونىڭ تۇرعىن­دا­رىن جاڭا قونىستارىمەن قۇت­تىق­تادى. ءوزىنىڭ العان اسەرىن جۋرناليستەرمەن بولىسكەندە ەلباسى: «ءبىز ورتالىقتى سالدىق, ەندى قا­لانىڭ توڭىرەگىندە حالىققا جاي­لى وسىنداي جەكەمەنشىك ۇيلەر سالىنۋدا. ءۇي سالامىن دەگەن اس­تا­نالىقتار وسىنداي ارحيتەكتۋرادان ۇلگى الۋى قاجەت. مۇنداي شاعىن اۋدانداردا بىرتەكتى ارحيتەكتۋرا بولۋى كەرەك. كوشەلەر مەن ولاردىڭ بوياۋلارى ۇيلەسىمدى بولسا, ءساندى بولىپ كورىنەدى», دەدى. سونى­مەن بىرگە, پرەزيدەنت بيىك قامال­داردان قۇتىلۋ كەرەكتىگىن ايتتى. قۇرىلىس جۇمىستارىن جۇرگى­زىپ جاتقان «ۆi Group» كومپا­نيا­سىنىڭ باس ديرەكتورى ايدىن راحىمباەۆتىڭ ايتۋىنا قاراعان­دا, وسى الاپتا 9 كوتتەدجدەر كەنتى بولادى. بۇگىنگى اشىلىپ جاتقانى – سونىڭ ءبىرىنشىسى. ونىڭ 30 پاي­ىزدايىن ساتىپ العان. كوت­تەدج­دەردىڭ ءبىر شارشى مەترىنىڭ قۇنى 1150-1350 اقش دوللارى كولە­مىندە كورىنەدى. ال كوتتەدجدىڭ ءوز الاڭى 113,9 شارشى مەتردەن 350 شارشى مەتر ارالىعىندا. الاپ­تىڭ جالپى الاڭى – 8,5 گەكتار. ال­عاشقى كەنت 94 كوتتەدجدەن تۇرادى. جاقسىباي سامرات, سۋرەتتەردى تۇسىرگەندەر س.بوندارەنكو, ب.وتارباەۆ.